‘மாஸ்-டர்’ பொங்கல்.. : 20 வருடங்களில் பொங்கலுக்கு ரிலீசான விஜய் படங்கள் லிஸ்ட்

ஒளிப்பதிவாளர் KV குகன் இயக்கத்தில் WWW – Who Where Why..; ஆதித் அருண் & ஷிவானி ஜோடி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Ramantra Creations- ஒளிப்பதிவாளர் KV குகன் இயக்கத்தில் பன்மொழி திரில்லர் திரைப்படத்தை தயாரிக்கிறது.

ஒளிப்பதிவாளர், இயக்குநர் KV குகன், இந்திய திரை உலகில், பலராலும் கொண்டாப்படும், மதிப்பு மிகுந்த நபர்களில் ஒருவர். அவர் தெலுங்கில் இயக்குநராக “118” படம் மூலம் அறிமுகமானார்.

இந்த திரில்லர் திரைப்படம், தெலுங்கு திரையுலகில் மிகப்பெரும் வரவேற்பை பெற்று, பெரு வெற்றி பெற்றது. இப்படத்தின் வெற்றி தெலுங்கில் மட்டுமல்லாமல் மற்ற மொழிகளுக்கும் பரவியது.

பல தென்னிந்திய மொழிகளில் இப்படம் டப் செய்யப்பட்டது.

இப்படத்தின் பிரமாண்ட வெற்றியை தொடர்ந்து “WWW (who, where, why)” எனும் தலைப்பில் தனது புதிய படத்தை இயக்குகிறார் KV குகன்.

திரில்லர் படமாக உருவாகும் இப்படத்தில் ஆதித் அருண், ஷிவானி ராஜசேகர் முதன்மை கதாப்பாத்திரங்களில் நடித்துள்ளனர்.

இப்படம் தமிழ், தெலுங்கு என இரு மொழிகளிலும் ஒரே நேரத்தில் தயாராகிறது.

இப்படத்தின் படப்பிடிப்பு முடிந்த நிலையில், போஸ்ட் புரடக்சன் பணிகள் வெகு தீவிரமாக நடைபெற்று வருகிறது.

ஒளிப்பதிவாளர் மற்றும் இயக்குனர் KV குகன் கூறியதாவது…

“ WWW” திரைப்படம் ரசிகர்களை பலவிதங்களில் ஆச்சர்யபடுத்துவதோடு மட்டுமல்லாமல், படத்தின் கதைப்போக்குடன் சேர்ந்து ரசிகர்களும் விடை தேடும்விதமாக அமைந்து இருக்கும்.

எனது முதல் தெலுங்கு மொழி படமாக வெளியான “118” படத்திற்கு, ரசிகர்கள் கொடுத்த பெரும் ஆதரவு, எனக்கு மேலும் பொறுப்புணர்வை கொடுத்துள்ளது.

“118”- திரைப்படம் தெலுங்கில் மட்டுமல்லாது, மொழிப்பெயர்ப்பு செய்து வெளியிட்ட பகுதிகளிலும், நல்ல வரவேற்பை பெற்றது.

இந்த வெற்றி தான் இரு மொழிகளிலும், ஒருசேர படத்தை எடுப்பதற்கான உத்வேகத்தை எனக்கு தந்துள்ளது.

தியேட்டரில் இப்படம் ரசிகர்களுக்கு புது அனுபவமாகவும், சுவாரஸ்யமாகவும் இருக்குமென நம்புகிறேன். டிரெய்லர், இசை மற்றும் உலகமெங்கும் படம் வெளியிடும் தேதியை, விரைவில் அறிவிப்போம்.

படத்தின் நடிகர் குழுவை பற்றி KV குகன் கூறியதாவது…

எனது முதல் படமான “இனிது இனிது” திரைப்படத்தில், முன்னணி கதாப்பாத்திரத்தில் நடித்தவர் ஆதித். அப்படத்தின் தயாரிப்பாளர் பிரகாஷ் ராஜ் அவர்களால் அறிமுகம் செய்து வைக்கபட்டவர்.

அதன் பிறகு தமிழ், தெலுங்கு படங்களில் நடித்து சிறப்பான நடிகர் எனும் பெயர் பெற்றார்.

தமிழில் நடிகர் தனுஷுடன் “தங்க மகன்” திரைப்படத்தில் எதிர்மறைத்தன்மை பாத்திரத்தில் நடித்தார் பல வெற்றி பெற்ற தெலுங்கு படங்களில் நடித்து புகழ் பெற்றார்.

