ஜிவி. பிரகாஷ்-சதீஷ் இணையும் படத்திற்கு ‘நவீன’ பெயர்

ஜிவி. பிரகாஷ்-சதீஷ் இணையும் படத்திற்கு ‘நவீன’ பெயர்

gv prakash sathish 4Gதன் கை விரல்களே கொள்ளாத அளவிற்கு புதுப்படங்களை ஒப்புக் கொண்டு வருகிறார் ஜி.வி.பிரகாஷ்.

இதில் பல படங்களில் நாயகனாகவும் இசையமைப்பாளராகவும் பணி புரிகிறார்.

இந்நிலையில் இன்று இவர் நடிக்கவுள்ள ஒரு புதுப்படத்திற்கு பூஜை இடப்பட்டுள்ளது.

திருக்குமரன் எண்டர்டெயின்மென்ட் சார்பாக சி.வி.குமார் இப்படத்தை தயாரிக்கிறார்.

இப்படத்திற்கு நவீன தொழில்நுட்பமான ‘4ஜி’ (4G) எனப் பெயரிட்டுள்ளனர்.

இதில் சதீஷ் முக்கிய வேடம் ஏற்று நடிக்க, இயக்குனர் ஷங்கரின் உதவியாளர் வெங்கட் பக்கர் (வருண் பிரசாத்) இயக்குகிறார்.

விஜய்சேதுபதி படத்திற்கு கிடைத்த சர்வதேச அங்கீகாரம்

விஜய்சேதுபதி படத்திற்கு கிடைத்த சர்வதேச அங்கீகாரம்

vijay sethupathiபிரபல நடிகரான விஜய்சேதுபதி, தன் ‘விஜய் சேதுபதி புரொடக்ஷன்ஸ்’ சார்பாக ‘ஆரஞ்சு மிட்டாய்’ என்ற படத்தை தயாரித்தார்.

பிஜு விஸ்வநாத் இப்படத்தை இயக்கியிருந்தார்.

இதனையடுத்து, ‘மேற்கு தொடர்ச்சி மலை’ என்ற படத்தை தயாரித்தார்.

இளையராஜா இசையமைத்துள்ள இப்படத்தை சுசீந்திரனின் உதவியாளர் லெனின் பாரதி இயக்கியிருக்கிறார்.

இந்நிலையில், சர்வதேச திரைப்பட விழாவில் திரையிட இப்படம் தேர்வாகியுள்ளது.

இவ்விழா கேரளாவில் நடைபெறவுள்ளது.

இவ்விழாவில் பங்கேற்க போட்டியிட்ட 18 படங்களில் இந்த படம் மட்டுமே தேர்வாகியுள்ளது குறிப்பிடத்தக்கது.

ரஜினி ரசிகர்களை அதிர்ச்சியில் ஆழ்த்திய எமி ஜாக்சன்

ரஜினி ரசிகர்களை அதிர்ச்சியில் ஆழ்த்திய எமி ஜாக்சன்

rajini shankar amy jacksonலைக்கா நிறுவனம் தயாரிக்கும் 2.ஓ படத்தின் படப்பிடிப்பில் மூன்றில் இரண்டு பங்கு முடிந்து விட்டதாக ஷங்கர் அண்மையில் அறிவித்தார்.

சில நாட்களுக்கு முன்பு, இதன் இரண்டாம் கட்டப் படப்பிடிப்பு சென்னைக்கு அருகேயுள்ள திருக்கழுக்குன்றத்தில் நடந்து வருவதாக வந்த செய்திகளை பார்த்தோம்.

இந்நிலையில் ரஜினிகாந்த், ஷங்கர், எமிஜாக்சன், ராஜீ மகாலிங்கம் உள்ளிட்ட இப்படக்குழுவினர் ஆயுதபூஜையை 2.ஓ சூட்டிங் ஸ்பாட்டில் கொண்டாடினர்.

இப்படங்களை தன் ட்விட்டர் பக்கத்தில் வெளியிட்ட எமி ஜாக்சன், இத்துடன் 2.ஓ படப்பிடிப்பு நிறைவு பெற்றதாக தெரிவித்துள்ளார்.

இதனையறிந்த ரஜினி ரசிகர்கள், இவ்வளவு சீக்கிரமாக படப்பிடிப்பு முடிந்துவிட்டதா? என அதிர்ச்சியில் உள்ளனர்.

With himself, it’s a wrap for our Robot 2.0 schedule!

