தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பாண்டிராஜ் இயக்கத்தில் சிவகார்த்திகேயன் நடித்துள்ள படம் நம்ம வீட்டுப் பிள்ளை.
இப்படத்தில் சிவாவின் தங்கையாக ஐஸ்வர்யா ராஜேஷ் நடித்துள்ளார். இது முழுக்க முழுக்க ஒரு குடும்ப படமாக உருவாக்கப்பட்டுள்ளது.
இப்படம் நாளை செப்டம்பர் 27ஆம் தேதி வெளியாகிறது. இத்துடன் போதை வகைகளை சொல்லும் கோலா என்ற படமும் வெளியாகிறது. அதன் விவரம் வருமாறு…
மோத்தி ஆர்ட்ஸ் என்ற பட நிறுவனம் சார்பில் மோத்தி முகமது தயாரித்திருக்கும் படம் “கோலா“.
மோத்தி.பா இயக்கியுள்ள இப்படத்தில் விக்கி ஆத்தியா, வைசாக் இருவரும் நாயகர்களாக நடித்துள்ளனர். நாயகியாக ஹரிணி நடித்துள்ளார்.
இவர்களுடன் மோத்தி முகமது, தருண் மாஸ்டர், பாபூஸ், சந்தான லக்ஷ்மி, ஜீவா ரவி, ஜெய சுவாமிநாதன், கிருஷ்ணன், குமார், ஜெய்கணேஷ், அமுதவாணன், ஜுங்கா பாலா, ஸ்ரீகோ உதயா ஆகியோர் நடித்துள்ளனர்.
படம் பற்றி மோத்தி.பா ஒரு பேட்டியில் கூறியதாவது:-
போதை தான் இந்த உலகை ஆட்டிப் படைத்துக் கொண்டிருக்கிறது.
அதில் பல வகை உண்டு பணக்கார போதை, அதிகார போதை, பெண் போதை, மது போதை, கடைசியாக புகழ் போதை. மனிதன் தன் கடைசி மூச்சு நிற்கும் வரை புகழ் போதைக்கு ஆசைப்படுகிறான்.
விளக்கின் வெளிச்சத்தை தேடிச்சென்று விழும் விட்டில் பூச்சிகள் போல் சிலர் போதையில் சிக்கிக் கொள்கிறார்கள். உண்மையில் போதை என்பதே ஒரு மாயை தான். இவ்வாறு அவர் கூறினார்.
ஒளிப்பதிவு – கமில் ஜே.அலெக்ஸ்; இசை – கண்மணி ராஜா; பின்னணி இசை – எஸ்.எம்.பிரஷாந்த்; பாடல்கள் – காதல் மதி, டாக்டர் கிருதியா, மோத்தி.பா; கலை – ராம்ஜி; எடிட்டிங் – தீபக்; நடனம் – ராதிகா; தயாரிப்பு மேற்பார்வை – லினா மோத்தி, எம்.எல்.பிஸ்மி; தயாரிப்பு – மோத்தி முகமது; கதை, திரைக்கதை, வசனம், இயக்கம் – மோத்தி.பா.
Kola movie clash with Sivakarthikeyans Namma veetu Pillai