BREAKING சொகுசு கார் விவகாரம் : விஜய் மீது மட்டும் காட்டம் ஏன்.? வழக்கு விசாரணை விவரம் இதோ

BREAKING சொகுசு கார் விவகாரம் : விஜய் மீது மட்டும் காட்டம் ஏன்.? வழக்கு விசாரணை விவரம் இதோ

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கடந்த 2012ல் இங்கிலாந்தில் இருந்து வாங்கிய ரோல்ஸ் ராய்ஸ் காருக்கு நுழைவு வரி வசூலிக்கத் தடை கோரி சென்னை உயர் நீதிமன்றத்தில் வழக்கு தொடர்ந்து இருந்தார் நடிகர் விஜய்.

இந்த வழக்கானது கடந்த சில நாட்களுக்கு முன்பு தனி நீதிபதி எஸ்.எம். சுப்ரமணியம் முன்பு விசாரணைக்கு வந்தது.

அப்போது தனி நீதிபதி, நடிகர் விஜய் தரப்புக்கு கண்டனம் தெரிவித்து இருந்தார்.

சினிமாவை போல் நிஜத்திலும் ஹீரோவாக இருக்க வேண்டும். வரி என்பது நன்கொடையல்ல. என கடுமையாக விமர்சித்து இருந்தார்.

மேலும் ரூபாய் 1 லட்சம் அபராதம் விதித்து உத்தரவிட்டிருந்தார்.

இந்த நிலையில், இந்த தீர்ப்பை எதிர்த்து நடிகர் விஜய் உயர் நீதிமன்றத்தில் மேல் முறையீடு செய்திருந்தார்.

இந்த வழக்கு விசாரணை தற்போது நடைபெற்றுவருகிறது.

அப்போது நடைபெற்றதாவது…

விஜய்க்கு ₨1 லட்சம் அபராதம் விதித்த உத்தரவுக்கு தடை

நடிகர் விஜய் தாக்கல் செய்த மேல்முறையீட்டு மனுவுக்கு பதிலளிக்க தமிழக அரசுக்கு நோட்டீஸ்.

நடிகர் விஜய்யை ஏதோ தேசவிரோதி போல சித்தரித்து நீதிபதி விமர்சித்தது நியாயமற்றது.

சொகுசு கார் நுழைவு வரி வழக்கில் எங்கள் மீதான விமர்சனத்தை நீக்குங்கள்.

ரோல்ஸ் ராய்ஸ் காருக்கு நுழைவு வரி செலுத்த வேண்டும் என்ற உத்தரவை எதிர்க்கவில்லை, மதிக்கிறோம். நீதிமன்றத்தை நாடியதற்காக அபராதத்தை ரத்து செய்ய வேண்டும்.

2012ல் பல பேர் சொகுசு கார் தொடர்பாக வழக்கு போடப்பட்ட போது விஜய் மீது மட்டும் காட்டம் ஏன்..??

சொகுசு கார் நுழைவு வரி வழக்கில்
விஜய் மீதான விமர்சனங்களை நீக்க வேண்டும்.” என விஜய் தரப்பில் ஆஜரான வழக்கறிஞர் விஜய் நாராயணன் வாதிட்டார்.

இதனையடுத்து நடிகர் விஜய்க்கு தனி நீதிபதி விதித்த ஒரு லட்சம் அபராதத்திற்கு இடைக்காலத் தடை விதித்து நீதிபதிகள் உத்தரவிட்டுள்ளனர்.

இத்துடன் தனி நீதிபதி தெரிவித்துள்ள கருத்துக்களை நீக்குவது பற்றி 4 வாரங்களுக்குப் பிறகு விசாரணை நடத்துவதாக நீதிபதிகள் தெரிவித்தனர்.

