‘தளபதி 66’ படத்தில் விஜய்யின் குழந்தைகள் இவர்களா.?

ஏஆர்ஆர் யுவன் ஹாரீஸ் இசையில் பாடிய கே.கே. திடீர் மரணம்.; மோடி ராகுல் இரங்கல்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

1990-களில் இசையமைப்பாளர் ஏ.ஆர்.ரஹ்மானால் அறிமுகப்படுத்தப்பட்டவர் பாடகர் கே.கே.

‘காதல் தேசம்’ படத்தில் இடம்பெற்ற கல்லூரி சாலை… பாடலை பாடி தமிழ் சினிமாவுக்கு அறிமுகமானார்.

பிறப்பால் மலையாளியான கே.கே. பிறந்தது வளர்ந்தது எல்லாம் டெல்லியில்.

1968 ஆம் ஆண்டு ஆகஸ்டு மாதம் பிறந்தார்.

இவர் ஹிப் ஹாப், ராக் பாடல்களை பாடியும் ரசிகர்கள் மத்தியில் பிரபலமானார்.

Singer KK (Krishnakumar Kunnath) biodata

ஏ.ஆர்.ரஹ்மான் இசையிலும் ஹாரீஸ் ஜெயராஜ் இசையிலும் யுவன் சங்கர் ராஜா இசையிலும் பல சூப்பர் ஹிட் பாடல்களை பாடியுள்ளார்.

சிவகாசி, கில்லி, குருவி, தூள், சாமி, ஐயா, ரெட், மின்சார கனவு, ஜி, வசூல் ராஜா எம்பிபிஎஸ் ஆகிய படங்களில் இவரது பாடல்கள் உள்ளன.

காக்க காக்க படத்தில் உயிரின் உயிரே… 7ஜி ரெயின்போ காலனி படத்தில் நினைத்து நினைத்து பார்த்தேன்… மன்மதன் படத்தில் காதல் வளர்த்தேன், காதல் வளர்த்தேன்… உள்ளிட்ட பாடல்களை இவர்தான் பாடினார்.

தமிழ் உள்பட 10 மொழிகளில் பாடியுள்ளார்.

விரைவில் வெளிவரவுள்ள ‘தி லெஜண்ட்’ திரைப்படத்தில் 2 பாடல்கள் பாடியுள்ளார். இப்படத்திற்கு ஹாரீஸ் இசை.

இந்த நிலையில் கொல்கத்தாவில் ஒரு மேடை கச்சேரியில் இந்தி பெங்காலி பாடல்களை பாடிக் கொண்டிருந்தார் கே.கே.

இவருக்கு தீடிரென மாரடைப்பு ஏற்பட்டது.

எனவே சிகிச்சைக்கு மருத்துவமனைக்கு கொண்டுச் செல்லும் வழியில் கே.கே. உயிரிழந்தார்.

கே.கே. மறைவுக்கு பிரதமர் மோடி, மத்திய உள்துறை அமைச்சர் அமித்ஷா, காங்கிரஸ் கட்சி எம்.பி., ராகுல் மற்றும் சினிமா பிரபலங்கள், ரசிகர்கள் என பலரும் இரங்கல் தெரிவித்து வருகின்றனர்.

Singer KK dies at 53 while performing in Kolkata

KGF பாணியில் உருவாகும் விக்ரம் – ரஞ்சித் இணையும் படம்.; கமல் படம் எப்போது.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘காலா’ & ‘சார்பட்டா பரம்பரை’ படத்தைத் தொடர்ந்து இயக்குநர் பா.ரஞ்சித் இயக்கியுள்ள படம் ‘நட்சத்திரம் நகர்கிறது’.

காளிதாஸ், கலையரசன், துஷாரா விஜயன் உள்ளிட்டோர் நடித்துள்ள இந்த படம் ஜூலை / ஆகஸ்ட் மாதம் திரையரங்குகளில் வெளியாகும் என எதிர்ப்பார்க்கலாம்.

இந்த படத்தைத் தொடர்ந்து முன்னணி நடிகரான விக்ரமை வைத்து ‘சீயான் 61’ படத்தை இயக்கவுள்ளார்.

