தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பிரபல பாலிவுட் நடிகரும், அரசியல்வாதியுமான வினோத் கன்னா இன்று 70 வயதில் காலமானார்.
புற்றுநோயால் அவதிப்பட்டு வந்த இவர், மும்பை மருத்துவமனையில் சிகிச்சை பெற்று வந்த நிலையில் உயிரிழந்துள்ளார்.
பஞ்சாப் மாநிலத்தின் குர்தாஸ்பூர் பாஜக எம்.பியான வினோத் கண்ணா, கடந்த 1946ஆம் ஆண்டு அக்டோபர் மாதம் பிறந்தார்.
கடந்த 1968-2013 ஆண்டு வரை சுமார் 141 திரைப்படங்களில் நடித்துள்ளார். இவரது நடிப்பில் வெளியான மேரி அப்னே, மேரா கோன், மேரா தேஷ், கத்தார், ஜெயில் யாத்ரா, இமிதிஹான், இன்கார், குச் தாகே, அமர் அக்பர் அந்தோணி, ராஜ்புட், குத்ராத், கார்நமா உள்ளிட்ட படங்கள் பிரபலமானவை.
பா.ஜ.க கட்சியை சேர்ந்த வினோத் கன்னா, பஞ்சாப் மாநிலம் குர்தாஸ்பூரிலிருந்து நான்கு முறை எம்.பி.யாக தேர்வு செய்யப்பட்டவர்.
இவருக்கு கவிதா கண்ணா என்ற மனைவியும், ராகுல், அக்ஷயே, சக்ஷி என்ற மகன்களும், ஷ்ரத்தா கண்ணா என்ற மகளும் இருக்கின்றனர்.
வினோத் கன்னா மறைவுக்கு அரசியல் தலைவர்கள், சினிமா பிரபலங்கள், கிரிக்கெட் வீரர்கள் உள்ளிட்ட பலரும் தங்கள் இரங்கலை தெரிவித்து வருகின்றனர்.
Bollywood Actor Vinod Khanna passes away in Mumbai