High Court Stays Single Bench Judgment Which Had Scathing Remarks & Imposed Rs 1 Lakh Cost

கௌதம் & லக்ஷ்மி நடிப்பில் சிம்பு பட இயக்குனர் இயக்கிய ‘சிப்பாய்’ ரிலீஸ் அப்டேட்

கௌதம் & லக்ஷ்மி நடிப்பில் சிம்பு பட இயக்குனர் இயக்கிய ‘சிப்பாய்’ ரிலீஸ் அப்டேட்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கௌதம் கார்த்திக்கின் சிப்பாய் திரைப்படம் RSSS தணிகைவேல் தயாரித்து வெளியிடுகிறார்

நடிகர் கௌதம் கார்த்திக் மற்றும் லக்ஷ்மி மேனன் நடிப்பில் உருவாகி வரும் படம் “சிப்பாய்”.

இத்திரைப்படத்தை இயக்குநர் சண்முக சரவணன் இயக்கியுள்ளார். இவர் சிம்புவின் “சிலம்பாட்டம்” படத்தை இயக்கியவர்.

இத்திரைப்படத்திற்கு இசையமைப்பாளர் யுவன் ஷங்கர் ராஜா இசையமைக்கிறார்.

RSSS தணிகைவேல் தயாரித்து வெளியிடுகிறார்.

சிப்பாய் திரைப்படம் 80% படப்பிடிப்பு முடிவடைந்த நிலையில் கொரோனா பேரிடர் காரணமாக படப்பிடிப்பு நிறுத்தி வைக்கப்பட்டிருந்தது.

இப்போது கொரோனா பாதிப்பு குறைந்த நிலையில் படப்பிடிப்பு தொடங்கி முழு வேகத்தில் நடைபெறவிற்கிறது .

விரைவில் இத்திரைப்படம் வெளியீட்டுக்கு தயாராக உள்ளது.

இத்திரைப்படத்தை தயாரிக்கும் RSSS தணிகைவேல் 17 சர்வதேச விருதுகள் பெற்ற “ஒற்றை பனை மரம்” படத்தை தயாரித்தவர் என்பது குறிப்பிடத்தக்கது.

இவர், இதற்குமுன் நேற்று இன்று, இரவும் பகலும் வரும், போக்கிரி மன்னன் ஆகிய படங்களை வாங்கி வெளியிட்டிருக்கிறார்.

Gautham Karthi and Lakshmi Menon’s Sippai release date revealed

sippai

‘காசேதான் கடவுளடா’ ரீமேக்..: இல்லாத கேரக்டரில் நடிக்கும் ‘குக் வித் கோமாளி’ புகழ்

‘காசேதான் கடவுளடா’ ரீமேக்..: இல்லாத கேரக்டரில் நடிக்கும் ‘குக் வித் கோமாளி’ புகழ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஏவிஎம் நிறுவனம் தயாரிப்பில் 1972ல் வெளியான திரைப்படம் ’காசேதான் கடவுளடா’.

இதில் சூப்பர் ஹிட் திரைப்படத்தில் முத்துராமன், தேங்காய் சீனிவாசன், வெண்ணிற ஆடை மூர்த்தி, லட்சுமி, மனோரமா, ரமா ப்ரியா, சச்சு, உள்ளிட்டோர் நடித்திருந்தனர்.

கிட்டத்தட்ட 50 வருடங்களுக்கு பிறகு காசேதான் கடவுளடா படம் ரீமேக் ஆகிறது.

இந்த படத்தை கண்ணன் இயக்க மிர்ச்சி சிவா நாயகனாக நடிக்கிறார்.

பிரியா ஆனந்த் நாயகியாக நடிக்கிறார்.

இவர்களுடன் குக் வித் கோமாளி ஷிவாங்கி, ஊர்வசி, யோகிபாபு, கருணாகரன் உள்ளிட்டோரும் நடிக்கவிருப்பதாக கூறப்படுகிறது

இந்த நிலையில் குக் வித் கோமாளி நிகழ்ச்சி மூலம் பிரபலமடைந்த புகழ் என்பவரும் நடிக்கிறாராம்.

ஒரிஜினல் ’காசேதான் கடவுளடா’ படத்தில் புகழ் நடிக்கவுள்ள கேரக்டர் இல்லையாம். ஆனால் தற்போது இந்த கேரக்டர் புதிதாக ரீமேக்கில் இணைக்கப்பட்டுள்ளதாம்.

