By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
தமிழ் சினிமா தந்த சிறந்த கலைஞர்களில் முக்கியமானவர் நடிகர் சாருஹாசன்.
இவருக்கு தற்போது 90 வயதாகிவிட்டது. இருந்தபோதிலும் இவரை ஹீரோவாக தாதா 87 படத்தில் நடிக்க வைத்தார் டைரக்டர் விஜய் ஸ்ரீ.
படத்தின் மேக்கிங்காக இப்படத்தை பலரும் பாராட்டியிருந்தனர்.
இப்படத்தை தொடர்ந்து ஐஸ்வர்யா தத்தா, அர்ஜுமன், பிக் பாஸ் ஜுலி நடிக்க ‘பப்ஜி’ என்ற படத்தினை இயக்கி வருகிறார் விஜய் ஸ்ரீ.
இந்த நிலையில் சில தினங்களுக்கு முன் பிறந்தநாள் கொண்டாடிய விஜய்ஸ்ரீ அவர்களுக்கு, சாருஹாசன் பிறந்தநாள் வாழ்த்துகளை தெரிவித்துள்ளார்.
அப்போது, ‘ உங்களுடைய இயக்கத்தை பார்க்கும் போது எனக்கு இயக்குனர் மணிரத்னத்தை பார்ப்பது போல் உள்ளது. உங்களுடைய வெற்றிப் பயணம் தொடர வேண்டும்.
இந்த கலையுலகில் நிச்சயம் நீங்கள் ஒரு பெரிய சாதனையை நிகழ்த்துவீர்கள். வாழ்த்துகள்’ என்று கூறி வாழ்த்தினாராம் சாருஹாசன்.
’சாருஹாசன் ஐயா வாழ்த்தியதே என் வாழ்வின் மிகப்பெரும் பாக்கியமாக கருதுகிறேன்.
என் பிறந்த நாளுக்கு வாழ்த்துகள் கூறிய அனைத்து நல்உள்ளங்களுக்கும் நன்றி.’ என தெரிவித்துள்ளார் இயக்குனர் விஜய் ஸ்ரீ.
நாமும் அவரை வாழ்த்தி சாதனை படைக்க வரவேற்போம்.
I can see Manirathnam style with Vijay Sri says Charuhassan
