தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
இந்தியாவின் இரும்பு பெண்மணி என்றால் அது முன்னாள் பிரதமர் இந்திரா காந்தி தான். இவரது ஆட்சி காலத்தில் பரபரப்பாக பேசப்பட்ட ஒரு விஷயம் ‘எமர்ஜென்சி’.
இந்த அவசரநிலை பிரகடனத்தை மையமாக வைத்து உருவாகும் படமே ‘எமர்ஜென்சி’.
இதில் இந்திரா காந்தி வேடத்தில் நடித்து படத்தை இயக்கவும் செய்கிறார் நடிகை கங்கனா ரனாவத். இவர்தான் ‘தலைவி’ படத்தில் ஜெயலலிதா கேரக்டரில் நடித்திருந்தார் என்பது குறிப்பிடத்தக்கது.
இந்த நிலையில், ‘எமர்ஜென்சி’ படத்துக்காக பாராளுமன்றத்தில் படப்பிடிப்பு நடத்த அனுமதிக்குமாறு மக்களவைச் செயலருக்கு கங்கனா கடிதம் எழுதியிருக்கிறார்.
இதுவரை எந்த படமும் நாடாளுமன்றத்தில் படமாக்கப்பட்டதில்லை. மேலும் அங்கு தனியாருக்கு கேமரா கொண்டு செல்ல அனுமதி இல்லை எனவும் கூறப்படுகிறது. எனவே கங்கணாவுக்கு அனுமதி கிடைக்குமா என்பதை பொறுத்திருந்து பார்ப்போம்.?
கூடுதல் தகவல்..
தமிழில் பி.வாசு இயக்கத்தில் லாரன்ஸ் – வடிவேலு நடிக்கும் ‘சந்திரமுகி 2’ படத்தில் நடிகை கங்கனா ரணாவத் நடிக்க ஒப்பந்தம் செய்யப்பட்டுள்ளார் என்ற செய்தியை நம் FILMISTREET தளத்தில் பார்த்தோம்.