தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ரஜினிகாந்த் நடித்துள்ள கபாலி பட விளம்பரத்துடன் விமான சேவையில் ஏர் ஏசியா ஈடுபட்டது.
எனவே, எந்த சினிமாவுக்கும் கிடைக்காத பெயர், புகழ் ரஜினியின் கபாலி படத்திற்கு கிடைத்தது.
இதன்படி பெங்களூரில் இருந்து வரும் ரசிகர்கள் சென்னையில் வந்து படம் பார்த்து செல்ல்லாம் என அறிவிக்கப்பட்டது.
இதற்கு கட்டணம் ரூ. 8000 என தெரிவிக்கப்பட்டது.
எனவே, கபாலி படத்தின் முதல் நாள் முதல் காட்சியை காண சுமார் 150க்கும் மேற்பட்ட தீவிர ரஜினி ரசிகர், ரசிகைகள் ஏர் ஏசியா விமானம் மூலம் பெங்களூரில் இருந்து சென்னைக்கு அழைத்து வரப்பட்டனர்.
இவர்களுக்கு சத்யம் சினிமாஸில் படம் திரையிடப்படும் என கூறப்பட்டதாகவும் அதன்பின்னர் வடபழனியில் உள்ள பிரசாத் ஸ்டூடியோவுக்கு மாற்றி விட்டதாக கூறப்படுகிறது.
இதனால் அதிருப்தி அடைந்த ரசிகர்கள் வாக்குவாதத்தில் ஈடுப்பட்டுள்ளனர்.
இதுகுறித்து ஏர் ஏசியா இந்தியா பிரிவின் சிஇஓ அமர் அப்ரோல் தெரிவிக்கையில்…
“விமானம் காலை 7 மணிக்கு சென்னைக்கு வந்தது. சத்யம் சினிமாஸில் காலை 9 மணிக்கு தொடங்க வேண்டிய படம் 12 மணிக்கு தான் தொடங்கும் என தெரிவித்தனர்.
எனவேதான் பிரசாத் ஸ்டுடியோவுக்கு மாற்றினோம். பின்னர் ரசிகர்கள் 12 மணிக்கு காட்சிக்கு ஒப்புக் கொண்டதால் பிரச்சினை முடிக்கப்பட்டது” என்றார்.