Cooku with comali Pugazh joins Kasethan Kaduvulada remake

பிரசாந்த் நாகராஜன் இயக்கத்தில் ‘மாஸ்டர்’ மகேந்திரன் நடிக்கும் ‘அமிகோ கேரேஜ்’

பிரசாந்த் நாகராஜன் இயக்கத்தில் ‘மாஸ்டர்’ மகேந்திரன் நடிக்கும் ‘அமிகோ கேரேஜ்’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘நாட்டாமை’ படத்தில் குழந்தை நட்சத்திரமாக அறிமுகமானவர் மாஸ்டர் மகேந்திரன்.

இவர் வளர்ந்து இளைஞனான பிறகு சில படங்களில் ஹீரோவாக நடித்தார்.

இந்தாண்டு பொங்கலுக்கு வெளியான விஜய்யின் ‘மாஸ்டர்’ படத்தில் இளம் விஜய்சேதுபதியாக (குட்டி பவானி) ஆக நடித்திருந்தார்.

இதனையடுத்து இவருக்கு வாய்ப்புகள் குவியத் தொடங்கியது.

இந்த நிலையில் ‘அமிகோ கேரேஜ்’ என்ற படத்தில் நடிக்க ஒப்பந்தமாகியுள்ளார். ஆதிரா என்ற புதுமுகம் நாயகியாக நடிக்கிறார்.

கேங்ஸ்டர் கதைக் களத்தில் உருவாகும் இந்த த்ரில்லர் படத்தை அறிமுக இயக்குனரான பிரசாந்த் நாகராஜன் இயக்குகிறார்.

Master Mahendran next film is titled Amigo garage

அப்பா ஜெயராமைப் போல கமல்ஹாசனுடன் இணைந்த காளிதாஸ்

அப்பா ஜெயராமைப் போல கமல்ஹாசனுடன் இணைந்த காளிதாஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

kalidas jayaram kamalதமிழில் கமல்ஹாசன் நடித்த ‘தெனாலி’, ‘பஞ்ச தந்திரம்’, ‘உத்தம வில்லன்’ ஆகிய படங்களில் இணைந்து நடித்துள்ளார் மலையாள நடிகர் ஜெயராம்.

இவர்கள் இருவரும் ஏற்கெனவே 1989ல் வெளியான ‘சாணக்யன்’ என்ற மலையாள படத்திலும் இணைந்து நடித்துள்ளனர்.

இந்த நிலையில் தற்போது ஜெயராம் மகன் காளிதாசும் கமலுடன் இணைந்து நடிக்கவுள்ளார்.

லோகேஷ் கனகராஜ் இயக்கத்தில் கமல் நடிக்கும் ‘விக்ரம்’ படத்தில் காளிதாஸ் நடிக்கிறாராம். கமலின் மகனாக நடிப்பதாக சொல்லப்படுகிறது.

அனிருத் இசையமைப்பில் உருவாகும் இப்படத்தை கமல்ஹாசனே தன் சொந்த பேனரில் தயாரிக்கிறார்.

இப்படத்தில் விஜய்சேதுபதி, பகத் பாசில் ஆகியோரும் கமலுடன் நடிக்கின்றனர்.

இவர்களின் காட்சிகளை தற்போது படமாக்கி வருகிறார் லோகேஷ்.

Kalidas Jayaram is part of Kamal’s next movie

ஐஸ்வர்யா ராஜேஷ் போடும் ‘திட்டம் இரண்டு’ என்ன.? ஜூலை 30ல் விடை காணலாம்

ஐஸ்வர்யா ராஜேஷ் போடும் ‘திட்டம் இரண்டு’ என்ன.? ஜூலை 30ல் விடை காணலாம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

“நாம் விடை காண முயலும் மர்மங்கள் பல உள்ளன” – ரே பிராட்பர்ன்.

காவல் ஆய்வாளர் ஆதிரா சென்னைக்கு மாற்றலாகி வந்த போது, மாநகரத்தில் தனக்காக என்ன காத்திருக்கிறது என்பதை அவர் அறிந்திருக்கவில்லை.