சூர்யாவுக்கு ரஜினி டைட்டில்; ஜோதிகாவுக்கு கமல் டைட்டில்

சூர்யாவுக்கு ரஜினி டைட்டில்; ஜோதிகாவுக்கு கமல் டைட்டில்

suriya jothika36 வயதினிலே படத்தை தொடர்ந்து, பிரம்மா இயக்கும் படத்தில் நடித்து வருகிறார் ஜோதிகா.

இந்நிலையில் 2டி எண்டர்டெயின்ட்மெண்ட் தயாரிக்கும் மகளிர் மட்டும் என்ற பெயரிடப்பட்ட படத்தின் பர்ஸ்ட் லுக்கை இன்று மாலை 6 மணிக்கு வெளியிடவிருக்கிறாராம் சூர்யா.

மகளிர் மட்டும் என்ற இதே தலைப்பில் உருவான படத்தை சிங்கிதம் சீனிவாச ராவ் இயக்கியிருந்தார்.

கடந்த 1994ஆம் ஆண்டு வெளியான இப்படத்தில் கமல் கௌரவ தோற்றத்தில் நடித்து தயாரித்து இருந்தார்.

சூர்யா நடிக்கும் படத்திற்கு ரஜினி பன்ச் டயலாக்கான தானா சேர்ந்த கூட்டம் தலைப்பிடப்பட்டதும், தற்போது ஜோதிகாவின் படத்திற்கு கமல் படத்தலைப்பு இடப்பட்டுள்ளதும் குறிப்பிடத்தக்கது.

வேதாளம் படத்துடன் கனெக்ஷன் ஆகும் ஜில்லா டைரக்டர்

வேதாளம் படத்துடன் கனெக்ஷன் ஆகும் ஜில்லா டைரக்டர்

power star pawan kalyanமோகன்லால், விஜய் நடித்த ஜில்லா படத்தை நேசன் இயக்கியிருந்தார்.

இப்படம் தமிழகம் மற்றும் கேரளாவில் நல்ல வசூலை பெற்றுத் தந்தது.

இந்நிலையில் புதிய படம் ஒன்றை இயக்கவிருக்கிறார்.

தெலுங்கு பவர் ஸ்டார் பவன் கல்யாண் நடிக்கவுள்ள புதிய படத்தை இயக்குகிறார்.

இப்படத்தின் பூஜை இன்று போடப்பட்டது.

ஏ.எம். ரத்னம் தயாரிக்கும் இப்படம் வேதாளம் படத்தின் ரீமேக் என தெரிய வந்துள்ளது.

இதன் ரீமேக்கை தெலுங்கு திரையுலகுக்கு ஏற்ற வகையில், மாற்றம் செய்யவிருக்கிறாராம் நேசன்.

‘சூப்பர் ஸ்டாருடன் எடுத்த செல்ஃபி வைரலானது..’ – நமீதா ‘மகிழ்ச்சி’

‘சூப்பர் ஸ்டாருடன் எடுத்த செல்ஃபி வைரலானது..’ – நமீதா ‘மகிழ்ச்சி’

namithaபொதுவாக ஹீரோக்கள் தான் உடலை இளைக்கவும் ஏற்றவும் ரிஸ்க் எடுப்பார்கள். சிக்ஸ் பேக் கூட வைப்பார்கள்.

ஆனால் ஹீரோக்களை போல, நடிகை நமீதா, தான் நேசிக்கும் சினிமாவுக்காக இதுபோன்ற ரிஸ்க்கை எடுத்துள்ளார்.

தனது ரீ எண்ட்ரிக்காக சுமார் 20 கிலோ அளவுக்கு தனது உடலை இளைத்து ஆச்சர்யப்படுத்தினார்.

’இனி படங்களை​த்​ தேர்வு செய்வதில் மிகுந்த கவனத்துடன் இருப்பேன்’ என்று சொன்னவர் தேர்வு செய்து நடித்த படம் தான் மலையாள சூப்பர் ஸ்டார் மோகன்லாலின் ​”​புலிமுருகன்​”​.

நேற்று வெளியான ​”​புலிமுருகன்​”​ இதுவரை மலையாள திரையுலகமே பார்த்திராத வகையில் மிகப்பெரிய வெற்றிப்படமாகி உள்ளது. தனது ரீ எண்ட்ரி படம் தான் நினைத்தது போலவே அமைந்த உற்சாகத்தில் இருந்த நமீதாவிடம் பேசினோம்.

​”​புலிமுருகன்​”​ படம் பற்றி…

கடந்த ஆண்டு ரீ எண்ட்ரிக்காக கதைகள் கேட்டபோது இந்த படத்தின் இயக்குனரிடமும் கேட்டேன். நம் தென்னிந்திய மொழிகளில் இதுவரை வந்திராத அளவுக்கு அட்வென்சர் வகை கதையாக இருந்தது.

