By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
ஜான் பால்ராஜ் என்ற புதுமுக இயக்குனர் இயக்கி தயாரித்துள்ள படம் அக்னி தேவி.
இதில் பாபி சிம்ஹா, மதுபாலா, ரம்யா நம்பீசன், சதீஷ், லிவிங்ஸ்டன் உள்ளிட்ட பலர் நடித்துள்ளனர்.
ஜாக்கீஸ் பிஜாய் இசையமைக்க, ஜனா ஒளிப்பதிவு செய்துள்ளார்.
நாளை மறுநாள் 22ந் தேதி படம் வெளியாகவுள்ளது.
இந்த நிலையில் அக்னி தேவி படத்தில் நான் நடிக்கவில்லை என படத் தயாரிப்பாளர் மீது பாபிசிம்ஹா பரங்கிமலை காவல் துணை ஆணையரிடம் புகார் கொடுத்துள்ளார்.
அந்த புகாரில்…
கடந்த ஆண்டு கோவையைச் சேர்ந்த ஜான் பால்ராஜ் இயக்கும் அக்னிதேவி (அக்னிதேவ் என்று முன்பு பெயரிட்டு இருந்தனர்) படத்தில் நடிக்க ஒப்பந்தமானேன். 5 நாட்கள் தான் நடித்தேன்.
என்னிடம் சொல்லப்பட்ட கதையை மாற்றி வேறு மாதிரி எடுத்தனர். எனவே காட்சிகளை போட்டு காட்ட கூறினேன். ஆனால் காட்டவில்லை. எனவே படத்திலிருந்து விலகி விட்டேன்.
இது தொடர்பாக கோவை சிட்டி சிவில் நீதிமன்றத்தில் வழக்கு தொடர்ந்துள்ளேன். வழக்கு நிலுவையில் உள்ளது.
தற்போது படத்தின் பெயரை அக்னி தேவி என்ற பெயரில் மாற்றி வருகிற 22ந் தேதி வெளியிடவுள்ளதாக அறிவித்து விளம்பரம் செய்து வருகின்றனர்.
விளம்பரங்களில் என்னுடைய போட்டோக்களும் உள்ளது.
மேலும் எனக்கு பதிலாக டூப் போட்டு சில காட்சிகளை எடுத்து கிராபிக்ஸ் செய்துள்ளனர்.
அவர்கள் மீது நடவடிக்கை எடுக்க வேண்டும் என்று கூறியிருந்தார்.
இதனையடுத்து தயாரிப்பாளர் மற்றும் இயக்குனர் ஜான்பால்ராஜ் மீது ஆள்மாறாட்டம், மோசடி, ஏமாற்றுதல் ஆகிய பிரிவுகளின் கீழ் போலீசார் வழக்கு பதிவு செய்துள்ளனர்.
இதனால் அக்னிதேவி படம் 22ந் தேதி வருமா? எனத் தெரியவில்லை.
