டாக்டர் டக்கரூ… அரண்மனை 3 அசத்தல்..; நெகட்டிவ் விமர்சனங்களை தூர வீசி மக்கள் ஆதரவுடன் வசூல் வேட்டை

டாக்டர் டக்கரூ… அரண்மனை 3 அசத்தல்..; நெகட்டிவ் விமர்சனங்களை தூர வீசி மக்கள் ஆதரவுடன் வசூல் வேட்டை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

அக்டோபர் 9ல் ‘டாக்டர்’ திரைப்படமும் அக்டோபர் 14ல் ‘அரண்மனை 3’ திரைப்படமும் தியேட்டர்களில் ரிலீசானது.்

இந்தப் படங்கள் விமர்சன ரீதியாகவும், வசூல் ரீதியாகவும் நல்ல வரவேற்பை பெற்று தியேட்டர்களில் ஓடிக் கொண்டிருக்கிறது.

மக்கள் குடும்பம் குடும்பமாக தியேட்டர்களில் வந்து படம் பார்ப்பதால் தியேட்டர் உரிமையாளர்களும் உற்சாகத்தில் உள்ளனர்.

‘டாக்டர்’ படத்தைத் தொடர்ந்து ‘அரண்மனை 3’ படமும் வினியோகஸ்தர்களுக்கும், தியேட்டர்காரர்களுக்கும் லாபகரமான படமாக அமைந்துள்ளது என்கின்றனர் தியேட்டர்கள் உரிமையாளர்கள் மற்றும் திரையுலக பிரபலங்கள்.

ஆயுத பூஜை தினத்தன்று வெளியான ‘அரண்மனை 3’ படம் சுமார் 16 கோடி வரை வசூலித்ததாக தகவல் வெளியாகி உள்ளது.

சிவகார்த்திகேயன் புரொடக்‌ஷன்ஸ் மற்றும் கே.ஜே.ஆர் ஸ்டியோஸ் நிறுவனம் இணைந்து தயாரித்துள்ள படம் ‘டாக்டர்’.

நெல்சன் திலீப்குமார் இயக்கியுள்ள இந்த படத்தில் சிவகார்த்திகேயனுடன் பிரியங்கா மோகன், வினய், யோகி பாபு, கிங்ஸ்லி, அர்ச்சனா உள்ளிட்ட பலர் நடித்துள்ளனர்.

அவ்னி சினிமேக்ஸ் நிறுவனம் சார்பில் குஷ்பு தயாரிக்க சுந்தர் சி இயக்கத்தில் உருவான படம் ‘அரண்மனை 3’.

C.சத்யா இசையமைத்துள்ள இந்த படத்தில் ஆர்யா, ராஷிக்கண்ணா, சுந்தர்.சி ஆகியோர் முதன்மை கதாபாத்திரங்களில் நடிக்க விவேக், யோகி பாபு, ஆண்ட்ரியா, மனோபாலா, சம்பத், சாக்‌ஷி அகர்வால், மதுசூதன ராவ், வின்சென்ட் அசோகன், வேலா ராமமூர்த்தி, நளினி, விச்சு விஸ்வநாத் ஆகியோர் முக்கிய பாத்திரங்களில் நடித்துள்ளனர்.

ஆனாலும் இந்த 2 திரைப்படங்களுக்கும் ஒரு சில விமர்சகர்களிடம் நெகட்டிவ்வான விமர்சனங்களே கிடைத்தன என்பது குறிப்பிடத்தக்கது.

ஆயிரம் இருந்தாலும் மக்கள் ரசனையை வெல்லும் மந்திரம் இங்குண்டோ

Despite of negative reviews Doctor and Aranmanai 3 collected more

3 குரங்குகள் பொம்மை தெரியும்.; 4வது குரங்கு பொம்மை என்ன.? ‘மோகன்தாஸ்’ பட போஸ்டர் ட்விஸ்ட்

3 குரங்குகள் பொம்மை தெரியும்.; 4வது குரங்கு பொம்மை என்ன.? ‘மோகன்தாஸ்’ பட போஸ்டர் ட்விஸ்ட்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர் விஷ்ணு விஷால் நடிப்பில் தயாராகி வரும் ‘மோகன்தாஸ்’ படத்தின் செகண்ட் லுக் வெளியிடப்பட்டிருக்கிறது.

