தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கேரள சர்வதேச திரைப்பட விழா, மார்ச் 18 முதல் 25 ஆம் தேதி வரை கேரளாவில் நடைபெறவுள்ளது.
இதன் தொடக்க விழாவில் கேரள முதல்வர் பினராயி விஜயன் கலந்துக் கொண்டு தலைமையேற்கிறார்.
இந்த திரைப்பட விழாவில் சுமார் 175 திரைப்படங்கள் 15 தியேட்டர்களில் திரையிடப்படும் எனத் தெரிகிறது.
மேலும் சாதனை புரிந்த மறைந்த திரையுலக ஆளுமைகளுக்கு உரிய மரியாதை இந்த விழாவில் அளிக்கப்படவுள்ளது.
மறைந்த பிரபல மலையாள இயக்குனர் கே.எஸ்.சேதுமாதவன் இயக்கிய தமிழ் படமான ‘மறுபக்கம்’ இந்த விழாவில் திரையிடப்படுகிறது.
1991ல் வெளியான ‘மறுபக்கம்’ படத்தில் சிவகுமார், ராதா உள்ளிட்டோர் நடித்திருந்தனர். 3 தேசிய விருதுகளை இந்த படம் வென்றுள்ளது. எனவே சிவகுமார் இந்த விழாவில் பங்கேற்க உள்ளார் என கூறப்படுகிறது.
மேலும் இந்த விழாவில் பங்கேற்க கமல்ஹாசனுக்கும் அழைப்பு விடுக்கப்பட்டுள்ளதாம்.
கமல், கௌதமி, கரண் நடித்த நம்மவர் (1994) படத்தையும் கே.எஸ்.சேதுமாதவனே இயக்கியிருந்தார் என்பது குறிப்பிடத்தக்கது.
Kamal Haasan and Sivakumar to attend Kerala film festival?