தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பி.வாசு இயக்கி கன்னடத்தில் பெரும் ஹிட்டடித்த சிவலிங்கா படத்தை தமிழிலும் அவரே இயக்கி வருகிறார்.
ராகவா லாரன்ஸ் ஹீரோவாக நடிக்க, நாயகியாக ரித்திகா சிங் நடித்திருக்கிறார்.
மிகமுக்கிய வேடத்தில் வடிவேலு நடித்துள்ளார்.
தமன் இசையமைத்துள்ள இப்படத்தில் ‘ரங்கு ரக்க…’ என்ற பாடலை அனிருத் பாடியுள்ளார்.
சிவலிங்கா படம் குறித்து இயக்குநர் பி வாசு கூறியதாவது…
“கன்னட சினிமாவில் சென்சேஷனல் ஹிட் சிவலிங்கா. இப்படத்தை தற்போது தமிழில் எடுத்துள்ளேன்.
கடந்த ஆண்டில் 85 அரங்குகளில் இப்படம் 100 நாட்களை கடந்து ஓடியது.
வழக்கம்போல என் படத்தில் கதைதான் ஹீரோ.
தான் வளர்க்கும் புறாவுடன் ஒருவன் ரெயிலில் சென்றுகொண்டிருக்கிறான்.
அவன் கண் அசந்த நேரம், கண் தெரியாத ஒருவர் ரயிலின் வாசல் வரை சென்று விடுகிறார்.
அவரை காப்பாற்ற சொல்லி, அந்த புறா அவனை எழுப்புகிறது.
ஆனால், கண் தெரியாதவர் அவனை கொலை செய்து விடுகிறார். அவனது ரத்தம் மீது விழுகிறது.
புறாவை தவிர கொலைக்கு யாரும் சாட்சி இல்லை.
ஆனால் அந்தப் புறா போலீசுக்கு எப்படி உதவுகிறது? என்பதுதான் கதை.
இதில் லாரன்ஸ் சிபிசிஐடி அதிகாரியாக வருகிறார். இப்படத்தின் க்ளைமாக்ஸ் வித்தியாசமாக இருக்கும்.
லாரன்சின் தாயாக ஊர்வசியும், ரித்திகாவின் தாயாக பானுப்பிரியாவும் நடித்துள்ளனர்” என்றார்.
இப்படம் ஜனவரி 26ம் தேதி ரிலீஸ் ஆகவுள்ளதாக தகவல்கள் தெரிவிக்கின்றன.
Director P Vasu reveals Sivalinga movie secrets