விஷ்ணு விஷால் ஸ்டுடியோஸ் எனும் பட நிறுவனம் சார்பில் தயாராகி வரும் திரைப்படம் ‘மோகன் தாஸ்’. ‘களவு’ என்ற படத்தைத் தொடர்ந்து இயக்குநர் முரளி கார்த்திக் இயக்கத்தில் தயாராகிவரும் ‘மோகன்தாஸ்’ படத்தில் நடிகர் விஷ்ணு விஷால் கதையின் நாயகனாக நடிக்கிறார்.

இவருடன் நடிகை ஐஸ்வர்யா ராஜேஷ், இந்திரஜித் சுகுமாரன், ஷாரீக் ஹாஸன், லல்லு, பிரகாஷ் ராகவன், பூர்ணிமா பாக்கியராஜ் உள்ளிட்ட பலர் நடித்திருக்கிறார்கள்.

விக்னேஷ் ராஜகோபாலன் ஒளிப்பதிவு செய்திருக்கும் இந்த படத்திற்கு, கே. எஸ். சுந்தரமூர்த்தி இசையமைக்கிறார்.

எடிட்டர் கிருபாகரன் படத்தொகுப்பு பணியை கவனிக்கிறார்.

சென்னை மற்றும் அதன் சுற்றுப்புறத்தில் நடைபெற்றுவந்த இப்படத்தின் படப்பிடிப்பு அண்மையில் முழுமையாக நிறைவடைந்தது.

இதனைத் தொடர்ந்து படத்தின் தொகுப்பு மற்றும் பின்னணி பணிகள் விறுவிறுப்பாக நடைபெற்று வருகிறது. அடுத்த ஆண்டு கோடையில் ‘மோகன் தாஸ்’ படத்தை வெளியிடுவதற்கான பணிகளில் படக்குழுவினர் தீவிரமாக ஈடுபட்டுள்ளனர்.

இப்படத்தின் ஃபர்ஸ்ட்லுக் ஏற்கனவே வெளியாகி ஏராளமான பாராட்டுகளைக் குவித்த நிலையில், தற்போது ‘மோகன்தாஸ்’ படத்தின் செகண்ட் லுக் வெளியிடப்பட்டிருக்கிறது.

இதில் நாயகன் விஷ்ணு விஷால் புதிரான- அழுத்தமான- அர்த்தத்துடன் கூடிய சிரிப்புடன் இருக்க, அவரது கையில் ரத்தம் தோய்ந்த ஆயுதம் ஒன்றும் இருக்கிறது. அத்துடன் மூன்று குரங்குகள் பொம்மைகளாக தொங்கிக் கொண்டிருக்கிறது.

நான்காவதாக ஒரு குரங்கு வீழ்த்தப்பட்டுள்ளதைப் போல் அமைந்திருப்பதால் ரசிகர்களின் கவனத்தை கவர்ந்திருக்கிறது.

Vishnu Vishal Studioz, the makers of Vishnu Vishal’s upcoming film Mohandas, have now launched the second look poster of the film.

‘ஜெய் பீம்’ பட ட்ரைலர் ரிலீஸ் தேதி அப்டேட் கொடுத்த சூர்யா

‘ஜெய் பீம்’ பட ட்ரைலர் ரிலீஸ் தேதி அப்டேட் கொடுத்த சூர்யா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சூர்யா நாயகனாக நடிக்க டி ஜே ஞானவேல் இயக்கும் ‘ஜெய் பீம்’ படத்தை சூர்யா – ஜோதிகா தம்பதியின் 2டி எண்டெர்டெய்மெண்ட் நிறுவனம் தயாரிக்கிறது.

நீதிமன்ற வழக்காடலைக் கதைக்களமாகக் கொண்ட படம் ஜெய் பீம்.

சூர்யா கதாநாயகனாக நடிக்கும் இந்தப் படத்தில் பிரகாஷ் ராஜ், ராவ் ரமேஷ், ரஜிஷா விஜயன், மணிகண்டன் மற்றும் லிஜோ மோல் ஜோஸ் உள்ளிட்ட நட்சத்திரப் பட்டாளம் நடித்துள்ளனர்.

உலகம் முழுவதும் 240 நாடுகள் மற்றும் பிரதேசங்களில் தீபாவளியை முன்னிட்டு, 2 நவம்பர் 2021 அன்று ஜெய் பீம் தமிழ் மற்றும் தெலுங்கு மொழிகளில் அமேசனின் ஸ்ட்ரீமிங் சேவையில் வெளியாகிறது.

