தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
இந்திய சினிமாவே பெருமைப்படும் வகையில் மிகுந்த பொருட்செலவில் 2.0 படத்தை லைகா நிறுவனம் தயாரித்து நேற்று முன்தினம் வெளியிட்டது.
ஷங்கர் இயக்கிய இப்படத்தில் ரஜினிகாந்த், அக்சய்குமார், எமி ஜாக்சன் உள்ளிட்டோர் நடித்திருந்தனர்.
தமிழ், தெலுங்கு, ஹிந்தி ஆகிய மொழிகளில் உலகமெங்கும் வெளியானது.
இப்படத்தை பார்த்த பார்வையாளர்கள் அனைவரும் படத்தை பாராட்டி வருகின்றனர்.
இந்நிலையில் இப்படத்தின் வசூல் விவரங்கள் வெளியாகியுள்ளது.
முதல் நாளில் இந்தியாவில் மட்டும் 88 கோடியை வசூலித்துள்ளதாகவும் உலகளவில் ரூ. 118 கோடியை தாண்டியுள்ளதாக தெரிய வந்துள்ளது.
சென்னையில் முதல்நாளில் 2.64 கோடியையும் 2ஆம் நாளில் 2.13 கோடியையும் வசூலித்துள்ளதாக கூறப்படுகிறது.
தமிழ்நாட்டில் மட்டும் சுமார் 20 கோடிக்கு நிகராகவும், ஆந்திரா மற்றும் தெலங்கானாவில் மொத்தமாக 19 கோடி வசூல் செய்துள்ளதாம்.
வரி இல்லாமல் 12 கோடி ஷேராக விநியோகஸ்தர்களுக்கு கிடைத்திருக்கிறது.
ஹிந்தியில் 20 கோடி வரை வசூல் செய்திருப்பதாக, பாலிவுட் வர்த்தக நிபுணர் தரண் ஆதர்ஷ் தெரிவித்துள்ளார்.
கர்நாடகாவில் 8 கோடியும், கேரளாவில் 5 கோடியும் வசூல் செய்திருப்பதாக தகவல் வெளியாகியுள்ளது.
First day Box office collection report of 2pointO movie