வெளியான சில மணி நேரத்தில் ஆன்லைனில் லீக் ஆன விஷாலின் லத்தி

உதயநிதி விலகியதால் உஷாரான கமல்.; ரெண்டு டாப் ஸ்டார்களுடன் ஒப்பந்தம்.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘விக்ரம்’ படத்தின் மெகா வெற்றியைத் தொடர்ந்து கமல்ஹாசன் நடிப்பிலும் தயாரிப்பிலும் அதிக கவனம் செலுத்தி வருகிறார்.

இவர் தயாரிக்கும் அடுத்த படங்களில் ஒரு படத்தில் சிவகார்த்திகேயனும் மற்றொரு படத்தில் உதயநிதியும் நடிக்க உள்ளனர் என அறிவிக்கப்பட்டது.

இதனிடையில் தான் தமிழக அமைச்சரவையில் ‘இளைஞர்கள் நலன் மற்றும் விளையாட்டுத்துறை’ அமைச்சராக பதவி ஏற்று கொண்டார் உதயநிதி ஸ்டாலின்.

மாரி செல்வராஜ் இயக்கத்தில் நடிக்கும் படம் ‘மாமன்னன்’ தான் தன்னுடைய கடைசி திரைப்படம் என அறிவித்து கமல்ஹாசன் படத்தில் இருந்து விலகுவதாக அதிரடியாக அறிவித்தார் உதயநிதி.

இந்த நிலையில் உதயநிதிக்கு பதிலாக இதில் விஜய்சேதுபதி நடிக்க உள்ளதாக தகவல் வெளியாகி உள்ளது.

சிவகார்த்திகேயனும் விஜய் சேதுபதியும் தமிழ் சினிமாவில் முன்னணி நடிகர்களில் இருவர் என்பது நாம் அறிந்த ஒன்றுதான்.

ஹாலிவுட் படத்திலும் இணைந்த ‘தேசியத்தலைவர்’ நாயகன் பஷீர் & அரவிந்தராஜ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஹாலிவுட்டில் பிரபலமான ‘பிங்க் ஜாகுவார் எண்ட்ர்டெயின்மெண்ட்’ நிறுவனத்தின் புதிய ஹாலிவுட் படத்திற்கு ஒப்பந்தமாகி இருக்கிறார் இயக்குனர் R. அரவிந்த்ராஜ்.

இந்த ஹாலிவுட் படத்தில் நாயகனாக தேசியத் தலைவர் படத்திற்கு பிறகு மீண்டும் இவருடன் கை கோர்க்கிறார் ஜெ எம் பஷீர்.

இந்தப் படத்திற்கான அறிவிப்பை நிறுவனத்தின் தலைவர் ஹிஸ் ஹைன்ஸ் பிரின்ஸ் ஜெகதீஷ் , மேடம் ஸ்வர்ணா விரைவில் வெளியிட இருக்கிறார்கள்.

தேசியத் தலைவர் படத்தின் வெளியீட்டிற்கு பிறகு இந்த படத்திற்கான பணிகள் மார்ச் மாதம் முதல் தொடங்க இருக்கிறது.

கூடுதல் தகவல்…

பசும்பொன் முத்துராமலிங்கத் தேவர் வாழ்க்கை வரலாற்றை மையப்படுத்தி எடுக்கப்பட்டு வரும் படம் தேசியத்தலைவர்.

முத்துராமலிங்கத் தேவராக ஜே.எம்.பஷீர் நடித்துள்ளார்.

எம்.எம்.பாபு, எஸ்.எஸ்.ஆர்.சத்யா, ஜி.ஜெயந்தி ஆகியோர் இணைந்து தயாரித்து வரும் இப்படத்தை ‘ஊமைவிழிகள்’ புகழ் அரவிந்த்ராஜ் இயக்கி வருகிறார்.

இளையராஜா இசையில் தேவரய்யா என்ற பாடலை சினேகன் எழுதியுள்ளார்.

ப்ரமோஷனில் இதற்காகத்தான் கலந்துக்கல – நயன்தாரா ஓபன் டாக்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பட ப்ரமோஷனில் பங்கேற்காதது குறித்து பேசிய நயன்தாரா, ‘நான் நடித்த ஆரம்பகால படங்களில் கதாநாயகிக்கு முக்கியத்துவம் இல்லை.