இப்படத்தை ரஞ்சித்தின் நீலம் புரொடக்‌ஷஷன் மற்றும் ஞானவேல் ராஜாவின் ஸ்டுடியோ கிரீன் புரொடக்‌ஷன்ஸ் இணைந்து தயாரிக்கவுள்ளதாக கூறப்படுகிறது. (முன்பு ஞானவேல் மட்டுமே தயாரிப்பதாக இருந்தது)

இந்த படங்களை அடுத்து ‘வேட்டுவம்’ ‘பிர்சா முண்டா’ உள்ளிட்ட படங்களை இயக்கவுள்ளார் ரஞ்சித்

இதன் பின்னர் கமல்ஹாசன் நடிக்கவுள்ள படத்தை இயக்குவார் ரஞ்சித்.

2025-க்குள் இயக்க ஒப்புக் கொண்ட இந்த படங்களை முடித்துவிடுவார் ரஞ்சித் என கூறப்படுகிறது.

இந்த நிலையில் சீயான் 61 படம் கோலார் தங்க வயலை (KGF) மையமாக கொண்டு உருவாக்கப்பட உள்ளதாக கேன்ஸ் திரைப்பட விழாவில் ரஞ்சித் தெரிவித்துள்ளார்.

19-ஆம் நூற்றாண்டில் முதன்முறையாக தங்கத்தை தோண்டி எடுக்கும் சுரங்கத் தொழிலாளர்களை வாழ்க்கை பற்றிய கதைக்களம் இது எனவும் தெரிகிறது.

KGF style movie for Vikram-Ranjith new film; When is the Kamal movie?

குறை சொல்றவங்க சொல்லிட்டே இருப்பாங்க..; அஜித் பெயரில் அவரது மேனேஜர் கருத்து

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர் அஜித்குமாரின் பிஆர்ஓ சுரேஷ் சந்திரா.

அஜித் தொடர்பான செய்திகளையோ அறிக்கைகளையோ இவர்தான் தன் ட்விட்டர் பக்கத்தில் வெளியிடுவார்.

இந்த நிலையில், தற்போது அஜித்தின் பெயரில் சுரேஷ் சந்திரா ஒரு பதிவை வெளியிட்டுள்ளார்.

இந்த பதிவு இணையத்தில் வைரலாகிறது.

அந்த படத்தில்… ஒரு கழுதையுடன் சில மூட்டைகளை தங்கள் கைகளில் சுமந்து ஒரு தம்பதி செல்கின்றனர்.

சிலர் அந்த தம்பதியை கழுதை மேலே ஏற சொல்கின்றனர்.

சிலர் கழுதை பாவம் இறங்கி நடக்க சொல்கின்றனர். அதன் பின்னர் சிலர் அந்த தம்பதியை கழுதை மேலே ஏற சொல்கின்றனர்..

அதாவது ‘நாம் எதை செய்தாலும், அதை விமர்சிப்பவர்கள் இருந்துகொண்டே தான் இருப்பார்கள். அதனால் அவர்களைப் பற்றி கவலைப்படாமல் நம் விருப்பத்துக்கு ஏற்ப வாழவேண்டும்’ என்ற நீதியை உணர்த்துகிறது அந்த புகைப்படம்.

இதற்கு கேப்ஷனாக, ‘இந்த குட்டி கதை, யாருக்கு தேவைப்படுகிறதோ, அவர்களுக்காக.. அன்புடன் அஜித்’ என பதிவிட்டுள்ளார்.

Comment on social media by his manager on Ajith’s name

To whom so ever it may concern!
Unconditional love.
Ajith pic.twitter.com/v6c4cmB4f7

— Suresh Chandra (@SureshChandraa) May 30, 2022

ஜெயலலிதா வேடத்தை தொடர்ந்து இந்திரா காந்தி வேடமேற்கும் கங்கனா.; எல்லாம் இவரே.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விஜய் இயக்கிய ‘தலைவி’ படத்தில் மறைந்த தமிழக முன்னாள் முதல்வர் ஜெயலலிதாவாக நடித்திருந்தார் பாலிவுட் நடிகை கங்கனா ரனாவத்.

