10 ஆண்டுகளுக்கு பிறகு ஹாரீஸ் ஜெயராஜ் இசையில் புதிய படம்

10 ஆண்டுகளுக்கு பிறகு ஹாரீஸ் ஜெயராஜ் இசையில் புதிய படம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழ் சினிமாவில் மெலோடி கிங் இசையமைப்பாளர்களில் ஒருவர் ஹாரிஸ் ஜெயராஜ்.

1990 மற்றும் 2000களில் இவரது பாடல்கள் இல்லாதே படங்களே இல்லை எனலாம். எங்கு திரும்பினாலும் ஹாரிஸ் ஜெயராஜ் பாடல்களே ஒலித்துக் கொண்டிருந்தன.

மின்னலே’, ‘கஜினி’, ‘வேட்டையாடு விளையாடு’, ‘சாமி’, ‘அந்தியன்’, ‘லேசா லேசா’, ‘உன்னாலே உன்னாலே’, ‘காக்க காக்க’, ‘வாரணம் ஆயிரம்’, அயன், காப்பான் என பல படங்களின் பாடல்களை இவரது ஹிட் வரிசையில் உதாரணமாக சொல்லலாம்.

ரஹ்மான் இசையில் படங்களை இயக்கி கொண்டிருந்த ஷங்கரே திடீரென அந்தியன் படத்திற்காக ஹாரிஸ் ஜெயராஜ் பக்கம் திரும்பினார். இந்த படத்தில் அனைத்து பாடல்களும் சூப்பர் ஹிட்டானது.

காப்பான் படத்திற்கு பிறகு வேறு எந்தப் படத்துக்கு இசையமைக்கவில்லை ஹாரிஸ்.

இந்த நிலையில் 10 ஆண்டுகளுக்கு பிறகு அதற்கு நடிகர் நிதின் நடித்து வரும் ஒரு தெலுங்கு படத்துக்கு தான் இசையமைத்து வருவதாக தெரிவித்துள்ளார் ஹாரீஸ் ஜெயராஜ்.

தமிழுக்கு எப்போ சார் வருவீங்க…???

Harris Jayaraj to join with Actor Nithin for telugu film

சிறப்பு திருமண சட்டப் பிரிவில் நடிகையை 2வது திருமணம் செய்த ஹரிஷ் உத்தமன்

சிறப்பு திருமண சட்டப் பிரிவில் நடிகையை 2வது திருமணம் செய்த ஹரிஷ் உத்தமன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

வில்லன் குணச்சித்திர கேரக்டர்களில் நடித்து பிரபலமானவர் ஹரிஷ் உத்தமன்.

இவர் நிறைய தமிழ்ப் படங்களில் காணப்பட்டாலும் இவரது பூர்வீகம் கேரளா.

சினிமாவில் நடிப்பதற்கு முன்பு பாராமவுன்ட் ஏர்வேஸ் மற்றும் பிரிட்டிஷ் ஏர்வேஸ் நிறுவனங்கள் இவர் பணிபுரிந்துள்ளாராம்.

தமிழில் ‘கௌரவம்’, ‘பாண்டியநாடு’ `தனி ஒருவன்’, ‘பாயும் புலி’, ‘றெக்க’, ‘தொடரி’, ‘பைரவா’, ‘டோரா’ உள்ளிட்ட பல படங்களில் நடித்திருக்கிறார்.

தமிழில் மட்டுமில்லாமல் தெலுங்கு, மலையாளம், கன்னடம் முதலான மொழி படங்களிலும் நடித்திருக்கிறார் ஹரிஷ்.

இவர் 2018-ல் மும்பையைச் சேர்ந்த மேக்கப் ஆர்டிஸ்டை திருமணம் செய்துகொண்டிருந்தார். ஆனால் அவர்கள் ஒரு வருடத்திலேயே விவாகரத்து பெற்றனர்.

இந்த நிலையில் தற்போது மலையாள நடிகை சின்னு குருவிலாவை திருமணம் செய்துகொண்டுள்ளார் ஹரிஷ் உத்தமன்.

இவர்கள் சிறப்பு திருமண சட்டப்படி திருமணம் செய்துக் கொண்டதாக கேரள ஊடகங்கள் தெரிவித்துள்ளன.