கொலை செய்யப்பட்டதாகக் கருதப்படும் குழந்தைப் பருவ நண்பனுக்கான அவரது தேடல், எதிர்பாராத திருப்பங்களுடன் கூடிய மர்ம புதிராக மாறுகிறது.

விக்னேஷ் கார்த்திக் இயக்கத்தில் ஐஸ்வர்யா ராஜேஷ், கோகுல் ஆனந்த், சுபாஷ் செல்வம், ஜீவா ரவி மற்றும் பலர் நடித்த ‘திட்டம் இரண்டு’ படம் *சோனி லிவ்வில் 30 ஜூலை அன்று பிரத்யேகமாக வெளியாகிறது.*

சென்னைக்கு பணி மாற்றம், பேருந்து பயணத்தில் சக பயணியின் மீது காதல் என ஆதிராவின் வாழ்க்கை நன்றாக சென்றுகொண்டு இருக்கிறது.

ஆனால், குழந்தைப் பருவ நண்பன் சூர்யா காணாமல் போனதாக வரும் ஒரு தொலைபேசி அழைப்பு அனைத்தையும் தலைகீழாக மாற்றுகிறது.

சூர்யாவின் கார் விபத்தை விசாரிக்கும் ஆதிரா, இதில் ஏதோ சூழ்ச்சி இருப்பதாக உணர்கிறார்.

இந்த வழக்கை ஆதிரா எப்படி கையாள்கிறார், இதில் அவர் வெற்றிபெற்றாரா என்பதே மீதி கதை.

*விக்னேஷ் கார்த்திக், இயக்குநர்:*

சமூகத்தில் உள்ள சில நிகழ்வுகளை மக்கள் எப்படிப் பார்க்கிறார்கள் என்பதை இந்த படம் காட்டுகிறது. அனைத்து கதாபாத்திரங்களும் சிறப்பாக வடிவமைக்கப்பட்டுள்ளன.

இப்படத்தை மக்களிடம் கொண்டு செல்ல மிகவும் ஆர்வமாக இருக்கிறேன். சோனி லிவ்வில் திட்டம் இரண்டு வெளியவதில் எனக்கு பெரும் மகிழ்ச்சி.

*ஐஸ்வர்யா ராஜேஷ், கதாநாயகி, திட்டம் இரண்டு:*

‘திட்டம் இரண்டு’ படத்தில் எனது கதாபாத்திரம் பல அடுக்குகளைக் கொண்டது. இந்தக் கதையின் சாராம்சம் என்னை வெகுவாக கவர்ந்தது.

நண்பனின் மறைவில் உள்ள ரகசியத்தை கண்டுபிடிக்க ஒருவர் எந்த எல்லைக்கு செல்வார் என்பதை இந்தப் படம் கூறும் விதம் மிகவும் சிறப்பாக அமைந்துள்ளது.

படத்தில் உள்ள திருப்பங்கள் பார்ப்பவர்களை ஆச்சர்யப்படுத்தும். சோனி லிவ் ஓடிடியில் இதுவே எனது முதல் படம். திட்டம் இரண்டின் வெளியீட்டுக்காக நான் ஆவலாக உள்ளேன்.

ஆஷிஷ் கோல்வால்கர், தலைவர், உள்ளடக்கம், சோனி என்டெர்டெயின்மென்ட் டெல்விஷன் மற்றும் டிஜிட்டல் வர்த்தகம்:*

திட்டம் இரண்டின் மூலம் உலகம் முழுவதும் உள்ள தமிழ் ரசிகர்களை சோனி லிவ் மேலும் கவரும் என்று நாங்கள் நம்புகிறோம்.

இந்த படத்தில் உள்ள விறுவிறுப்பு, மர்மம் மற்றும் திருப்பங்கள் பார்ப்பவர்களை இருக்கையின் நுனிக்கே கொண்டு வந்துவிடும். திட்டம் இரண்டு சோனி லிவ்வில் வெளியாவதில் பெருமை கொள்கிறோம்.

Aishwarya Rajesh in Thittam Irandu will release on July 30

ThittamIrandu

More Articles
Follows