டாக்டர் ராஜசேகர் மற்றும் ஜீவிதா ராஜசேகர் அவர்களின் மகளான, ஷிவானி மிகவும் திறமையான நடிகை.

இப்படத்தின் பல இடங்களில், அசாத்தியமான காட்சிகளையும், ஒரே டேக்கில் அவர் நடித்து அசத்தியது படக்குழுவையே ஆச்சர்யப்படுத்தியது.

இது சினிமா மீது அவர் வைத்திருக்கும் காதலையும் அர்பணிப்பையும் வெளிச்சம் போட்டு காட்டுவதாக இருந்தது.

இப்படத்தை இயக்குவதுடன் படத்தின் திரைக்கதையை எழுதி ஒளிப்பதிவும் செய்துள்ளார் KV குகன்.

Ramantra Creations சார்பில் Dr. ரவி P. ராஜு டட்லா தயாரிக்க விஜய் தரன் டட்லா இணை தயாரிப்பு செய்கிறார்.

தொடர்ச்சியாக வெற்றிகரமான ஆல்பங்களை தந்து வரும் சைமன்.K.கிங் இப்படத்திற்கு இசையமைக்கிறார்.

தம்மிராஜு படத்தொகுப்பு செய்ய, KN விஜயகுமார் வசனமெழுதியுள்ளார். பிரேம் ரக்‌ஷித் நடன அமைப்பு செய்ய, மதன் கார்க்கி, கு.கார்த்திக் பாடல்கள் எழுதியுள்ளனர்.

மக்கள் தொடர்பாளராக சுரேஷ் சந்திரா பணியாற்றுகிறார்.

KV Guhan directs WWW – Who Where Why ?

‘தைப்பூசம்’ ஸ்பெஷல் ரிலீஸ்..: ‘சிதம்பரம் ரெயில்வே கேட்’-ல் காத்திருக்கும் ‘கபடதாரி’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘சத்யா’ படத்திற்கு பிறகு நடிகர் சிபிராஜ், இயக்குநர் பிரதீப் கிருஷ்ணமூர்த்தி கூட்டணி இணைந்துள்ள படம் ‘கபடதாரி’.

ஏ ஆர் ரஹ்மான் முதல் நடிகர்கள் சூர்யா, மாதவன், ஆர்யா என முன்னணி பிரபலங்கள் இப்பட புரோமோக்களை வெளியிட்டனர்.

நந்திதா ஸ்வேதா, நாசர் மற்றும் ஜெயப்பிரகாஷ் முக்கிய கதாப்பாத்திரத்தில் நடித்துள்ளனர்.

நாசர், ஜெயப்பிரகாஷ் மற்றும் நந்திதா மட்டுமே தமிழ் மற்றும் தெலுங்கு என இரு மொழிகளிலும் நடித்துள்ளனர்.

மற்ற அனைத்து பாத்திரங்களிலும், இரு மொழிகளிலும், வெவ்வேறு நடிகர்கள் நடித்துள்ளார்கள் என்பது குறிப்பிடதக்கது.

தயாரிப்பாளர் J சதீஷ்குமார் திருப்புமுனை பாத்திரமொன்றில் நடித்திருக்கிறாராம்.

“கபடதாரி” படத்தினை Creative Entertainers & Distributors சார்பில் லலிதா தனஞ்செயன் தயாரிக்கிறார்.

இப்படம் உலகம் முழுவதும் தைப்பூசம் அன்று திரையரங்குகளில் ஜனவரி 28, 2021 அன்று வெளியாகிறது.

இப்படம் வெளியாகும் அதே நாளில் ‘சிதம்பரம் ரெயில்வே கேட்’ என்ற படமும் ரிலீசாகவுள்ளது.

அப்படம் பற்றிய விவரம் வருமாறு…

கிரௌன் பிக்சர்ஸ் தயாரிப்பில் S. M இப்ராஹிம் வழங்கும் சிதம்பரம் ரெயில்வே கேட்! படம் தணிக்கைக்குழு பாராட்டி U சான்றிதழ் அளித்துள்ளது.

மேலும் இப்படத்தில் அன்பு மயில்சாமியுடன் மாஸ்டர் மகேந்திரன் இணைந்து நடித்துள்ளார்.

நீரஜா நாயகியாக நடித்துள்ளார், இரண்டாம் நாயகியாக காயத்ரி நடித்துள்ளார்.