அதாவது மத நம்பிக்கை இல்லாதவர்கள் மணம் செய்துக் கொள்ளும் முறையாம்.

மம்மூட்டியின் ‘கஸபா’ மற்றும் தேசிய விருது வென்ற பகத் பாஃசில் நடித்த ‘நார்த் 24 காதம்’ ஆகிய படங்களில் சிறிய கேரக்டரில் நடித்துள்ளார் சின்னு குருவிலா என்பது குறிப்பிடத்தக்கது.

Actor Harish Uthaman and Chinnu Kuruvila enter wedlock

சந்தானம் பட டீஸர் வெளியானது.. அடுத்து கன்னட இயக்குனருடன் கூட்டணி

சந்தானம் பட டீஸர் வெளியானது.. அடுத்து கன்னட இயக்குனருடன் கூட்டணி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஜனவரி 21.. இன்று நடிகர் சந்தானம் தன் பிறந்தநாளை கொண்டாடி வருகிறார்.

இதனை முன்னட்டு இவர் ஹீரோவாக நடித்துள்ள ‘ஏஜெண்ட் கண்ணாயிரம்’ படத்தின் டீசர் காலை வெளியானது.

இந்த படத்தின் டீசரை நடிகர்கள் ஆர்யா மற்றும் ஜீவா தங்களுடைய சமூக வலைதள பக்கங்களில் வெளியிட்டனர்.

‘வஞ்சகர் உலகம்’ படத்தை இயக்கிய மனோஜ் பீதா இப்படத்தை இயக்கியிருக்கிறார்.

இந்த படத்தில் நடிகை ரியா சுமன், ஸ்ருதி ஹரிஹரன், புகழ், முனிஷ்காந்த், ரெடின் கிங்ஸ்லி, ராம்தாஸ், இந்துமதி, மதன் தட்சிணாமூர்த்தி, ஆதிரா உள்ளிட்டோர் நடித்துள்ளனர். யுவன்சங்கர் ராஜா இசையமைத்துள்ளார்.

நவீன் பாலிஷெட்டி மற்றும் ஸ்ருதி ஷர்மா தெலுங்கில் வெளியான ‘ஏஜெண்ட் சாய் ஸ்ரீனிவாச ஆத்ரேயா’ (2019) என்ற திரைப்படம் தமிழ் ரீமேக் இதுவாகும்.

விரைவில் கன்னட இயக்குனர் பிரசாந்த் ராஜ் என்பவர் இயக்கும் ஒரு படத்தில் நடிக்க ஒப்புக் கொண்டுள்ளார் சந்தானம்.

கன்னடத்தில் லவ்குரு, ஆரஞ்ச் ஜூம் ஆகிய படங்களை இயக்கியவர் பிரசாந்த் ராஜ் என்பது குறிப்பிடத்தக்கது.

Actor Santhanam’s new film teaser released

JUST IN ‘ஆர்ஆர்ஆர்’ பட புதிய ரிலீஸ் தேதியை அறிவித்தார் ராஜமெளலி

JUST IN ‘ஆர்ஆர்ஆர்’ பட புதிய ரிலீஸ் தேதியை அறிவித்தார் ராஜமெளலி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பாகுபலி படங்களை தொடர்ந்து ராஜமெளலி இயக்கத்தில் உருவாகியுள்ள மிகப்பிரம்மாண்ட படம் ‘இரத்தம் ரணம் ரெளத்திரம்’.

இதனை சுருக்கமாக ஆர்ஆர்ஆர் என அழைக்கின்றோம்.

இந்த படத்தில் ராம் சரண், ஜூனியர் என்.டி.ஆர், ஆலியா பட், அஜய் தேவ்கன், ஸ்ரேயா சரண் உள்ளிட்ட பலர் நடித்துள்ளனர்.

டிவிவி நிறுவனம் பெரும் பொருட்செலவில் இப்படத்தை தமிழ், தெலுங்கு, மலையாளம், இந்தி உள்ளிட்ட பல மொழிகளில் வெளியிடுகின்றனர்.

இப்படம் வரும் கடந்த 2022 ஜனவரி 7ஆம் தேதி அன்று வெளியாகும் என அறிவித்து பின்னர் ஒத்தி வைத்தது.

