தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
‘புரியாத புதிர்’, ‘இஸ்பேட் ராஜாவும் இதய ராணியும்’ ஆகிய கவனிக்கத்தக்க படங்களை இயக்கியவர் ரஞ்சித் ஜெயக்கொடி.
இதனையடுத்து பிந்து மாதவி நடித்த ‘யாருக்கும் அஞ்சேல்’ என்ற படத்தை இயக்கியார். ஆனால் அந்த படம் இன்னும் ரிலீசாகவில்லை.
தற்போது சந்தீப் கிஷன் நாயகனாக நடித்துள்ள ‘மைக்கேல்’ என்ற படத்தை இயக்கியுள்ளார்.
ஸ்ரீ வெங்கடேஸ்வரா சினிமாஸ் எல் எல் பி மற்றும் கரன் சி புரொடக்சன்ஸ் எல் எல் பி இணைந்து ‘மைக்கேல்’ என்ற ,ஆக்சன் எண்டர்டெய்னர் படத்தை தயாரிக்கிறது.
இந்த படத்தில் முக்கிய வேடத்தில் விஜய்சேதுபதியும் நடித்துள்ளார்.
இப்படம் ஒரே நேரத்தில் தெலுங்கு, தமிழ், கன்னடம், மலையாளம், இந்தி உள்ளிட்ட 5 மொழிகளில் உருவாகி வருகிறது.
இந்த நிலையில் இப்படத்தின் வில்லனாக கௌதம் வாசுதேவ் மேனன் நடிக்க ஒப்பந்தமாகியுள்ளார்.
இது தொடர்பான தகவலை படக்குழுவினர் இன்று நவம்பர் 22ல் அறிவித்துள்ளனர்.
போஸ்டரில் இரத்தம் தோய்ந்த கையும், கைவிலங்கும் இடம்பெற்றிருந்தது. இது படத்தின் கதாப்பாத்திரங்களைப் பற்றி ரசிகர்களிடத்தில் பெரும் ஆச்சரியத்தை ஏற்படுத்தி, வரவேற்பையும் பெற்றது.
இந்த படத்தை தயாரிப்பாளர்கள் பரத் சௌத்ரி மற்றும் புஷ்கர் ராம்மோகன் ராவ் ஆகியோர் தயாரிக்க, நாராயண் தாஸ் கே நரங் வழங்குகிறார்.
Gauthm Menon and Vijay Sethupathi joins for a new film