தமிழ் சினிமா அப்டேட்ஸ் களை உடனுக்குடன் தெரிந்து கொள்ள
பள்ளி மாணவர்களுக்கும் சட்டத்தை கற்பிக்க வேண்டும் என்ற கருத்தோடு வெள்ளி விழா நாயகன் மோகன் நடிப்பில் உருவாகும் ‘ஹரா’ படத்தை இயக்கி வருகிறார் விஜய் ஸ்ரீஜி.
இமனையடுத்து தசை சிதைவு நோயின் மருந்துகளை இந்தியா தயாரிக்க வேண்டும் என்கிற கருத்தை முன்னிறுத்தி BANK என்ற படத்தை ஒன்றை இயக்கி வருகிறார்.
இந்த படத்தை வி ஆர் இன்டர்நேஷனல் மூவிஸ் ரவி ராயன் என்பவர் தயாரிக்கிறார்.
சில மாதங்களுக்கு முன் தசை சிதைவு நோயால் பாதிக்கப்பட்ட கேரளாவை சேர்ந்த குழந்தைக்கு தனது அடையாளத்தை வெளிப்படுத்த விரும்பாத மனிதர் ஒருவர் ரூ 11 கோடி நன்கொடையாக கொடுத்துள்ளார் என்பதை நாம் அனைவரும் செய்தியில் படித்திருப்போம், பார்த்திருப்போம்.
இந்த தசை சிதைவு நோயை குணப்படுத்தும் ஊசியின் விலை ரூ 17.5 கோடியாகும்.
தமிழகத்திலும் இதே தசை சிதைவு நோயால் பாதிக்கப்பட்ட ஒரு குழந்தைக்கு சமீபத்தில் பலர் உதவி செய்தனர்.
இந்திய நாட்டில் இதற்கான ஊசி கிடைப்பதில்லை. இதை அதிக விலை கொடுத்து அமெரிக்கா போன்ற நாடுகளில் இருந்து தான் இறக்குமதி செய்ய வேண்டிய நிலை உள்ளது.
தசை சிதைவுநோய் பற்றியும் அதன் சிகிச்சைக்கு ஏன் இவ்வளவு செலவு.?ஆகிறது என்பதையும் மையமாக வைத்து விஜய் ஸ்ரீ ஜி இத்திரைப்படத்தை இயக்கி வருகிறார்.
தசை பிடிப்பு நோயால் பாதிக்கப்பட்ட ஒரு குழந்தையின் தாய் படும் கஷ்டங்களை குறித்து இந்த படம் பேசும் என்று இயக்குநர் விஜய் ஸ்ரீ ஜி தெரிவித்தார்.
நோயால் பாதிக்கப்பட்ட குழந்தையின் தாயாக அனித்ரா நாயர் நடிக்கிறார். அவரது மகளாக பேபி வேதாஷ்யா நடிக்கிறார்.
மேலும், முக்கிய கேரக்டர்களில் அமலா பாலின் சகோதரர் அபிஜித் பால், அர்ஜுன் ராஜ், அனித்ரா தந்தையாக ரயில் ரவி, விஜய் டிவி தீபா, சில்மிஷம் சிவா, வில்லனாக ரவி ராயன், பவுடர் ராமராஜன், கே.ஆர்.அர்ஜூன், ராஜேஷ் மற்றும் பல முன்னணி நட்சத்திரங்கள் நடிக்கிறார்கள்.
வழக்கறிஞராக ஒரு முன்னணி நடிகர் இந்தப் படத்தில் நடிக்கவுள்ளார்.
ரஷாந்த் ஆர்வின் இசையமைக்க மக்கள் தொடர்பு பணிகளை நிகில் முருகன் மேற்கொள்கிறார்.
தசை சிதைவு நோயை மையமாகக் கொண்டு உருவாகும் BANK என்ற இந்த படத்தின் டைட்டில் லுக்கை மலையாளத்தில் இன்று வெளியிட்டுள்ளனர்.
இன்று மலையாள வருட பிறப்பு (விஷு) பிறக்கிறது. இதனை முன்னிட்டு இந்த போஸ்டரை படக்குழு வெளியிட்டுள்ளது.
இந்த படம் தமிழ் & மலையாளத்தில் வெளியாகும் என படக்குழுவினர் உறுதி செய்துள்ளனர்.
Director Vijay Sri’s next film is titled Bank