நடிகைகளை வெறுமனே மேடையில் உட்காரச் சொல்லும் காலம் அது.

படத்திற்கு எந்த வகையிலும் உதவாது என்பதற்காகவே விளம்பர நிகழ்ச்சிகளை தவிர்த்துவிட்டேன்” என்றார்.

லேடி சூப்பர் ஸ்டார் மேலும் கூறுகையில், “இப்போதெல்லாம் அதிக ஹீரோயின் சார்ந்த படங்கள் வருகின்றன.

இயக்குனர்கள் மற்றும் தயாரிப்பாளர்கள் ஹீரோயின் சார்ந்த படங்களை உருவாக்குகிறார்கள், இப்போது நான் படங்களை விளம்பரப்படுத்துவதில் அதிக அர்த்தம் உள்ளது” என தெரிவித்துள்ளார் நயன்.

சிம்புவின் அடுத்த ப்ராஜெக்ட் பற்றிய லேட்டஸ்ட் தகவல்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பத்து தல மார்ச் 2023 இல் திரையரங்குகளில் வெளியிட திட்டமிட்டுள்ளதாக தகவல் வந்துள்ளது.

இதற்கிடையில், முன்னதாக அறிவிக்கப்பட்ட ‘கொரோனா குமார்’ படம் உட்பட சிம்புவின் அடுத்த திட்டம் குறித்து எந்த செய்தியும் இல்லை.

சிம்பு தனது அடுத்த திட்டத்தை அறிவிப்பதற்கு முன்பு ஒரு மாத இடைவெளி எடுத்துக்கொள்வதாக கூறப்படுகிறது.

சிலம்பரசன் தனது திறமைகளை வளர்த்துக் கொள்ள இந்த இடைவேளையின் போது தற்காப்பு கலைகளை பயிற்சி செய்ய திட்டமிட்டுள்ளதாக கூறப்படுகிறது.

மறுபுறம், விரைவில் ஒரு சூப்பர் ஹீரோ படத்திற்காக இயக்குனர் ஏஆர் முருகதாஸுடன் எஸ்டிஆர் இணையவுள்ளதாக ஒரு தகவல் உள்ளது.

2021ல் HUMAN.. 2022ல் கலைஞன்.. 2023ல்..??? மக்கள் செல்வனுக்கு மகுடம் சூட்டும் ராமசந்திரன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சர்வதேச அளவில் புகழ்பெற்ற படைப்பாளியான புகைப்படக் கலைஞர் எல். ராமசந்திரன், ஒவ்வொரு ஆண்டும் தனித்துவமான தலைப்பைத் தேர்ந்தெடுத்து, தனது வித்தியாசமான அணுகுமுறையின் மூலம் பிரமிக்கத்தக்க வகையில் சர்வதேச தரத்திலான ஒரு புகைப்பட தொகுப்பை உருவாக்கி, அதனை மாதாந்திர நாட்காட்டியாக வடிவமைத்து வெளியிடுவதை வழக்கமாகக் கொண்டவர்.

முந்தைய ஆண்டுகளில் “ஹூயூமன்”, “கலைஞன்” ஆகிய தலைப்புகளில் மக்கள் செல்வன் விஜய் சேதுபதியை தனித்துவமாகக் காட்சிப்படுத்திய எல். ராமசந்திரன் இந்த ஆண்டும், தொடர்ந்து மூன்றாம் முறையாக அவரோடு இணைந்து, ஒரு படைப்பாளியை பின்புலமாகக் கொண்ட “தி ஆர்டிஸ்ட்” என்ற தலைப்பில் காட்சிகளை வடிவமைத்து, அதனை 2023-ம் ஆண்டுக்கான மாதந்திர நாட்காட்டியாய் வடிவமைத்திருக்கிறார்.

ஓவியர், சிற்பி, கிராபிடி ஆர்டிஸ்ட் என பல பரிமாணங்களில் மக்கள் செல்வன் விஜய் சேதுபதியை புகைப்படம் எடுத்து, அதனை வண்ணமயமான நாட்காட்டியாக உருமாற்றியுள்ளார் சர்வதேச புகைப்பட கலைஞர் எல்.ராமசந்திரன்.

