தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
குழந்தை நட்சத்திரமாக சினிமாவில் அறிமுகமானவர் கமல்ஹாசன்.
எம்ஜிஆர் – சிவாஜி என அனைவருடனும் நடித்துவிட்டார்.
கிட்டதட்ட 60 ஆண்டுகளாக சினிமாவில் புகழோடு நிலைத்து நிற்கிறார் கமல்ஹாசன்.
தற்போது மக்கள் நீதி மய்யம் என்ற கட்சியை தொடங்கி அரசியலில் கவனம் செலுத்தி வருகிறார்.
எனவே தமிழக முழுவதும் சுற்றுப்பயணம் செய்து மக்களை சந்தித்து வருகிறார்.
அண்மையில் கஜா புயல் பாதித்த பகுதிகளில் மக்களை சந்தித்தார்.
இந்நிலையில், கேரளாவில் கீழகம்பளம் பஞ்சாயத்தில் டுவென்டி-20 திட்டத்தின் கீழ் வீடுகளை இழந்தவர்களுக்கு முதற்கட்டமாக 37வீடுகள் அமைக்கப்பட்டுள்ளன.
இதன் துவக்கவிழாவில் பங்கேற்க கமல்ஹாசன் கேரளா சென்றார்.
பின்னர் செய்தியாளர்களிடம் பேசியபோது…
அடுத்த வருடம் 2019ம் ஆண்டு பார்லிமென்ட் தேர்தலில் மக்கள் நீதி மய்யம் போட்டியிடும்.
இந்தியன் 2 படத்தின் படப்பிடிப்பு டிசம்பர் 14ம் தேதி துவங்குகிறது.
இந்தப்படத்திற்கு பிறகு சினிமாவில் நடிக்கமாட்டேன்.” என தெரிவித்தார்.
இதனிடையில் கமல் தயாரித்து நடித்து இயக்கியுள்ள சபாஷ் நாயுடு திரைப்படம் அதற்கு முன்பே வெளியாகும் என எதிர்பார்க்கலாம்.
அரசியல் காரணத்துக்காக தன் நடிப்பை கமல் நிறுத்தினாலும் கமல் போன்ற உன்னத கலைஞர் இல்லாத சினிமாவை என்ன சொல்வது..?.
Indian 2 movie will be my last movie says Kamalhassan