தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
வம்சி இயக்கத்தில் விஜய் நடிப்பில் உருவாகி வரும் திரைப்படம் ‘வாரிசு’.
தமன் இசையமைத்து வரும் இந்த படத்தை ஒரே நேரத்தில் தமிழ் & தெலுங்கில் வெளியிட உள்ளனர்.
இந்த நிலையில் இந்தப் படத்தில் இடம் பெற்ற ‘ரஞ்சிதமே….’ என்ற பாடலை இணையத்தில் வெளியிட்டனர்.
இந்தப் பாடலை நடிகர் விஜய் மற்றும் பாடகி மானசி பாடியிருந்தனர்.
இந்த பாடல் இதுவரை 4 கோடி பார்வையாளர்களை சென்று அடைந்துள்ளது.
இந்தப் பாடல் & நடனம் குறித்து சர்ச்சை ஏற்பட்டுள்ளது.
‘டாக்டர்’ படத்தில் சிவகார்த்திகேயன் போட்ட நடன அசைவுகளை அப்படியே காப்பி அடித்துள்ளார் நடன இயக்குனர் ஜானி என நெட்டிசன் என்ற வறுத்தெடுக்க ஆரம்பித்துள்ளனர். 2 பாடல்களையும் ஒப்பிட்டு வீடியோக்களை வெளியிட்டு வருகின்றனர்.
அது மட்டும் இல்லாமல் 1994ல் உளவாளி படத்தில் இடம்பெற்று தமிழில் வெளியான ‘மொச்ச கொட்ட பல்லழகி.. முத்து முத்து சொல்லழகி…’ என்ற பாடலின் மெட்டும் ‘ரஞ்சிதமே…’ என்ற பாடலின் மெட்டும் ஒரே போல உள்ளது எனவும் நெட்டிசன்கள் கலாய்க்க ஆரம்பித்து விட்டனர்.
இந்த நிலையில் இது தொடர்பான கேள்வி ஒன்றுக்கு பாடல் ஆசிரியர் விவேக் பதில் அளித்துள்ளார்..
அந்த பேட்டியில்…
“ஒரு மெட்டை தொடர்ந்து பல மெட்டுக்கள் அதுபோல உருவெடுக்கும்..
மொச்ச கொட்ட பல்லழகி… என்ற பாடல் 90களில் வெளியானது.. அதன் பின்னர் ‘சிலம்பாட்டம் படத்தில்.. பார்ட்டிக்கு போகலாமா..’ என்ற பாடலும் ‘தர்மதுரை படத்தில் மக்க கலங்குதப்பா…’ ஆகிய பாடல்களும் இதே போல இருக்கும்.
நான் வாரிசு படத்தில் வசனங்களையும் எழுதியுள்ளேன். எனவே ரஞ்சிதமே பாடலை எழுதும் போதும் இந்த மொச்ச கொட்ட பல்லழகி பாடலை தமனிடம் சொன்னேன்…
அவரும் ஒப்புக் கொண்டே காட்சிகளை வைத்தோம். மொச்ச கொட்ட பல்லழகி என்ற பாடலுக்கான காரணத்தையும் காட்சிகளாக வைத்துள்ளோம். படம் வரும்போது புரியம்.” என தெரிவித்துள்ளார் விவேக்..
அடடடா.. அவசரப்பட்டு நாமதான் ஏதோ சொல்லிட்டோமோ..??!!