சமூக அநீதியும், மனிதர்களின் மிருகத்தன்மையும் இந்த அப்பாவி உயிர்களை பலிகடா செய்கிறது. வழக்கறிஞர் சந்துரு (சூர்யா) இவர்களின் மனித உரிமைகளுக்காகப் போராட வருகிறார்.

விறுவிறுப்பான, மிகத் தீவிரமான ஒரு கதைக்கரு மனதைப் பிசையும், அதே சமயம் நெகிழவும் செய்யும் ஒரு களத்தில் சொல்லப்பட்டுள்ளது.

வழக்கறிஞர் சந்துரு கதாபாத்திரத்தை நடிகர் சூர்யா மிக நேர்த்தியாகத் திரையில் கொண்டு வந்திருக்கிறார்.

இப்பட டீசர் அண்மையில் ரிலீசாகி பரபரப்பை ஏற்படுத்தியது. அந்த டீசரில்… “எல்லா ஜாதியிலும் பெரிய பெரிய திருடன்ங்க இருக்காங்க….

நாம போலீசை எதிர்த்து வழக்கு போடவில்லை… நம்ம அரசாங்கத்தை எதிர்த்து வழக்கு போடுறோம்” என சூர்யா பேசும் வசனங்கள் இடம் பெற்றுள்ளது.

ஜெய் பீம் திரைப்படத்தின் இணைதயாரிப்பை ராஜசேகர் கற்பூரசுந்தரபாண்டியன் கவனிக்க, ஷான் ரால்டன் இசையமைத்துள்ளார்.

ஒளிப்பதிவாளர் எஸ் ஆர் கதிர், படத்தொகுப்பு ஃபிலோமின் ராஜ், கலை இயக்கம் கதிர்.

இந்த நிலையில் சூர்யாவின் ஜெய் பீம் ட்ரெய்லர், அக்டோபர் 22 அன்று வெளியாகும் என படக்குழு அறிவித்துள்ளது.

இது தொடர்பான போஸ்டரில் கூட்டத்தில் தனியாளாக உயர்ந்து நிற்கும் சூர்யாவின் சக்திவாய்ந்த தோற்றத்தை இந்தப் புதிய போஸ்டர் காட்டுகிறது.

நவம்பர் 2ஆம் தேதி, தமிழ் மற்றும் தெலுங்கு மொழிகளில் ஜெய் பீம் அமேசான் ப்ரைம் வீடியோ தளத்தில் வெளியாகிறது

Suriyas Jai Bhim Trailer to be out on October 22

‘தர்மதுரை 2’ படத்திற்கு வாழ்த்துக்கள்.. ஆனா எனக்கு சம்பந்தமில்லை.. – சீனுராமசாமி

‘தர்மதுரை 2’ படத்திற்கு வாழ்த்துக்கள்.. ஆனா எனக்கு சம்பந்தமில்லை.. – சீனுராமசாமி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சீனுராமசாமி இயக்கத்தில் விஜய்சேதுபதி, தமன்னா, ஐஸ்வர்யா ராஜேஷ், சிருஷ்டி டாங்கே, ராதிகா சரத்குமார் ஆகியோர நடிப்பில் வெளியான படம் ‘தர்மதுரை’.

யுவன் இசையமைத்த இப்படத்தை ஆர்.கே.சுரேஷ் தயாரித்திருந்தார். கடந்த 2016ல் இப்படம் வெளியானது.

பெரும் வெற்றிப் பெற்ற இப்படத்தின் இரண்டாம் பாகம் உருவாக இருப்பதாக இதன் தயாரிப்பாளர் ஆர்.கே.சுரேஷ் தெரிவித்து இருந்தார்.

இந்த நிலையில் இதுபற்றி சீனுராமசாமி தனது டுவிட்டர் பக்கத்தில்…

“தர்மதுரை பாகம் இரண்டு எடுக்கப் போவதாக செய்திகள் வருகின்றன. வாழ்த்துக்கள். ஆனால் அதை நான் இயக்குவதாக வரும் செய்திகள் உண்மையல்ல.

ஆகவே அது சம்பந்தமான விசயத்தில் எனக்கு எவ்வித சம்பந்தம் இல்லை என்பதை தெரிவிக்க விரும்புகிறேன்.

