தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
உலகநாயகனின் ஆஸ்தான இயக்குனர்களில் ஒருவர் சிங்கீதம் ஸ்ரீனிவாச ராவ்.
தெலுங்கில் பல படங்களை இயக்கியுள்ள இவர் தமிழில் கமல்ஹாசன் நடித்த ‘அபூர்வ சகோதரர்கள், மைக்கேல் மதன காமராஜன், மும்பை எக்ஸ்பிரஸ், காதலா காதலா உள்ளிட்ட பல படங்களை இயக்கியுள்ளார்.
மூத்த கலைஞரான இவர் தனக்கு கொரோனா தொற்று இருப்பதாகவும் தற்போது தனிமைப்படுத்தப்பட்டு இருப்பதாகவும் தனது ஃபேஸ்புக் பக்கத்தில் சிங்கீதம் தெரிவித்துள்ளார்.
மேலும் அவர் வீடியோ ஒன்றையும் பதிவிட்டுள்ளார். அதில்….
“வருகிற 21-ம் தேதி எனது பிறந்தநாள். அது தொடர்பாக பேசுவதற்காக பலர் என்னை அழைக்கின்றனர். அவர்கள் அழைப்பை என்னால் ஏற்க முடியவில்லை. என்னைத் தொடர்பு கொள்ள முயற்சிக்கும் அனைவருக்கும் நன்றி.
கடந்த செப்டம்பர் 9-ம் தேதி எனக்கு கொரோனா தொற்று இருப்பது உறுதியானது. வீட்டுத் தனிமையில் இருக்கிறேன். 22-ம் தேதி வரை தனிமைப்படுத்திக் கொள்ள வேண்டும்.
புத்தகங்கள் வாசிக்கிறேன். திரைக்கதை எழுதி வருகிறேன்.
முகக்கவசம், சமூக விலகலை ஆகியவற்றை பின்பற்றியும் எனக்கு கொரோனா தொற்று வந்துள்ளது.
கொரோனா தீவிரமான தொற்று. அனைவரும் எச்சரிக்கையாக இருக்க வேண்டும்.”
இவ்வாறு சிங்கீதம் ஸ்ரீனிவாச ராவ் தெரிவித்துள்ளார்.
Director Singeetham Srinivasa Rao tests positive for Covid-19