பாலிவுட் நடிகையை குறி வைக்கும் விஜய்-அட்லி

பாலிவுட் நடிகையை குறி வைக்கும் விஜய்-அட்லி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

vijay atleeவிஜய்யின் 61வது படத்தை அட்லி இயக்கப் போகிறார் என்றும் ஸ்ரீதேனாண்டாள் நிறுவனம் அப்படத்தை தயாரிக்க போகிறது என்றும் சில நாட்களுக்கு முன்பே செய்தி வெளியானது.

ஆனால் படத்தின் மற்ற கலைஞர்கள் குறித்த விவரங்கள் இதுவரை முறையாக வெளியாகவில்லை.

படத்தின் நாயகி நயன்தாரா என்றும் காஜல் என்றும் தகவல்கள் பறந்தன.

இந்நிலையில் இதில் இரண்டு ஹீரோயின் நடிக்கப் போவதாகவும் ஒருவர் பாலிவுட் நடிகை என்றும் கூறப்படுகிறது.

இதனால் விஜய்க்கு ஏற்ற ஒரு பாலிவுட் நாயகியை தேடி வருகிறாராம் அட்லி.

‘என்னை புறக்கணித்தவர்களுக்கு என் வெற்றியே பதிலடி..’ – பிரஜின்

‘என்னை புறக்கணித்தவர்களுக்கு என் வெற்றியே பதிலடி..’ – பிரஜின்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

prajinஅண்மையில் வெளியாகி அனைவரின் பாராட்டையும் பெற்ற படம் ‘பழைய வண்ணாரப்பேட்டை’.

சினிமா ரசிகர்கள், பத்திரிகைகள், ஊடகங்கள் என பல தரப்பிலிருந்து வரும் விமர்சன,பாராட்டு மழையில் நனைந்து கொண்டிருக்கிறார் இப்பட நாயகன் பிரஜின்.

ஆனால் இந்த ஒரு தகுதிக்கு அவர் கொடுத்த விலை அதிகம். அனுபவித்த வலிகளும் அதிகம்.

பிரஜின் பிரபல தொலைக் காட்சிகளில் நடிகராக வலம் வந்தவர். அலுவலக வேலைபோல போய் கைநிறைய சம்பளம் பெற்று வாழ்ந்தவர். ஆனாலும் அங்கேயே தங்கி விடவில்லை.

இனி அவரே பேசட்டும்.

“என் முதல் படம் ‘சாபு த்ரீ’ அந்தப்படம் பெரிய வெற்றி பெறவில்லை. அடுத்து ‘தீ குளிக்கும் பச்சைமரம்’ அது மது அம்பாட் இயக்கிய படம். 2012ல் வெளியானது மார்ச்சுவரி,பிணம் என்று வித்தியாசமாக நகரும் கதை.

சீனுராமசாமி, சமுத்திரக்கனி, அறிவழகன் போன்ற இயக்குநர்கள் என்னைப் பாராட்டிய படம்.

நான் நடித்த படங்களுக்கு சரியான விளம்பரம் இல்லாததால் பெரிதாகப் போகவில்லை. இதைச் சம்பந்தப்பட்டவர்களிடம். சொன்னால் ஏற்றுக் கொள்ள மாட்டார்கள். அவர்களை ஈகோ தடுக்கும் என்ன செய்வது?.

ஆனால் இதற்கெல்லாம் முன்னாடி 2010ல் ஒப்பந்தமான படம்தான் ‘பழைய வண்ணாரப்பேட்டை’. படம் பல்வேறு தடைகளால் தாமதமாகிக் கொண்டே வந்தது. இப்போது வெளியாகி நன்றாக ஓடிக்கொண்டு இருக்கிறது.

ஓரே ஆண்டில் முடியும் என்று நினைத்தோம். காலம் நீண்டுவிட்டது.”

‘பழைய வண்ணாரப்பேட்டை’. பட அனுபவம் பற்றி….