விரைவில் என் அடுத்த படம் குறித்த அறிவிப்பு வரும்” என கூறியுள்ளார்.

Director Seenu Ramasamy about Dharma Durai 2

‘தில் ஹே கிரே’… பாலிவுட்டில் ரீமேக் படம் இயக்கும் ‘திருட்டுப் பயலே’ இயக்குனர்

‘தில் ஹே கிரே’… பாலிவுட்டில் ரீமேக் படம் இயக்கும் ‘திருட்டுப் பயலே’ இயக்குனர்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழ் சினிமா மட்டுமல்லாமல் பாலிவுட்டிலும் தரமான படைப்புகளைக் கொடுத்து முன்னணி இயக்குநராக வலம் வருபவர் இயக்குநர் சுசிகணேசன். தமிழில் இவர் இயக்கிய ‘ஃபைவ் ஸ்டார்’, ‘விரும்புகிறேன்’, ‘கந்தசாமி’ “ திருட்டுப்பயலே “உட்பட ஏராளமான படங்கள் மக்கள் மனதில் நீங்கா இடம் பெற்றவை.

தற்போது வெற்றிப் படமான ‘திருட்டுப்பயலே – 2’ படத்தை இந்தியில் இயக்கி வருகிறார். சமீபத்தில் இதன் இந்தி டைட்டில் வெளியானது.

படத்துக்கு ‘தில் ஹே கிரே’ என்ற டைட்டில் வைக்கப்பட்டுள்ளது. தமிழில் இதன் அர்த்தம், இதயத்தின் நிறம் சாம்பல் .இந்த உலகத்தில் வெள்ளை மனம் கொண்டவர்களும் இருக்கிறார்கள்.

கறுப்பு மனம் உள்ளவர்களும் இருக்கிறார்கள். கிரே இதயம் என்றால் வெள்ளை, கறுப்பு என இரண்டும் கலந்தது. அப்படி ஒரு கிரே இதயம் படைத்த மனிதர்களின் கதையைத் தனித்துவமாக இதில் சொல்லியுள்ளார்கள்.

இந்தப் படம் தமிழில் வெளியான ‘திருட்டுப்பயலே 2 “படத்தின் நேரடி ரீமேக்காக வெளியாகவுள்ளது.

இதில் நாயகனாக வினித் குமார் சிங் நடிக்கிறார். தற்போது பாலிவுட் முன்னணி நடிகராக உள்ள இவரை ‘முக்காபாஸ்’ என்ற படத்தில் அனுராக் காஷ்யப் அறிமுகப்படுத்தினார் என்பது குறிப்பிடத்தக்கது.

நாயகியாக ஊர்வசி ரெளத்தேலா நடிக்கிறார். பாலிவுட்டில் ஏராளமான படங்களில் நடித்துள்ள இவருக்குச் சமூக வலைத்தளங்களில் 4.5 கோடி ஃபாலோயர்ஸ் இருக்கிறார்கள்.

முக்கிய வேடத்தில் அக்‌ஷய் ஒப்ராய் நடிக்கிறார். இவர் ‘பீட்சா’ இந்தி ரீமேக்கில் நடித்தவர். தற்போது வில்லனாக பிரசன்னா நடித்த பாத்திரத்தில் நடிக்கிறார் நாயகியின் அம்மாவாக சீதா நடிக்கிறார்.

தென்னிந்திய மொழிகளில் ஏராளமான படங்களில் நடித்துள்ள சீதா இந்தப் படத்தின் மூலம் முதன் முறையாக இந்தியில் அறிமுகமாகிறார்.

இவர்களுடன், இயக்குநர் சுசி கணேசன் உயர் போலீஸ் அதிகாரியாக நடிக்கிறார். தமிழில் இவர் நடித்த துப்பறியும் வேடத்தில் ரங்கராஜ் பாண்டே நடிக்கிறார். இது தவிர, ஏராளமான பாலிவுட் முன்னணி நடிகர்களும் நடிக்கிறார்கள்.

இந்தப் படத்துக்கு சேது ஸ்ரீராம் ஒளிப்பதிவைக் கவனிக்க, ராம் எடிட்டிங் செய்துள்ளார். சண்டைக் காட்சிகளை ‘ஸ்டன்’ சிவா அமைத்துள்ளார்.

