தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
அண்மைக் காலமாக மறைந்த பிரபலங்களின் வாழ்க்கையை திரைப்படமாக எடுப்பது வாடிக்கையாக உள்ளது.
சாவித்ரியின் வாழ்க்கையை நடிகையர் திலகம் என்ற பெயரில் எடுத்தனர்.
தற்போது எம்.ஜி.ஆர், ஜெயலலிதா, கருணாநிதி ஆகியோரின் வாழ்க்கையை படங்களாக எடுக்கப்பட முயற்சிகள் நடந்து வருகின்றது.
மறைந்த முதல்வர் ஜெயலலிதாவின் வாழ்க்கையை மட்டும் கிட்டதட்ட 3 இயக்குனர்கள் படமாக்க திட்டமிட்டுள்ளனர்.
இந்நிலையில் விடுதலைப்புலிகள் இயக்கத்தின் தலைவர் வேலுப்பிள்ளை பிரபாகரனின் வாழ்க்கையும் படமாக உருவாகவுள்ளது.
ஸ்டூடியோ 18 என்ற நிறுவனம் இந்த படத்தை தயாரிக்கிறது. இதில் பிரபாகரனாக நடிகர் பாபிசிம்ஹா நடிக்க இருக்கிறார்.
சீறும் புலி என இப்படத்திற்கு தலைப்பு வைத்துள்ளனர்.
மறைந்த இயக்குனர் பாலு மகேந்திராவிடம் உதவி இயக்குனராக இருந்த ஜி.வெங்கடேஷ் குமார் இப்படத்தை இயக்குகிறார்.
இவர் ஏற்கனவே உனக்குள் நான், லைட்மேன் ஆகிய படங்களையும் இலங்கையில் நடந்த கடைசிகட்ட போரை மையமாக வைத்து நீலம் என்ற படத்தையும் இயக்கியவர் என்பது குறிப்பிடத்தக்கது.
நீலம் படம் தணிக்கை அதிகாரிகளால் தடை செய்யப்பட்டுள்ளதால் வெளியாகவில்லை.
பிரபாகரனின் பிறந்தநாளில் சீறும் புலி படத்தின் பர்ஸ்ட் லுக் போஸ்டரை படக்குழு வெளியிட்டது.
அந்த போஸ்டருக்கு நல்ல வரவேற்பும் கிடைத்துள்ளது.
LTTE Prabhakarans biopic titled Seerum Puli Bobby Simha plays lead role