வில்லன் வேடத்தில் சூப்பர் சுப்புராயன் நடித்துள்ளார்.

மேலும் லொள்ளு சபா மனோகர் மற்றும் பிக்பாஸ் டேனியல் ஆகியோர் நடித்துள்ளனர்.

ஒளிப்பதிவை R. வேல் கையாண்டுள்ளார். எடிட்டிங் சுரேஷ் URS கையாண்டுள்ளார். கலை மார்ட்டின் மேற்கொண்டுள்ளார். கார்திக் ராஜா சிறப்பாக இசையமைத்துள்ளார்.

மேலும் இசைஞானி இளையராஜா ஒரு பாடலும் பாடியுள்ளார்.

Thaipoosam special release in kollywood

தேர்தலுக்கு முன்பே அசத்த வரும் ‘நாற்காலி’.; அஜித் & சிம்பு பட இயக்குனருடன் அமீர் கூட்டணி.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘யோகி’, ‘வடசென்னை’ திரைப்படங்களுக்கு அடுத்ததாக இயக்குனர் அமீர் நாயகனாக நடித்திருக்கும் திரைப்படம் ‘நாற்காலி’.

‘மூன் பிக்சர்ஸ்’ நிறுவனத்தின் சார்பாக ஆதம் பாவா இப்படத்தை தயாரித்துள்ளார்.

‘முகவரி’, ‘காதல் சடு குடு’, ‘தொட்டி ஜெயா’ உள்ளிட்ட திரைப்படங்களை இயக்கிய வி.இசட்.துரை ‘இருட்டு’ திரைப்படத்தின் மாபெரும் வெற்றிக்குப் பின்னராக இந்த ‘நாற்காலி’யை இயக்கியுள்ளார்.

இதில் அமீருடன், ‘555’ திரைப்படத்தின் நாயகி சாந்தினி ஸ்ரீதரன் கதாநாயகியாக நடிக்க, இவர்களுடன் ஆனந்தராஜ், ராஜ்கபூர், இமான் அண்ணாச்சி, மாரிமுத்து, சுப்பிரமணிய சிவா, சரவணஷக்தி, அர்ஜூனன், கோவை பாபு, ஜார்ஜ் விஜய், வினோத் சாகர், ரவி வெங்கட்ராமன், சலீமா உள்ளிட்ட மேலும் பலரும் நடித்துள்ளனர்.

இத்திரைப்படத்தின் இசை அமைப்பை வித்யாசாகர், ஒளிப்பதிவை இ.கிருஷ்ணசாமி, படத்தொகுப்பை ஆர்.சுதர்சன், பாடல் பா விஜய், வசனம் அஜயன் பாலா – க.முரளி, கலை இயக்கத்தை ஏ.கே.முத்து, சண்டைக்காட்சிகளை டான் அசோக், நிழற்படப்பதிவை மோதிலால், விளம்பர வடிவமைப்பை ராஜா – வெங்கடேஷ், மக்கள் தொடர்பு கே.எஸ்.கே செல்வா ஆகியோர் செய்துள்ளனர்.

மறைந்த பாடகர் எஸ்.பி.பாலசுப்பிரமணியம் அவர்கள் கடைசியாக இந்த திரைப்படத்திற்காக “நெஞ்சமுண்டு நேர்மையுண்டு..” என்ற பாடலை பாடியிருக்கிறார்.

மிகுந்த பொருட் செலவில் நடப்பு அரசியல் பின்னணியில் காதலை மையமாகக் கொண்டு பொழுதுபோக்கு அம்சங்களுடன் தயாரிக்கப்பட்டுள்ள திரைப்படத்தின் படப்பிடிப்பு சிறப்பாக நடந்து நிறைவு பெற்றிருக்கிறது.

இறுதிக்கட்ட பணிகள் தற்போது முழுவேகத்துடன் நடந்து வருகிறது. அனைத்து ரசிகர்களும் இன்புற்று மகிழ்ந்து அமரவிருக்கும் வகையில் உருவாகி வரும் இந்த ”நாற்காலி” யை வரும் மார்ச் மாதம் திரையரங்கில் வெளியிட திட்டமிட்டிருக்கிறார்கள்.