தமிழ் டெக்னீஷியன்களான இவர்கள் அனைவரும் பாலிவுட் படத்துக்குப் பணியாற்றுவது சிறப்பு மிக்க அம்சம். பாலிவுட்டைச் சேர்ந்த முன்னணி தொழில்நுட்பக் கலைஞர்களும் இதில் கைகோர்த்துள்ளார்கள்.

பிரபல கன்னடத் தயாரிப்பு நிறுவனமான ‘சுரஜ் புரொடக்‌ஷன்’ எம்.ரமேஷ் ரெட்டி மிகப் பிரம்மாண்டமாகத் தயாரிக்கிறார். இவர் கன்னடத்தில் சிறந்த படத்துக்கான தேசிய விருது வாங்கியவர்.

‘திருட்டுப்பயலே2 “இந்தியில் உருவான விதம் சுவாரஸ்யமானது. பெங்களூர் தியேட்டரில் , தயாரிப்பாளர் எம்.ரமேஷ் ரெட்டி ‘திருட்டுப்பயலே 2 “படத்தைப் பார்த்துவிட்டு , இயக்குனரை அழைத்து பாராட்டியதோடு கன்னடம், தெலுங்கு ரைட்ஸ் வாங்கியுள்ளார். அதே முனைப்போடு இந்தியிலும் இந்தப் படத்தைத் தயாரித்து முடித்துள்ளார் .

இந்தியில் முதல் படமாக தயாரிப்பாளராக அடி எடுத்துவைக்கிறார் ரமேஷ் ரெட்டி . சுசி கணேசனின் தாயாரிப்பு நிறுவனமான 4 வி எண்டர்டெயின்மெண்ட் – சார்பாக மஞ்சரி சுசிகணேசன் இணைந்து தயாரிக்கிறார்.

சுசி கணேசனின் இரண்டாவது பாலிவுட் படைப்பாக வெளிவரவுள்ள இதன் போஸ்ட் புரொடக்‌ஷன் பணிகள் விறுவிறுப்பாக நடைபெற்று வருகிறது. டிசம்பர் மாதம் வெளியிடத் திட்டமிட்டுள்ளார்கள்.

காவல் துறையில் நடக்கும் சர்ச்சைக்குரிய தொலைபேசி ஒட்டுக்கேட்கும் அழைப்பால் ஒரு அழகான குடும்பம் எப்படி சிக்கிக்கொள்கிறது என்பதுதான் இந்தப் படத்தின் கதைச் சுருக்கம்.

The Hindi remake of Director SusiGanesan ‘s superhit Tamil film ThiruttuPayale2 has been titled DilHaiGray

நானி உடன் இணைந்த சாய் பல்லவி கீர்த்தி ஷெட்டி & மடோனா

நானி உடன் இணைந்த சாய் பல்லவி கீர்த்தி ஷெட்டி & மடோனா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ராஜமௌலி இயக்கிய ‘நான் ஈ’ படப்புகழ் நாயகன் நானி நடிக்கும் புதிய திரைப்படம் ‘ஷியாம் சிங்கா ராய்’.

இதுவரை சொல்லப்படாத கதைக் களத்தை தொட்டுள்ள இயக்குநர் ராகுல் சங்க்ரித்யன், உயர் தொழில்நுட்ப தரத்துடன் இந்த படத்தை உருவாக்கியுள்ளார்.

நிஹாரிகா என்டர்டெயின்மென்ட்டின் தயாரிப்பாளர் வெங்கட் பொயனப்பள்ளி கதையின் மீது முழு நம்பிக்கை வைத்து படத்திற்கு தேவையான அனைத்து ஆதரவையும் வழங்கியுள்ளார்.

இதுவரை வெளியான நானி படங்களிலேயே மிகவும் அதிக பொருட்செலவில் உருவாகியுள்ள திரைப்படம் இதுவாகும்.

சமீபத்தில், இப்படத்தில் நானியின் இரண்டாவது பரிமாணமான வாசுவின் முதல் பார்வை வெளியிடப்பட்டது. பெங்காலி பாய் என்ற முதல் பரிமாணத்தைப் போலவே, இதுவும் எல்லா இடங்களில் இருந்தும் பெரும் வரவேற்பைப் பெற்றது.

இப்படத்திற்கான நானியின் இரண்டு தோற்றங்கள் ஒன்றுக்கொன்று முற்றிலும் மாறுபட்டு உள்ளன.

