சிம்புக்கு ஜோடியாகி தமிழ் சினிமாவில் அறிமுகமாகும் டயானா எரப்பா

ரஜினி-ஷங்கர் கூட்டணியின் *2.0* டீசர் 3 கோடி பார்வையாளர்களுடன் சாதனை..!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ரஜினி, ஷங்கர் கூட்டணியில் உருவாகி இந்தியாவின் கவனத்தை திருப்பியுள்ள படம் ‘2.0’.

வருகிற நவம்பர் 29-ஆம் தேதி உலகம் முழுக்க வெளியாகவிருக்கிறது.

இப்படத்தின் டீஸர் செப்டம்பர் 13ஆம் தேதி காலை 9 மணிக்கு வெளியானது.

2D தவிர 3D தொழில்நுட்பத்திலும் தமிழ், தெலுங்கு, ஹிந்தி ஆகிய மொழிகளில் வெளியாகியது.

இந்த டீஸருக்கு ரசிகர்கள் மத்தியில் பெரும் வரவேற்பு கிடைத்துள்ளது.

இது வெளியான 24 மணிநேரத்தில் 1 கோடிக்கும் மேற்பட்டவர்களின் பார்வையிடல்கள் கிடைத்து பெரும் சாதனை படைத்துள்ளது.

ஹிந்தியில் வெளியாகிய டீஸரும் 24 மணிநேரத்தில் 1 கோடிக்கும் மேற்பட்டவர்கள் ‘2.0’ டீஸரை பார்வையிட்டுள்ளனர்.

தமிழ், தெலுங்கு, ஹிந்தி ஆகிய மூன்று மொழிகளும் சேர்த்து ‘2.0’ டீஸருக்கு 30 மில்லியனுக்கும் மேற்பட்ட பார்வையிடல்கள் கிடைத்திருப்பதால் இது ஒரு சாதனையாக கருதப்படுகிறது.

அதாவது 3 கோடிக்கும் அதிகமான மக்கள் இதை பார்த்துள்ளனர்.

இதுவரை ரஜினி நடிப்பில் வெளியான கபாலி, காலா படங்களின் டீஸர் படைத்த சாதனைகளை இப்போது ‘2.0’ டீஸர் முறியடித்துள்ளது.

இதற்கு முன் விஜய் நடிப்பில் வெளியான ‘மெர்சல்’ படத்தின் டீஸருக்கு 24 மணிநேரத்தில் 1 கோடிக்கும் மேற்பட்ட பார்வையாளர்கள் பார்த்தனர்.

ராஜமௌலியின் ‘பாகுபலி’, ‘பாகுபலி-2’ ஆகிய படங்களின் டீஸர்களும் உலக அளவில் சாதனை படைத்தது என்பது குறிப்பிடத்தக்கது.

பிக்பாஸ் வின்னர் ஆரவ் *ராஜபீமா* படத்தில் ஹீரோவாகிறார்.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கமல் தொகுத்து வழங்கிய பிக்பாஸ் சீசன் 1 நிகழ்ச்சியில் வின்னர் பட்டம் பெற்றவர் ஆரவ்.

இவர் ‘சைத்தான்’ படத்தில் சிறிய கேரக்டரில் நடித்திருந்தார்.

இந்நிலையில், ஆரவ் ஹீரோவாக நடிக்கும் புதிய படம் பற்றிய அறிவிப்பு வெளிவந்துள்ளது.

சுரபி ஃபிலிம்ஸ் எஸ்.மோகன் தயாரிப்பில் நரேஷ் சம்பத் இயக்கவுள்ள இப்படத்திற்கு ‘ராஜபீமா’ என்று பெயரிட்டுள்ளனர்.

‘கருந்தேள் ராஜேஷ்’ என்பவர் இப்படத்திற்கு திரைக்கதை அமைத்து வசனம் எழுதியுள்ளார்.

இப்படத்திற்கு எஸ்.ஆர்.சதீஷ்குமார் ஒளிப்பதிவு செய்ய, ‘ சைமன் கிஷ் இசையமைக்கிறார். எடிட்டிங் கோபி கிருஷ்ணா.

கும்கி பட வரிசையில் யானையை மையமாக வைத்து இப்படம் உருவாகிறது.

அக்டோபர் 5ல் ஆங்கிலம் & தமிழிலும் ரிலீஸாகிறது *வெனம் – Venom*

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சூப்பர் ஹீரோக்களைப் போல அம்மாதிரியான விஞ்ஞான நவீனங்களில் உலா வரும் anti-சூப்பர் ஹீரோக்களும் (எதிர்மறையான வில்லன் வேடம்!) இணையான மவுசு உண்டு.