Ameer in Naarkali is ready for release

ஜெயம் ரவியின் 25வது படத்தில் நடிப்பது பெருமை..; பூரிப்பில் ‘பூமி’ பட நடிகை.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மூக்குத்தி அம்மன் மற்றும் Hotstar Specials உடைய முதல் தமிழ் தொடரான ட்ரிப்ள்ஸ்-ன் அதிரடி வெற்றியை தொடர்ந்து, Disney + Hotstar VIP “பூமி” படத்தின் பரபரப்பான டிரெய்லரை வெளியிட்டது.

மேலும் இப்படம் தமிழகத்தில் நிலவும் மிக முக்கிய பிரச்சனையை, இந்தியா முழுவதும் உள்ள ரசிகர்களுக்காக, அதிஅற்புதமான தரத்தில் வழங்குகிறது.

ஜெயம் ரவி மற்றும் நிதி அகர்வால் நடித்துள்ள “பூமி” திரைப்படம், விண்வெளிக்கு செல்லும் சாகச பயணத்திற்கு முன், ஒரு தனி மனிதன் தன் சொந்த ஊரில் உள்ள விவசாயிகளின் வாழ்க்கையை மேம்படுத்த முயலும் போராட்டத்தை அழகாக சொல்கிறது.

படம் குறித்து தயாரிப்பாளர் சுஜாதா விஜயகுமார் கூறியதாவது…..

“பூமி” திரைப்படம் எனது மனத்திற்கு மிகவும் நெருக்கமானதொரு திரைப்படம். ஒரு சில கதைகள் தான் நேர்மறையான கருத்துக்கள் மூலம் ரசிகர்களிடத்தில் தாக்கத்தை ஏற்படுத்தும், அப்படிப்பட்ட கதைகளில் ஒன்று இப்படம்.

இயக்குனர் லக்‌ஷ்மண் பொழுதுபோக்கு அம்சத்தையும் இப்படத்தில் மிகவும் நேர்த்தியாக இணைத்துள்ளார்.

பொங்கல் பண்டிகையை ஒட்டி, எல்லோரும் குடும்பத்துடன் ஒன்றாக பார்க்கும் வகையில் கனகச்சிதமாக எடுக்கபட்ட படம். ஜெயம் ரவி மற்றும் நிதி அகர்வால் திரைப்பயணத்தில் “பூமி” திரைப்படம் கண்டிப்பாக ஒரு மிகப்பெரிய வெற்றி திரைப்படமாக இருக்கும்.

இந்த படத்தில் உள்ள ஒவ்வொரு கதாபாத்திரமும், மிகவும் நேர்த்தியாக வடிவமைக்கப்பட்டுள்ளது.

இது ஒரு அற்புதமான திரைப்படமாக இருக்கும் என்ற நம்பிக்கையுள்ளது.

Disney + Hotstar VIP-ல் படம் வெளியாவதற்காக ஆவலுடன் காத்திருக்கிறோம்.

இசையமைப்பாளர் டி இமான் கூறியதாவது…

ஜெயம் ரவி, இயக்குநர் லக்‌ஷ்மண் கூட்டணியுடன் இது எனக்கு மூன்றாவது படமாகும். ஒவ்வொரு முறையும் லக்‌ஷ்மண் ஒரு கதையுடன் வரும்போது அது அவரது முந்தைய படைப்புகளிலிருந்து முற்றிலும் மாறுபட்ட தளத்தில் மிக வித்தியாசமான ஒன்றாக இருக்கும்.

ரோமியோ ஜூலியட், போகன், பூமி இவை ஒவ்வொன்றும் முற்றிலும் மாறுபட்ட கதைதளங்களில் வித்தியாசமான கதைசொல்லல் கொண்டிருக்கும்.

அவரது கதை மிக ஆழமானதாகவும் அழுத்தமானதாகவும் இருப்பதால் அதை ஈடு செய்யுமளவு எனக்கு பெரும் சாவலை தரும். பூமி கதையை என்னிடம் கூறியபோது அதில் இசைக்கான வாய்ப்பு அதிகம் இருந்ததை உணர்ந்தேன்.

இந்த படத்தின் இறுதி வடிவத்தை கண்டேன் இப்படம் ரசிகர்களுக்கு மிகச்சிறந்த பொங்கல் விருந்தாக இருக்கும்

நாயகி நிதி அகர்வால் கூறியதாவது…

வழக்கமாக நியாயத்திற்காக, லட்சியத்திற்காக போராடும் நாயகனின் கதைகள் மற்றும் நாயகி பாத்திரம் அத்தனை கவனிக்கும்படியானதாக இருக்காது.

