தமிழ் சினிமா அப்டேட்ஸ் களை உடனுக்குடன் தெரிந்து கொள்ள
கடந்த ஜூன் மாதம் 3ம் தேதி கமல்ஹாசன் தயாரித்து நடித்த ‘விக்ரம்’ திரைப்படம் ரிலீஸ் ஆனது.
இந்த படம் மாபெரும் வசூல் சாதனையை படைத்து தற்போது வரை சக்கை போடு போட்டுக் கொண்டிருக்கிறது.
இது கமல் நடிப்பில் உருவான 232 வது படமாக இருந்தாலும் அவர் தயாரிப்பு நிறுவனம் சார்பாக எடுக்கப்பட்ட 52வது திரைப்படமாகும்.
தற்போது சிவகார்த்திகேயன் நடிக்கும் படத்தை தயாரித்து வருகிறார் கமல்.
இதனையடுத்து உதயநிதி நடிக்க உள்ள படத்தை தயாரிக்க இருப்பதாக சமீபத்தில் அறிவித்தனர்.
இது கமல்ஹாசனின் ராஜ் கமல் பிலிம்ஸ் நிறுவனத்தின் 54வது படைப்பாகும்.
இந்த நிலையில் விரைவில் ரஜினிகாந்த் மற்றும் விஜய் ஆகியோரது படங்களையும் தயாரிக்க கமல்ஹாசன் தீவிர முயற்சியில் இறங்கியுள்ளதாக தகவல்கள் வந்துள்ளன.
சில ஆண்டுகளுக்கு முன் சத்யராஜ் நடித்த ‘கடமை கண்ணியம் கட்டுப்பாடு’, மாதவன் நடித்த ‘நள தமயந்தி’, சீயான் விக்ரம் நடித்த ‘கடாரம் கொண்டான்’ ஆகிய படங்களையும் ராஜ் கமல் பிலிம்ஸ் நிறுவனமே தயாரித்தது என்பது குறிப்பிடத்தக்கது.
Kamal plans to produce Rajini and Vijay movies