” அதற்காக 5 ஆண்டுகள் விட்டு, விட்டு படப்பிடிப்பு நடந்தது.ஆனாலும் 48 நாட்களில் படப்பிடிப்பு முடிக்கப் பட்ட படம். அது 24 மணி நேரத்தில் நடக்கும் கதை என்பதால் ஒரே தோற்றம், ஒரே உடைதான் வர வேண்டும்.

அதனால் என் எடை 73 கிலோவை 16 ஆண்டுகளாகப் பராமரித்தேன் தாடியுடன் இருந்ததால் வேறு படங்களிலும் நடிக்க முடியாது.இப்படி பல சிரமங்களை எதிர் கொண்டு முடித்த படம். ‘பழைய வண்ணாரப்பேட்டை’

Actor prajin (1)

‘பழைய வண்ணாரப்பேட்டை’ பட ஆடியோ விழாவில் விழாவுக்கு அழைத்த யாரும் வரவில்லையே என்று கண்ணீர் சிந்தி வருத்தப்பட்டீர்களே.?

”அது வருத்தமான ஒன்றுதான். நாங்கள் விழாவுக்கு எல்லாரையும் முறைப்படி சம்மதம் பெற்று விட்டுத்தான் அழைப்பிதழில் பெயர் போட்டோம்.

அப்படியே முறைப்படி அழைத்தோம்.ஆனால் யாரும் வராதது பெரிய வருத்தம். அந்த அதிர்ச்சியிலிருந்து மீளப்பலநாள் ஆனது. ஏன் அப்படிப் புறக்கணித்தார்கள் என்று தெரியவில்லை.

இதே விழா பெரிய நடிகர் சம்பந்தப் பட்டது என்றால் வராமல் இருப்பார்களா? 5 ஆண்டுகள் போராடி ஒரு படம் எடுத்தோம். அப்படிப்பட்ட படத்தின் விழாவுக்கு வராமல் ஏன் அப்படிப் புறக்கணித்தார்கள் என்று தெரியவில்லை ?

எல்லாவற்றுக்கும் ஒன்றுதான் பதிலாக இருக்கும். நாம் வளர வேண்டும். நம் வெற்றி ஒன்றுதான் பதிலாக இருக்கும். அதை நோக்கியே ஓடிக் கொண்டிருக்கிறேன். உழைத்துக்கொண்டிருக்கிறேன்.” என்கிறார்.

எப்போதாவது சின்னத்திரையிலேயே இருந்து பாதுகாப்பாக பயணம் செய்திருக்கலாமோ என்று நினைத்ததுண்டா?

” 2003-ல் டிவிக்குப் போன நான் நான்கு ஆண்டுகள் மட்டுமே அங்கே இருந்தேன். 2007-ல் வெளியே வந்து விட்டேன்.நான் டிவி யிலிருந்து வெளியே வந்து 12 ஆண்டுகள் ஆகிவிட்டன.

தமிழில் இதுவரை 3 படங்கள் வந்துள்ளன.இடையில் மலையாளத்தில் 4 படங்கள் நடித்தேன். பிருத்திவிராஜ், லால் படங்களும் அதில் அடங்கும்.

இடைப்பட்ட காலத்தில் போராட்டங்கள் தான். ஆனாலும் போராடியே நமக்கான இடத்தை அடைவது என்பதில் உறுதியாக இருந்தேன் அதனால் மனதை திசைதிரும்ப விடவில்லை சின்னத்திரையிலிருந்து சினிமாவில் நடிக்க வருவதில் சாதகமும் உண்டு. பாதகமும் உண்டு.

டிவி மூலம் எல்லாருக்கும் தெரிந்திருப்பதாலேயே வாய்ப்பு தரத்தயங்குவார்கள். என்னை எல்லாருக்கும் தெரியும் .ஆனால் வாய்ப்பு தரமாட்டார்கள். இது ஒரு மாதிரியான சிக்கல். சிலர் இவருக்கு என்ன வியாபார மதிப்பு இருக்கிறது? என்பார்கள்.