இந்தியா முழுவதும் படக்குழு பயணம் செய்து பத்திரிகையாளர் சந்திப்புகளை நடத்தி வந்த நிலையில் கொரோனா பரவல் காரணமாக பல மாநிலங்களில் ஊரடங்கு அமலாகி வருகிறது.

எனவே தேதி குறிப்பிடாமல் படத்தின் ரிலீசை ஒத்தி வைப்பதாக படக்குழு அறிவித்தது.

இந்திய சினிமாவின் பெருமையைச் சரியான நேரத்தில் நாங்கள் வெளியிடுவோம்” என அப்போது தெரிவித்து இருந்தனர்.

இந்த நிலையில் சற்றுமுன் புதிய ரிலீஸ் தேதியை அறிவித்துள்ளனர்.

அந்த அறிவிப்பில்…

கொரோனா பரவல் கட்டுக்குள் வரும் என்றால் மார்ச் 18ஆம் தேதி படத்தை வெளியிடுவோம். அல்லது மற்றொரு தேதியாக ஏப்ரல் 28ல் படத்தை வெளியிடுவோம் என படக்குழு அறிவித்துள்ளது.

அந்த சமயத்தில் தியேட்டர்களில் 100% இருக்கைகளுக்கு அனுமதி வேண்டும் என்றும் தெரிவிக்கப்பட்டுள்ளது.

New release date announced for RRR movie

கொரோனா பரவல் எதிரொலி.: தள்ளிப் போகும் விஷால்-சூர்யா படங்கள்

கொரோனா பரவல் எதிரொலி.: தள்ளிப் போகும் விஷால்-சூர்யா படங்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கொரோனா வைரஸ் பரவலைத் தொடர்ந்து இரவு நேர ஊரடங்கு தமிழகம் முழுவதும் அமலில் உள்ளது. இரவு 10 முதல் காலை 5 மணி வரை இந்த ஊரடங்கு உள்ளது.

மேலும் கடந்த 2 வாரங்களாக ஞாயிற்றுக்கிழமைகளில் முழு பொது முடக்கம் கடைப்பிடிக்கப்பட்டது.

வருகிற 23.01.2022 ஞாயிறு அன்றும் முழு ஊரடங்கு என தமிழக அரசு சற்றுமுன் அறிவித்துள்ளது. இது அடுத்த வாரம் ஞாயிற்றுக்கிழமையும் தொடரலாம் என எதிர்பார்க்கப்படுகிறது.

இந்த நிலையில் ஜனவரி 26 குடியரசு தினத்தை முன்னிட்டு விஷால் தயாரித்து நடித்துள்ள வீரமே வாகை சூடும் படம் ரிலீஸ் என அறிவிக்கப்பட்டது.

ஆனால் தற்போதுள்ள சூழ்நிலையால் வீரமே வாகை சூடும் படம் தள்ளிப்போகும் என தெரிய வந்துள்ளது.

அதுபோல் பாண்டிராஜ் இயக்கத்தில் சூர்யா நடித்துள்ள எதற்கும் துணிந்தவன் திரைப்படம் பிப்ரவரி 4ஆம் தேதி ரிலீசாகும் என முன்பே அறிவிக்கப்பட்டு இருந்தது.

தற்போது இந்த படமும் தள்ளிப் போகும் எனத் தெரிய வந்துள்ளது.

எனவே இதற்கான அறிவிப்பை விரைவில் இரு தரப்பு தயாரிப்பு நிறுவனங்களிடம் இருந்து எதிர்பார்க்கலாம்.

Vishal and Suriya films postponed due to covid

ஆஸ்கர் விருது தகுதி பட்டியலில் ஒரே தமிழ்ப் படம் ‘ஜெய்பீம்’

ஆஸ்கர் விருது தகுதி பட்டியலில் ஒரே தமிழ்ப் படம் ‘ஜெய்பீம்’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

2022 ஆம் ஆண்டு இப்போதுதான் துவங்கியது, திரைப்பட விருதுகளின் சீசனும் துவங்கிவிட்டது. திரைத்துறையின் மிக உயரிய ஆஸ்கர் விருது குழு, இந்த ஆண்டிற்கான மதிப்புமிக்க விருது கௌரவத்திற்குத் தகுதியான இருநூற்று எழுபத்தாறு திரைப்படங்களின் பெயர்களை இன்று அறிவித்தது.

