By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
தமிழ் சினிமாவின் முன்னணி நடிகர்களில் ஒருவர் ஜெயம் ரவி.
இவர் நல்ல கதையம்சம் உள்ள படங்களை தேர்ந்தெடுத்து நடித்து வருகிறார்.
அந்த படங்களுக்கு ரசிகர்கள் மட்டுமல்லாமல் மக்கள் மத்தியிலும் பெரும் வரவேற்பு கிடைத்து வருகிறது. இதனால் ரவி படங்களை குடும்பத்துடன் பார்க்கலாம் என்ற எண்ணம் மக்கள் மத்தியில் மேலோங்கி நிற்கிறது.
ஜெயம் ரவி நடிப்பில் கடந்த ஆண்டு வெளியாகி மிகப்பெரிய வெற்றி பெற்ற திரைப்படம் ‘பொன்னியின் செல்வன் 1’.
இது பான் இந்தியா படமாக தமிழ் தெலுங்கு கன்னடம் ஹிந்தி மொழிகளில் வெளியானது. இதனால் தற்போது இந்தியா முழுக்க தெரிந்த நடிகராகி விட்டார் ஜெயம் ரவி.
இதனையடுத்து இந்தாண்டு 2023 மார்ச் மாதம் ‘அகிலன்’ படம் வெளியானது.
வரும் ஏப்ரல் 28 அன்று ‘பொன்னியின் செல்வன்’ படத்தின் இரண்டாம் பாகம் வெளியாகவுள்ளது.
‘பொன்னியின் செல்வன் 2’-ல் அதிக முக்கியத்துவம் ஜெயம் ரவிக்கு தான் இருக்கும் ஏனெனில் கதையின் நாயகனே அவர் தான்.
இதைத் தொடர்ந்து ரவி நடிப்பில் ‘இறைவன்’, ‘சைரன்’ ஆகிய படங்கள் இந்த வருடமே வெளியாக உள்ளது. தற்போது இயக்குனர் எம். ராஜேஷ் படத்திலும் நடித்து வருகிறார்.
ஜெயம் ரவி விரைவில் வேல்ஸ் பிலிம்ஸ் தயாரிக்கும் படத்தில் நடிக்கவுள்ளார் இந்த படம் ரூ. 100 கோடி பொருட்செலவில் உருவாக இருக்கிறது.
இதையடுத்து அவர் அண்ணன் இயக்குனர் மோகன் ராஜா இயக்கத்தில் தனி ஒருவன் 2 படத்திலும் நடிக்க உள்ளார் என்பது குறிப்பிடத்தக்கது.
Jayam Ravi and Vels films joins for mega budget film
