தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
இவர் நயன்தாரா, பஹத்பாசில், சிநேகா ஆகியோருடன் இணைந்துள்ள படம் வேலைக்காரன்.
மோகன் ராஜா இயக்கியுள்ள இப்படத்திற்கு அனிருத் இசையமைத்துள்ளார்.
இப்படத்தின் பாடல்கள் நேற்று சென்னையில் மிகப்பிரம்மாண்டமாக வெளியானது.
இந்த விழாவில் நடிகர் சிவகார்த்திகேயன் பேசியதாவது…
நான் மோகன் ராஜா சார் மேலே வைத்த நம்பிக்கைதான் இந்தப்படம். இப்படத்துக்காக எனக்கு என்ன பேர் கிடைத்தாலும் அது மோகன் ராஜா சாருக்குதான்.
இதில் நடிக்கும்போது மிக சந்தோஷமா இருந்தது. ஆனால் ஒரு சில காட்சிகள் நெஞ்சை பாரம் கொள்ள வைத்துவிட்டது.
ஒரு சீனில் உண்மையான டாக்டர் ஒருவரே நடித்துள்ளார். அந்த சீன் எடுக்கும்போது நான் உட்பட பலருக்கும் கண்கள் கலங்கிவிட்டது.
இப்போது இந்த மேடையை பயன்படுத்தி ஒன்றை தெரிவிக்க விரும்புகிறேன்.
இனி நான் விளம்பரப் படங்களில் நடிக்க மாட்டேன். இதற்கு காரணம் என்ன? என்பதை இப்போது சொல்லமுடியாது.
அதைச் சொன்னால், படத்தின் கதை தெரிந்து விடும்.
அதற்காக விளம்பரங்களில் வருவது எல்லாம் தவறானவை என நான் சொன்னவில்லை.
என்னைப் பார்த்து ஒரு குழந்தைக்கோ, மற்றவருக்கோ எந்த பாதிப்பும் வரக்கூடாது.” என்று நெகிழ்ச்சியாக பேசினார் சிவகார்த்திகேயன்.
சில மாதங்களுக்கு முன் போத்தீஸ் ஆடை விளம்பரத்தில் சிவகார்த்திகேயன் நடித்திருந்தார் என்பது தங்களுக்கு நினைவிருக்கலாம்.
