தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
‘காஞ்சி: அன்ப்ரேக்கபிள்’, ‘கிரேட் க்ராண்ட் மஸ்தி’, ‘பேகம் ஜான்’, ‘மணிகர்னிகா’ உள்ளிட்ட பல படங்களில் நடித்தவர் மிஷ்டி முகர்ஜி.
இந்தி மற்றும் பெங்காலி மொழிப்படங்களில் நடித்து வந்தார் இவர்.
இவர் தன் உடல் எடையை குறைக்க கீட்டோ ஜெனிக் டயட் என்ற டயட் முறையை பின்பற்றியுள்ளார்.
அதாவது… உணவில் மிக குறைந்த அளவில் மாவுச்சத்தை எடுத்துக்கொண்டு அதிக அளவில் கொழுப்பையும், அதற்கும் கொஞ்சம் குறைவாகப் புரதத்தையும் எடுத்துக்கொள்வதுதான் கீட்டோ டயட் என கூறப்படுகிறது.
இந்நிலையில் கடந்த சில தினங்களுக்கு முன்பு உடல்நல குறைவால் நடிகை மிஷ்டி முகர்ஜி பெங்களூருவில் உள்ள ஒரு மருத்துவமனையில் அனுமதிக்கப்பட்டார்.
ஆனால் சிகிச்சை பலனின்றி கடந்த வெள்ளிக்கிழமை (02.10.20) அன்று மிஷ்டி முகர்ஜி மரணமடைந்தார். அவருக்கு வயது 27 என்பது குறிப்பிடத்தக்கது.
கீட்டோ டயட் முறையை தொடர்ந்து பின்பற்றியதாலேயே மிஷ்டி முகர்ஜிக்கு சிறுநீரக செயலிழப்பு ஏற்பட்டதாக அவரது குடும்பத்தினர் தெரிவித்துள்ளனர்.
Keto Diet is Suspected to Be the Reason for Mishti Mukherjee’s Death