இந்த படைப்பிற்காக நூற்றுக்கும் மேற்பட்ட கலைஞர்கள் சுமார் பத்து நாட்களுக்கும் மேலாக அயராது உழைத்து 12 கண்கவர் செட்டுகளை, ஒவ்வொன்றையும் தனித்துவமான தலைப்பில் (Theme) வடிவமைத்துள்ளனர் என்பது குறிப்பிடத்தக்கது.

“கலையும் கற்பனையும், பல சமூக மாற்றங்களை நிகழ்த்தியுள்ளது; பல முன்னெடுப்புகளுக்கு ஆதாரமாய் இருந்துள்ளது; பலரையும் மகிழ்வித்து வருகிறது.

அவ்வாறான எல்லா கலைஞர்களுக்கும் இந்த “ஆர்டிஸ்ட்” சமர்ப்பணம்” என குறிப்பிடும் எல் ராமசந்திரன், அயராத பணிச்சுமைகளுக்கு மத்தியிலும் இந்த கருத்துப்படிவத்திற்காக (கான்செப்ட்) உடனே நேரம் கொடுத்த விஜய் சேதுபதிக்கு தனது மனமார்ந்த நன்றிகளைத் தெரிவித்திருக்கிறார்.

தன்னுடைய பணிகளில் முழு அர்ப்பணிப்புடனும் தன்னம்பிக்கையுடனும் செயலாற்றும் நடிகர்களில் விஜய் சேதுபதிக்கு என்றுமே ஒரு தனி இடம் உண்டு.

இந்த படத்தொகுப்பில் இடம் பெற்றிருக்கும் ஒவ்வொரு தலைப்பிற்கும், அந்தந்த துறை சார்ந்த நிபுணர்களை அணுகி, அதன் நுணுக்கங்களை உள்வாங்கி, அந்தந்த கதாபாத்திரமாகவே தன்னை மாற்றியிருக்கிறார் விஜய் சேதுபதி என்பதை நீங்கள் முதல் பார்வையிலேயே உணரலாம்.

கடந்த ஆண்டுகளைக் காட்டிலும், இத்தொகுப்பு ஒரு மாறுபட்ட – புதிய பாணியில் இருப்பதை நீங்கள் உணரலாம். சர்வதேச தரத்தில், ஒவ்வொரு மாதத்திற்கும் இரண்டு புகைப்படங்கள் என 24 புகைப்படங்களோடு, அழகுற வடிவமைக்கபட்டுள்ள இந்த நாட்காட்டி, உங்கள் உள்ளங்களையும் இல்லங்களையும் அழகாக்கும் என்பதில் சிறிதும் ஐயமில்லை.

கடந்த 2021ம் ஆண்டு கோவிட் ஊரடங்கு சமயத்தில் “HUMAN”, 2022ம் ஆண்டு “கலைஞன்” என்று தெருக்கூத்து கலைஞர்களை மையமாகக் கொண்டு வெளியிடப்பட்ட நாட்காட்டி ஆகியவை நல்ல வரவேற்பைப் பெற்றது குறிப்பிடத்தக்கது.

இம்முறை “தி ஆர்டிஸ்ட்” நாட்காட்டி விற்பனைக்கு வருகிறது.

இதன் மூலம் கிடைக்கப்பெறும் வருவாய், காசா அறக்கட்டளை மூலம் கல்வி மற்றும் மருத்துவ நலன்களுக்காக பயன்படுத்தப்படும் என்பதையும் இத்தருணத்தில் மகிழ்ச்சியோடு தெரிவித்துக் கொள்கிறோம்.

வண்ணமயமாய் வாஞ்சையுடன் ஜொலிப்பான் இந்த “ஆர்டிஸ்ட்”.
ஆர்டிஸ்ட் காலண்டர் store.lramachandran.com, அமேசான் போன்ற இணையதளங்களிலும் மற்றும் முன்னணி புத்தகக் கடைகளிலும் விற்பனைக்கு வந்துள்ளது.