இதற்கிடையே நான் 2007 ல் திருமணம் செய்து கொண்டேன் என் மனைவி ஒரு சின்னத்திரை நடிகை. அவர் என்னையும் என் இலக்கையும் புரிந்து கொண்டிருப்பதால் ஆதரவு தந்து பக்கபலமாக இருந்தார். இது சாதாரண விஷயமல்ல.” என்கிறார்.

Actor prajin (3)

இப்போது நடித்து வரும் படங்கள் பற்றி?

‘குன்றத்திலே குமரனுக்கு கொண்டாட்டம்’ படம் வெளிவரத் தயாராக இருக்கிறது. இதை தயானந்தன் இயக்கியிருக்கிறார். இவர் சீனு ராமசாமியின் உதவி இயக்குநர்.

இன்னொரு படம் ‘மிரண்டவன்’ .அதை இயக்கியிருப்பவர் முரளி கிருஷ்ணா. இப்படமும் வெளிவரத்தயாராக இருக்கிறது.

தாமிரா இயக்கும் ‘ஆண்தேவதை’ படத்தில் 2 வது நாயகனாக நடிக்கிறேன். சமுத்திரக்கனி சார்தான் நாயகன். அவர்தான் என்னை டிவியில் அறிமுகப் படுத்தியவர்.அவருடன் நடிப்பதில் மகிழ்ச்சி.பேசும் போதே நம்பிக்கை தருபவர் அவர்.

அடுத்து இன்னொரு புதிய படம் பேச்சுவார்த்தையில் இருக்கிறது, நல்ல கதைகளுக்காக காத்திருக்கிறேன். ”என்று வருங்கால வாய்ப்புகள் பற்றிப் பட்டியலிடுகிறார் பிரஜின்.

சிம்பு பாடிய ‘பீப் சாங்…’ முதல் வருட கொண்டாட்டம்

சிம்பு பாடிய ‘பீப் சாங்…’ முதல் வருட கொண்டாட்டம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

simbu songகடந்த வருடம் சென்னை உள்ளிட்ட தமிழக மாவட்டங்கள் பேய் மழையால் வெள்ளக் காடாக காட்சியளித்தது.

தண்ணீரில் மக்கள் தத்தளித்துக் கொண்டிருக்கும்போதே அதை விட பரபரப்பாக பேசப்பட்ட விஷயம் பீப் சாங்.

சிம்பு எழுதி பாடியதாக கூறப்பட்ட இப்பாடல் பெரும் சர்ச்சைகளை உண்டாக்கியது.

பல மாதர் சங்கங்கள் சிம்பு வீட்டின் முன்பும் போராட்டம் நடத்தினார்கள்.

நீதிமன்றத்திலும் சிம்புவுக்கு எதிராக வழக்குகள் தொடுக்கப்பட்டன.

இந்நிலையில் ஒரு படத்தின் முதல் ஆண்டு விழா கொண்டாடுவதைப் போல ‘பீப் சாங்’ கின் ஒரு வருடத்தை இணையங்களில் கொண்டாடி வருகின்றனர்.

இதை யார் செய்து வருகிறார்களோ? ஆனால் சிம்பு இதை கண்டித்தால் நல்லது. இல்லேன்னா….

ஐய்யோ… அப்போ இதை வருஷ வருஷம் கொண்டாடுவாங்களே…

One year celebration of simbus #BeepSong

சேகர் ரெட்டியின் பணத்தை செலவு செய்ய விஷால் யோசனை

சேகர் ரெட்டியின் பணத்தை செலவு செய்ய விஷால் யோசனை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

sekar-reddy-தமிழகத்தைச் சேர்ந்த சில முக்கிய பிரமுகர்களின் பினாமி என்று கூறப்படுபவர் சேகர் ரெட்டி.

தமிழகத்தின் பெருவாரியான பொதுத்துறை ஒப்பந்தங்கள் இவர் கைவசமே உள்ளது.

இந்நிலையில் இவரிடம் வருமான வரித்துறையினர் சோதனை நடத்தி வருகின்றனர்.

தோண்ட தோண்ட தங்கம் என்பது போல இவரிடம் இருந்து கோடிக்கணக்கான பணமும் தங்கமும் கிடைத்துக் கொண்டே இருக்கிறது.

