தமிழ் சினிமா அப்டேட்ஸ் களை உடனுக்குடன் தெரிந்து கொள்ள
நீர்ப்பறவை சமர் சில்லு கருப்பட்டி உள்ளிட்ட பல படங்களின் நடித்தவர் சுனைனா.
இவரது நடிப்பில் உருவாகியுள்ள திரைப்படம் ‘ரெஜினா’. சதீஷ் நாயர் தயாரித்துள்ள இந்த படத்தை டொமின் டீ சில்வா என்பவர் இயக்கியுள்ளார்.
இந்த படத்தில் இசை வெளியிட்டு விழாவில் விழா தற்போது சென்னை சத்தியம் திரையரங்கில் நடைபெற்று வருகிறது.
இந்த நிகழ்ச்சியில் சிறப்பு விருந்தினராக கலந்து கொண்டார் வெங்கட் பிரபு.
இந்த விழாவில் மேடையில் பேசிய சுனைனா…
” 2006 ஆம் ஆண்டு நான் வட இந்தியாவில் வசித்துக் கொண்டிருந்தேன். அப்போது தென்னிந்தியா சினிமா என்பது என்ன என்று கூட எனக்கு தெரியாது.
வாழ்க்கையில் என்ன செய்யப் போகிறோம் என்பதை கூட நான் அப்போது முடிவு செய்யவில்லை. அப்போது நான் ஒரு திரைப்படம் பார்த்தேன். அதில் ஒருவரை கண்டேன். அந்த படம் அவர்தான் என் வாழ்க்கையை மாற்றியது.
அந்த படம் சந்திரமுகி.. அவர் ரஜினிகாந்த். அதன் பின்னர் சூர்யா நடித்த கஜினி படத்தை பார்த்தேன்.
ரஜினியும் கஜினியும் தான் என் வாழ்க்கையில் நான் சினிமாவில் நுழைய வேண்டும் என்ற ஆர்வத்தை ஏற்படுத்தியது.
அதற்குப் பின்னர் தான் சினிமாவில் நடிக்க துவங்கியனேன். தென் இந்திய படங்களை அதிகம் பார்த்தேன். ரெஜினா என்ற இந்த திரைப்படம் ஜூன் 23ஆம் தேதி வெளியாகிறது. அனைவரும் பார்த்து ஆதரவு தாருங்கள்” என பேசினார் சுனைனா.
‘Chandramukhi’ Rajini and Ghajini Suriya changed my life says sunaina