இந்தப் படத்தின் மீதுள்ள பெரும் ஆர்வத்தை கருத்தில் கொண்டு தமிழ், தெலுங்கு, கன்னடம் மற்றும் மலையாளம் ஆகிய அனைத்து தென்னிந்திய மொழிகளிலும் ஷியாம் சிங்கா ராயை வெளியிட தயாரிப்பாளர்கள் முடிவு செய்துள்ளனர்.

இந்த கிறிஸ்துமஸ் பண்டிகைக்கு டிசம்பர் 24 அன்று உலகம் முழுவதும் திரையரங்குகளில் படம் வெளிவரும்.

நானிக்கு இது மிகப்பெரிய வெளியீடாக இருக்கும். இந்த அறிவிப்பை காதல் ததும்பும் போஸ்டர் ஒன்றின் மூலமாக வெளியிட்டுள்ளனர். இந்த போஸ்டர், நானி மற்றும் சாய் பல்லவிக்கு இடையேயான காதலை வெளிப்படுத்தும் விதமாக உள்ளது.

நாயகிகளான சாய் பல்லவி, கீர்த்தி ஷெட்டி மற்றும் மடோனா செபாஸ்டியன் ஆகியோருக்கு மற்ற மொழிகளில் நல்ல வரவேற்பு இருப்பதால் அது படத்திற்கு பெரிய பலமாக இருக்கும்.

மேலும், நான் ஈ (தெலுங்கில் ஈகா) போன்ற படங்களின் காரணமாக நானி தமிழ் உள்ளிட்ட மொழிகளில் நன்கு அறியப்பட்டவர் ஆவார். சில நேரடி தமிழ் திரைப்படங்களிலும் அவர் நடித்திருப்பது குறிப்பிடத்தக்கது.

திரைப்படம் தற்போது Post-production நிலையில் இருப்பதால், விளம்பர நடவடிக்கைகளை விரைவில் தொடங்கவிருப்பதாக படக்குழுவினர் அறிவித்துள்ளனர். வி எஃப் எக்ஸ் காட்சிகள் படத்திற்கு மெருகூட்டும் வகையில் அமைந்துள்ளன.

நிஹாரிகா என்டர்டெயின்மென்ட்டின் முதல் தயாரிப்பான ஷியாம் சிங்கா ராய் கதையை சத்யதேவ் ஜங்கா எழுதியுள்ளார். மெல்லிசை பாடல்களின் நிபுணர் மிக்கி ஜே மேயர் இசையமைக்க, சானு ஜான் வர்கீஸ் ஒளிப்பதிவு செய்கிறார். நவீன் நூலி படத்தொகுப்பை கையாள்கிறார்.

தேசிய விருது வென்ற கிருதி மகேஷ் மற்றும் மிகவும் திறமையான யாஷ் மாஸ்டர் படத்தின் பாடல்களுக்கு நடனம் அமைத்துள்ளனர்.

ராகுல் ரவீந்திரன், முரளி சர்மா மற்றும் அபினவ் கோமடம் ஆகியோர் முக்கிய கதாபாத்திரங்களில் நடிக்கின்றனர்.

நடிப்பு: நானி, சாய் பல்லவி, கீர்த்தி ஷெட்டி, மடோனா செபாஸ்டியன், ராகுல் ரவீந்திரன், முரளி சர்மா, அபினவ் கோமடம், ஜிஷு சென் குப்தா, லீலா சாம்சன், மணீஷ் வாத்வா, பருண் சந்தா உள்ளிட்டோர்.

தொழில்நுட்ப குழு:
இயக்குநர்: ராகுல் சங்க்ரித்யன்
தயாரிப்பாளர்: வெங்கட் போயனப்பள்ளி
பேனர்: நிஹாரிகா என்டர்டெயின்மென்ட்
மூலக்கதை: சத்யதேவ் ஜங்கா
இசை: மிக்கி ஜே மேயர்
ஒளிப்பதிவு: சனு ஜான் வர்கீஸ்
தயாரிப்பு வடிவமைப்பாளர்: அவினாஷ் கொல்லா
நிர்வாக தயாரிப்பாளர்: எஸ் வெங்கட ரத்னம் (வெங்கட்)
படத்தொகுப்பு: நவீன் நூலி
சண்டை: ரவிவர்மா
நடனம்: கிருதி மகேஷ், யாஷ்
மக்கள் தொடர்பு: சதீஷ் (AIM)

Nani and Sai Pallavi joins for Shyam Singha Roy

More Articles
Follows