அதிலும் பல கோடி அளவில் புதிய ரூ.2000 நோட்டுகள் இவரிடம் கட்டு கட்டாக உள்ளதை கண்டு பிடித்து கைப்பற்றியுள்ளனர்.

இந்நிலையில் இதுகுறித்து விஷால தன் ட்விட்டர் பக்கத்தில் தெரிவித்துள்ளதாவது..

சேகர் ரெட்டி வீட்டில் கைப்பற்றப்பட்ட பணத்தை மாற்றுத் திறனாளிகளுக்கு கழிப்பறைகள் கட்ட பயன்படுத்தலாம், தொழுநோய் மற்றும் புற்றுநோயாளிகளின் சிகிச்சைக்கு கொடுக்கலாம்.

அனாதை குழந்தைகளுக்கு வருடம் முழுவதும் உணவு அளிக்கலாம்.

விவசாய கடன் மற்றும் கல்வி கடனை தள்ளுபடி செய்யலாம்’ என பல்வேறு திட்டங்கள் பற்றி தெரிவித்துள்ளார்.

Actor Vishal ideas to spend Sekar reddy’s IT raid cash

Vishal ‏@VishalKOfficial

I wish the money caught in #sekarreddy s house is donated to build toilets 4 physically challengd ppl,donate to cancer n leprosy patients, unlimitd food supply Fr animals in blue cross,food for all orphanage n old age homes 4 a yr,clear all farmer loans n edu loans.pissd

ரஜினி பிறந்தநாளில் அஜித்தை சந்திக்கும் காஜல் அகர்வால்

ரஜினி பிறந்தநாளில் அஜித்தை சந்திக்கும் காஜல் அகர்வால்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ajith kajal agarwalஓரிரு தினங்களுக்கு முன், சென்னை வந்த அஜித் மீண்டும் பல்கேரியா நாட்டில் நடைபெறும் தல57 சூட்டிங்கில் கலந்து கொள்ள புறப்பட்டார்.

சிவா இப்படத்தை விறுவிறுப்பாக இயக்கி வருகிறார்.

தற்போது அக்ஷராஹாசன் நடித்து வருகிறார்.

இந்நிலையில் படத்தின் நாயகி காஜல் அகர்வாலும் பல்கேரியாவுக்கு புறப்படுகிறார்.

அவர் டிசம்பர் 12ஆம் தேதி அஜித்துடன் சூட்டிங்கில் கலந்து கொள்கிறார்.

அன்றைய தினம் சூப்பர் ஸ்டார் ரஜினியின் பிறந்தநாள் என்பது தங்களுக்கு நினைவிருக்கலாம்.

Kajal Agarwal will be joining #Thala57 shoots in Europe on December 12

‘பைரவா’ படத்தில் விஜய் இப்படித்தான் அறிமுகமாகிறாரா.?

‘பைரவா’ படத்தில் விஜய் இப்படித்தான் அறிமுகமாகிறாரா.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

bairavaa vijayபரதன் இயக்கத்தில் விஜய், கீர்த்தி சுரேஷ் நடித்துள்ள பைரவா படத்திற்கு பெரும் எதிர்பார்ப்பு உருவாகி வருகிறது.

இப்படத்தின் பாடல்கள் வெளியீட்டு தேதியை விரைவில் அறிவிக்க உள்ளதாக படக்குழுவினர் தெரிவித்துள்ளனர்.

இந்நிலையில் பைரவா படத்தில் விஜய் எப்படி அறிமுகமாகுவார்? என்ற தகவல் படக்குழுவினரால் அண்மையில் கசிந்துள்ளது.

பைரவா டீசரில் விஜய் சிரித்த முகத்தோடு, காதில் ஹெட்செட் மாட்டிக் கொண்டு திரும்புவது போன்ற ஒரு காட்சியிருக்கும்.

அதுதான் படத்தில் விஜய் அறிமுகம் ஆகும் காட்சியாம்.

More Articles
Follows