மார்வெல் (Marvel) காமிக்ஸ் கதாபாத்திரமொன்றின் அடிப்படையில் உருவாக்கப்பட்டிருப்பது தான், எடி ப்ரோக் என்கிற இப்படத்தின் பிரதான கதாபாத்திரம். சோனி மார்வெல் யூனிவர்சின் முதல் (Sony Marvel Universe) படைப்பிது!

ஸ்பைடர்மேன் படத்தொடரிலிருந்து தேர்ந்தெடுக்கப்பட்ட ஒரு முக்கிய கதாபாத்திரம்தான், இந்த எடி ப்ரோக்/வெனம் கதாபாத்திரம்!

அட்லாண்டா, நியூ யார்க், லாஸ் ஏஞ்சிலஸ் மற்றும் சான் பிரான்சிஸ்கோ ஆகிய ஊர்களில் இதன் படப்பிடிப்பு நிகழ்த்தப்பட்டுள்ளது.

2007 ஆம் ஆண்டு வெளிவந்த ஸ்பைடர்மேன்-3 திரைப்படத்தில்தான், முதன் முதலாக எடி ப்ரோக் கதாபாத்திரம் அறிமுகப்படுத்தப்பட்டது.

லைஃப் பெளண்டேஷன் நிறுவனத்தின் தலைமை பீடத்தில் வீற்றிருக்கும் சார்ல்டன் ட்ரேக் (ரிஸ் அஹமத்), உயிரினங்களின் மீது விசித்திரமான ஆராய்ச்சி ரீதியிலான சோதனைகளைச் (experiments) செய்து பார்ப்பதில் சமர்த்தர்!

எதிர்காலத்தில் மனித இனமே அழிந்துவிடும் ஒரு நிலை உருவாகுவதற்கான சாத்தியகூறுகள் தென்பட, சிம்பியாட்ஸ் (Symbiotes) என்கிற ஒரு வகை இனம் துளிர் விடத் தயாராகிவிட்டதையும் உணர்கிறார்! பத்திரிகையாளரான எடி ப்ரோக் (டாம் ஹார்டி), இவ்வாராய்ச்சியில் தன்னை ஈடுபடுத்திக் கொள்கிறார்.

சிம்பியாட் ஒன்றோடு அவரது நெருக்கம், அவருக்குப் புதியதொரு சக்தியையும் அந்தஸ்தையும் தந்தருள்கிறது!

நன்மைகளை விட, தீமைகள் அதிகமாக நடக்கவல்ல சூழ்நிலையும் உருவாகிறது! ஆனி வியாங் (மிஷல் வில்லியம்ஸ்) எடியின் காதலியாகத் தோன்றுகிறார். லட்விக் கோரன்சன் இசையமைக்க, மாத்யூ லிபாடிக்யூ ஒளிப்பதிவு செய்துள்ளார்.

ஆலம் பெளம்கார்டன் படத்தைத் தொகுத்துள்ளார். இதைத் தொடர்ந்து ‘வெனம்’ சங்கிலித் தொடர் படங்கள் உருவாக்கப்பட வாய்ப்புள்ளது.

Venom movie releasing on both Tamil and English languages on 5th October

சில்க் ஸ்மிதா நடித்த *ராக தாளங்கள்* முதன்முறையாக ரிலீஸாகிறது!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தன் கவர்ச்சியான நடிப்பால் ரசிகர்களை மயங்க வைத்தவர் சில்க் சுமிதா.

இவரது வருகைக்கு பிறகு இவர் இடம் பெறாத படங்களே இல்லை எனலாம். அவரது அகால மரணம் திரை உலகில் அதிர்ச்சி அலையை ஏற்படுத்தியது.

அவர் நடித்த படம் ஒன்று நீண்ட இடைவேளைக்கு பிறகு இதுவரை வெளிவராத படம் ராக தாளங்கள் வெளி வர உள்ளது.

மாறுபட்ட வேடத்தில் சில்க் சுமிதா நடித்து உள்ளார். ராக தாளங்கள் படத்தின் கதை திரைக்கதை வசனம் பாடல்கள் எழுதி இயக்கி தயாரித்துள்ளார் திருப்பதி ராஜன். பொருளாதாரப் பிரச்சனை காரணமாக இப்படம் இதுவரை வெளிவரவில்லை.

