தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பா.ரஞ்சித் இயக்கத்தில் காளிதாஸ் & கலையரசன் நடித்துள்ள படம் ‘நட்சத்திரம் நகர்கிறது’.
இந்தப் படத்தில் நாயகியாக துஷாரா விஜயன், ‘டான்சிங் ரோஸ்’ ஷபீர் உட்பட பல நடிகர்கள் நடித்துள்ளனர்.
கிஷோர் குமார் ஒளிப்பதிவில் டென்மா இசையமைத்துள்ளார். இப்படத்தை யாழி பிலிம்ஸ் நிறுவனத்துடன் இணைந்து நீலம் புரொடக்ஷன்ஸ் தயாரித்துள்ளது.
இந்த படம் ஆகஸ்ட் 31-ம் தேதியான விநாயகர் சதுர்த்தி அன்று திரையரங்குகளில் வெளியாகும் என அறிவிக்கப்பட்டுள்ளது.
இந்த நிலையில் இன்று இப்படத்தின் இசை வெளியீட்டு விழா சென்னை வேளச்சேரி பீனிக்ஸ் மாலில் நடைபெற்று வருகிறது.
இந்த மேடையில் பாடலாசிரியர்கள் தெருக்குரல் அறிவு & உமா ஆகியோர் மேடை ஏறினர்.
தெருக்குரல் அறிவு பேசும்போது…
ரஞ்சித் இயக்கிய அட்டகத்தி படம் எனக்கு வாழ்க்கையில் இளமை பருவம் புரிதலை தந்தது.
அதன் பின்னர் இயக்கிய மெட்ராஸ் கபாலி காலா சார்பட்டா பரம்பரை என அனைத்தும் என் வாழ்வில் ஒவ்வொரு பாடங்களையும் மாற்றங்களையும் தந்தன.
ஒரு கட்டத்தில் அவருடைய நிறுவனத்தில் இணைந்து இன்று பாடல்களை பாடிக் கொண்டிருக்கிறேன். அவரை என் வாழ்வில் மறக்க முடியாது.
‘நட்சத்திரம் நகர்கிறது’ இந்த படத்தில் முதன்முறையாக ஒரு மெலோடியான காதல் பாடலை பாடியிருக்கிறேன். அந்த வாய்ப்பு தந்ததற்கு நன்றி” என்றார் அறிவு.
Enjoy Enjaami rapper Arivu open talk about Ranjith movies