தகுதியான 276 படங்களில், இந்த மதிப்புமிக்க விருதுக்கு போட்டியிட நடிகர் சூர்யா நடித்த “ஜெய்பீம்” திரைப்படமும் தேர்வு செய்யப்பட்டுள்ளது. இந்த ஆண்டு தகுதி பட்டியலில் இடம் பிடித்த ஒரே தமிழ் திரைப்படம் இதுதான் என்பது குறிப்பிடத்தக்கது.

மேலும் கடந்த ஆண்டு சூர்யாவின் “சூரரைப் போற்று” 93வது அகாடமி விருதுகளுக்கான தகுதிப் பட்டியலில் இடம்பிடித்தது குறிப்பிடத்தக்கது.

ஜெய்பீம் திரைப்படம் அமேசான் பிரைமில் வெளியான நொடியிலிருந்தே, பழங்குடியினர், அதிகார வர்க்கத்தினரால் ஒடுக்கப்பட்டதை அருமையாக கையாண்டததற்காக அனைவராலும் பாராட்டப்பட்டது. சமீபத்தில் ஆஸ்கர் அகாடமி குழுவின் அதிகாரப்பூர்வ யூடியூப் சேனலில் இத்திரைப்படத்தின் பின்னணி வீடியோ வெளியிடப்பட்டது.

இந்நிகழ்வு இது சர்வதேச திரைப்பட அரங்கில் பெரும் கவன ஈர்ப்பை ஏற்படுத்தியது. ஆங்கிலம் அல்லாத அயல்மொழித் திரைப்படப் பிரிவில் மதிப்புமிக்க கோல்டன் குளோப்ஸ் 2022க்கான அதிகாரப்பூர்வ நுழைவையும் இந்தத் திரைப்படம் பெற்றுது குறிப்பிடத்தக்கது.

ஜெய்பீம் திரைப்படம் 90 களில் தமிழ்நாட்டில் (கடலூர் மாவட்டம்) நடந்த ஒரு உண்மை சம்பவத்தை வைத்து உருவாக்கப்பட்ட தமிழ் மொழித் திரைப்படமாகும். இது இருளர் பழங்குடியினத்தைச் சேர்ந்த ராஜகண்ணு மற்றும் செங்கேனி ஆகியோரின் கதையை விவரிக்கிறது. ராஜகண்ணு உள்ளூர் காவல்துறையினரால் செய்யாத குற்றத்திற்கு காவல் நிலையத்தில் சித்திரவதைக்கு உள்ளாக்கப்படும் சம்பவத்தால், அவர்களின் வாழ்க்கையை தலைகீழாக மாறுகிறது.

இயக்குநர் T.J.ஞானவேல் எழுதி இயக்கியுள்ள இப்படத்தை 2டி என்டர்டெயின்மென்ட் நிறுவனம் சார்பில் ஜோதிகா மற்றும் சூர்யா தயாரித்துள்ளனர். இப்படத்தில் சூர்யா மற்றும் லிஜோமோல் ஜோஸ், மணிகண்டன், ரஜிஷா விஜயன், பிரகாஷ் ராஜ், ராவ் ரமேஷ் இவர்களுடன் மற்றும் பலர் துணை வேடங்களில் நடித்துள்ளனர்.

ஆஸ்கார் விருதுக்கான பரிந்துரை வாக்களிப்பு ஜனவரி 27, 2022 வியாழன் அன்று தொடங்குகிறது, பரிந்துரைகள் முடிவு பிப்ரவரி 8, 2022 செவ்வாய் அன்று அறிவிக்கப்படும். விருது வழங்கும் விழா ஞாயிற்றுக்கிழமை, மார்ச் 27, 2022 அன்று ஹாலிவுட் & ஹைலேண்டில் உள்ள டால்பி®️ தியேட்டர் ஹாலிவுட் மற்றும் ஏபிசி மற்றும் உலகெங்கிலும் 200 க்கும் மேற்பட்ட பிராந்தியங்களில் நேரடியாக ஒளிபரப்பப்பட திட்டமிடப்பட்டுள்ளது.

Suriya’s critically acclaimed movie Jai Bhim enters the 94TH ACADEMY AWARDS

More Articles
Follows