மிகவும் வித்தியாசமான இந்தக் கதையை எப்படி எடுக்கப்போகிறார்கள் என்ற எதிர்பார்ப்பும் அதிகமானது. படத்தில் என்னுடைய கதாபாத்திரத்தின் பெயர் ஜுலி. ஒரு பணக்கார குடும்பத்தில் இருப்பவள்​.​

namitha stills
புலிமுருகனின் குணத்தைப் பார்த்து அவர்மீது காதல்வயப்படும் கேரக்டர். படம் முழுக்கவே புலிமுருகனுடனேயே இருந்து அவருக்கு ஆதரவாக இருக்கும் வேடம்.

ஒரு சூப்பர்ஸ்டார் படத்தில் ​இடம் கிடைப்பது பெரிய விஷயம் அல்லவா? உடனே ஓகே சொல்லிவிட்டேன்.

பொதுவாக மலையாள படங்கள் என்றாலே குறைவான பட்ஜெட்டில் தான் எடுப்பார்கள் என்ற எண்ணம் இருக்கிறது. ஆனால் இந்த படம் சுமார் 25 கோடி பட்ஜெட்டில் எடுக்கப்பட்டது.

நான் எப்போதுமே பட்ஜெட், ஹீரோ ஆகியவற்றை பார்ப்பவள் இல்லை. ஆனால் எனக்கு இப்படி ஒரு வாய்ப்பு அமைந்தது சந்தோஷமாகத் தான் இருக்கிறது.

மோகன்லாலுடன் நடித்த அனுபவம்…

அவர் ஒரு சூப்பர் ஸ்டார் என்பது நமக்கு தெரியும். ஆனால் நமக்கு அதிகம் தெரியாத அவரது இன்னொரு முகம் இண்டெலெக்சுவல்.

ஆமாம், அத்தனை புத்தகங்கள் படிக்கிறார். அவரது வாசிப்பு என்னை ஆச்சர்யப்படுத்தியது. புலிமுருகன் கேரக்டரில் மோகன்லால் தவிர வேறு ஒருவரை கற்பனை செய்துகூட பார்க்க முடியவில்லை.

அந்த அளவுக்கு அந்த பாத்திரமாகவே மாறினார். படப்பிடிப்பில் திடீரென்று ஒரு ஆசை வந்தது.

அவருடன் ஒரு செல்ஃபி எடுத்துக்கொள்ள வேண்டும். கேட்டவுடனேயே ஓ… தாராளமா… என்று எடுத்துக்கொண்டார். அந்த படம் அத்தனை பெரிய வைரலாகும் என்று நான் எதிர்பார்க்கவே இல்லை.

namitha 1

அரசியல் சினிமா இரண்டையும் எப்படி சமாளிக்கிறீர்கள்?

ஏன் இதில் என்ன கஷ்டம்? இரண்டும் வேறு வேறு. மக்களுக்கு ஏதாவது செய்ய வேண்டும் என்று ஆசைப்பட்டேன். சத்தமில்லாமல் செய்துகொண்டும் இருக்கிறேன்.

அதற்காக மக்கள் நலனில் அக்கறை உள்ள கட்சியான அதிமுகவில் இணைந்தேன். அதற்கும் சினிமாவுக்கும் தொடர்பு இல்லை.
​​
​பரத்துடன் நடிக்கும் ”பொட்டு” படம் அல்மோஸ்ட் ஓவர். ஜானி என்பவர் சொன்ன கதை நன்றாக உள்ளது. அடுத்த நகர்வுக்கு காத்திருக்கிறேன். இன்னும் சில படங்களி​ன்​ அறிவிப்பு​ம் வரும்​.

மலையாளம் போலவே தமிழ், தெலுங்கிலும் பெரிய ஹீரோக்கள் படங்களில் நடிக்கவும் ஆர்வமாக இருக்கிறேன்.

namitha hot stills

முதல்வர் உடல்நலம் பற்றி…

மாண்புமிகு அம்மா அவர்கள் இதற்கு முன்பு எத்தனையோ சோதனைகளை தாண்டி வந்திருக்கிறார்.

அம்மாவுக்கு கடவுளின் ஆசி எப்போதுமே உண்டு. இத்தனை கோடி மக்கள் அம்மாவுக்காக பிரார்த்திக்கிறோம். அவர்கள் மீண்டு வருவார்​கள்​ என தீர்க்கமாக சொல்லி முடித்தார் நமீதா.

More Articles
Follows