ஆனால் பூமி அதிலிருந்து மாறுபட்டதாக இருந்தது இப்படத்தில் எனது கதாப்பாத்திரம் மிகவும் முக்கியத்துவம் கொண்டது. இப்படத்தில் என் நடிப்பு திறமையை காட்டுமளவிலான ஒரு பாத்திரம் கிடைத்ததை பெருமையாக நினைக்கிறேன்.

ஜெயம் ரவி மிகவும் அன்பானவர் சேர்ந்து நடிக்கும் போது மிகவும் ஆதரவாக இருந்தார்.

அவரது அர்ப்பணிப்பும் சினிமா மீதான அபரிமிதமான காதலும் தான் மக்களிடம் அவருக்கு இத்தனை அன்பை பெற்று தந்துள்ளது. அவரது 25 வது படத்தில் பங்கு கொண்டதை நான் பெருமையாக கருதுகிறேன்.

அனைத்து இடங்களிலும் எளிதில் கொண்டாடும்படியான படைப்புடன் இப்படத்தை இயக்கியுள்ளார் இயக்குநர் லக்‌ஷ்மன்.

இது 100 % குடும்பங்கள் கொண்டாடும் படம். Disney + Hotstar VIP இப்படத்தினை பொங்கல் திருநாளன்று அனைத்து வீடுகளுக்கும் விருந்தாக கொண்டு செல்வதில் மிகவும் மகிழ்ச்சி

மிகவும் அழுத்தமான கதை கொண்ட இப்படம் மிக பிரமாண்டமான நடிகர் குழுவை கொண்டுள்ளது.

நடிகர் ரோனித் ராய் எதிர்மறைதன்மை கொண்ட பாத்திரத்தில் நடிக்க அவருடன் சதிஷ், தம்பி ராமையா, தத்தோ ராதாரவி, சரண்யா பொன்வண்ணன் மற்றும் பலர் முக்கிய பாத்திரங்களில் நடித்துள்ளனர்.

இயக்குநர் லக்‌ஷ்மண் இயக்கத்தில் சுஜாதா விஜயகுமார் தயாரித்துள்ள இப்படம் உழவர்களின் கொண்டாட்ட பண்டிகை சமயத்தில், பொங்கல் திருநாளில் 14 ஜனவரி 2021 அன்று Disney + Hotstar VIP வெளியாகிறது.

Actress Niddhi Agerwal is sharing her working experience in Bhoomi

‘வாட்ஸ் அப்’ அவ்ளோதானா..; இனிமே ‘அரட்டை’ அடிக்கலாம்.. Install பண்ணீட்டீங்களா..?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

வாட்ஸ் அப் என்ற செயலி பலரது வாழ்க்கையை மாற்றிவிட்டது எனலாம்.

காலையில் எழுந்தவுடன் பல் கூட தேய்க்காமல் வாட்ஸ் அப் ஆன் செய்து பார்ப்பதையே பலர் வழக்கமாக வைத்துள்ளனர்.. (நான் உட்பட)

கடந்த 2014-ல் ஃபேஸ்புக் நிறுவனம் வாட்ஸ் அப்-ஐ வாங்கியது குறிப்பிடத்தக்கது.

இந்த நிலையில் வாட்ஸ் அப் செயலி தன் பயனாளர்களை அவர்களது தொலைபேசி எண், இருப்பிடம் உள்ளிட்ட சுயவிவரங்களை பேஸ்புக்கில் பதிவிட வற்புறுத்தி வருகிறது.

மேலும் புதிய ப்ரைவசி பாலிசியால் பயனாளர்கள் பலரும் சிக்னல், டெலிகிராம் போன்ற பிற செயலிகளை நோக்கி நகர ஆரம்பித்து விட்டனர்.

இந்த நிலையில் தமிழக பன்னாட்டு நிறுவனமான ஜோஹோ நிறுவனத்தின் ‘அரட்டை’ செயலி புதிதாக களமிறங்கியுள்ளது.

‘அ’ என்ற தமிழ் மொழியின் முதல் எழுத்தை லோகோவாக வைத்துள்ளனர்.

இந்த ஆப்பை கூகுள் ப்ளே ஸ்டோரில் 12 ஆயிரத்திற்கும் மேற்பட்டோர் டவுன்லோட் செய்திருக்கிறார்களாம்.

இன்னும் சில வாரங்களில் இந்த செயலி முழு செயல்பாட்டுக்கு வரும் என எதிர்பார்க்கப்படுகிறது.

Zoho develops WhatsApp alternative ‘Arattai’