இதோ அதோ என்று தள்ளி போன சில்க் சுமிதா நடித்துள்ள ராக தாளங்கள் படம் செப்டம்பரில் வெளி வர உள்ளது.

இப்படத்தில் சில்க் சுமிதா நடிப்பைப் பார்த்து ரசிகர்கள் வியப்பின் உச்சிக்கே செல்வார்கள் என்பது உறுதி.

இப்படத்தில் சில்க் சுமிதா அபிராமி கதாபாத்திரத்தில் நடித்து உள்ளார். படத்தின் முடிவு பார்ப்போரின் மனதை வருத்தி எடுக்கும் என்பது நிச்சயம்.

ஸ்ரீ தண்டாயுதபாணி மூவிஸ் சார்பில் தாத்தா கலை மூவிஸ் தயாரித்துள்ளது.

வசூல் வேட்டையில் *சீமராஜா*; ஹாட்ரிக் சிக்ஸர் அடித்த சிவகார்த்திகேயன்!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

வருத்தப்படாத வாலிபர் சங்கம், ரஜினிமுருகன் ஆகிய 2 வெற்றிப் படங்களை அடுத்து சிவகார்த்திகேயன், பொன்ராம், இமான், சூரி ஆகியோர் இணைந்துள்ள படம் சீமராஜா.

அதுபோல் ரெமோ மற்றும் வேலைக்காரன் ஆகிய 2 வெற்றிப் படங்களை அடுத்து 24ஏஎம் ஸ்டூடியோஸ் மற்றும் சிவகார்த்திகேயன் இணைந்துள்ள படம் சீமராஜா.

இப்படம் நேற்று வெளியாகி அனைத்து தரப்பு ரசிகர்களையும் கவர்ந்துள்ளது. அதன் வசூல் விவரம் வருமாறு….

சிவகார்த்திகேயன் – சமந்தா நடிப்பில் பொன்ராம் இயக்கத்தில் 24 AM STUDIOS நிறுவனத்தின் சார்பில் ஆர் டி ராஜா தயாரிப்பில் உருவாகி , நேற்று வெளி ஆகி வெற்றிகரமாக ஓடி கொண்டு இருக்கும் “சீமராஜா” , சிவகார்த்திகேயனின் முந்தைய படங்களின் சாதனைகளை முறியடித்துக் கொண்டு இருக்கிறது.

முதல் நாள் வசூலே 13.5 கோடி ஆனதாக கூறப்படுகிறது.

“இந்த வெற்றிக்கு காரணமான சிவகார்த்திகேயனின் ரசிகர்களுக்கும், பொதுமக்களுக்கும் என் மனமார்ந்த நன்றிகள்.

ஒரு ஜனரஞ்சகமான படத்துக்கு தேவையான அத்தனை அம்சங்களையும் நிறைத்து ஒரு படத்தை தயாரிப்பது என்பது , அனைத்து மக்களையும் சென்று அடைய வேண்டும் என்ற எண்ணத்தில் தான். குடும்பமாக படம் பார்க்கும் ரசிகர்களையும், இளைஞர்களையும் கவர வேண்டும் என்பதே பிரதான நோக்கம்.

சிவகார்த்திகேயன் நிறைய வித்தியாசமான வேடங்களில் நடிக்க வேண்டும் என்று நிலையை தாண்டி , அவரது ரசிகர்களுக்கு பிடித்தமான ஒரு கலகலப்பான படம் தான் சீமராஜா. முதல் நாளே திரை அரங்குகளுக்கு குடும்பம் குடும்பமாக ரசிகர்கள் வருகிறார்கள் என்று திரை அரங்கு உரிமையாளர்கள் கூறும் போது உள்ளம் பூரிப்பு அடைகிறது.

சிவகார்த்திகேயனின் முந்தைய படங்களின் வசூல் சாதனையை இந்த படம் முறியடிக்கும் என்பதில் எந்த வித ஐயம் இல்லை. முதல் நாள் வசூலே 13.5 கோடி என்பது பெருமைக்குரியது, சாதனைக்குரியது.

550 காட்சிகள் திரை இடபட்டு உள்ளன. இந்த எண்ணிக்கை இந்த வார இறுதிக்குள் மேலும் கூடும். ஊடக நன்பர்களுக்கும், திரை அரங்கு உரிமையாளர்களுக்கும், பொது மக்களுக்கும்,இந்த மாபெரும் வெற்றிக்கு என் மனமார்ந்த நன்றிகள் ” என்கிறார் தயாரிப்பாளர் ஆர் டி ராஜா.