இந்த படத்தின் மூலம் தென்னிந்திய ரசிகர்களின் கவனத்தையும் ஈர்த்தார்.

இவர் நடித்து அண்மையில் வெளியான ‘தாகத்’ படம் கடந்த மே 20-ம் தேதி திரையரங்குகளில் வெளியாகி மோசமான விமர்சனங்களை சந்தித்தார்.

அர்ஜுன் ராம்பால் நடித்த இப்படத்தை ரஜ்னீஷ் கய் இயக்கியிருந்தார்.

இந்த நிலையில் மறைந்த முன்னாள் பாரத பிரதமர் இந்திரா காந்தியாக நடிக்கவிருக்கிறாராம் நடிகை கங்கனா.

‘எமர்ஜென்சி’ என்று பெயலிடப்பட்ட இந்த படத்தை கங்கனாவே தயாரித்து இயக்க இருப்பதாக கூறப்படுகிறது.

ஆனால் இது இந்திரா காந்தியின் ‘பயோபிக்’ படமாக இல்லாமல் இந்திரா காலத்தில் இந்தியா முழுவதும் அமல்படுத்தப்பட்ட எமர்ஜென்சியை மையப்படுத்தி எடுக்கப்பட உள்ளதாம்.

Kangana Ranaut to play Indira Gandhi following Jayalalithaa

புல்லட் வேகத்தில் சீறி வரும் லிங்குசாமியின் ‘தி வாரியர்’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

லிங்குசாமி இயக்கத்தில் ராம் பொத்தினேனி நடிப்பில் உருவாகி வந்த ‘தி வாரியர்’ படத்தின் படப்பிடிப்பு முடிவடைந்தது.

இப்படத்தில் சிம்பு குரலில் இடம்பெற்றுள்ள “புல்லட்” என்ற பாடல் சமீபத்தில் வெளியாகி யூடியூபில் மிகப்பெரிய சாதனை படைத்த நிலையில், படத்தின் டீஸரும் மிகப்பெரிய வரவேற்பை பெற்றதை தொடர்ந்து படத்தின் மீது மிகப்பெரிய எதிர்ப்பார்ப்பு ஏற்பட்டுள்ளது.

லிங்குசாமி – தேவிஸ்ரீ பிரசாத் கூட்டணியில் இணைந்த சிம்பு

இந்நிலையில் தற்போது இப்படத்தின் படப்பிடிப்பு முழுவதுமாக நிறைவடைந்துள்ளதாக தயாரிப்பாளர்கள் அறிவித்துள்ளனர்.

இந்த இறுதிக் கட்ட படப்பிடிப்பில், இயக்குநர் என்.லிங்குசாமி நடிகர் ராம் பொதினேனி திரையில் அறிமுகமாகும் மாஸ் காட்சி ஒன்றை படம்பிடித்துள்ளார்.

ஜூலை 14 ஆம் தேதி திரையரங்குகளில் ’தி வாரியர்’ படத்தை பார்க்கக் காத்திருக்கும் பார்வையாளர்களுக்கு, இந்த பேக் டு பேக் அப்டேட்கள் பெரும் விருந்தாக அமைந்துள்ளது.

இந்த படத்தின் வெளியீட்டிற்கு முன்னதாக பல விளம்பர நிகழ்வுகளை நடத்தவும் படக்குழு திட்டமிட்டுள்ளது.

ஆதி பினிசெட்டி இதுவரை திரையில் கண்டிராத வகையில் வலுவான வில்லன் வேடத்தில் நடித்துள்ளார்.

இயக்குநர் லிங்குசாமி தனது அசத்தலான மாஸ், கமர்ஷியல் படங்களுக்காக பெயர் பெற்றவர் என்பது குறிப்பிடத்தக்கது.

லிங்குசாமி-யின் ‘தி வாரியர்’ படத்தில் இணைந்தது ஆதித்யா மியூசிக்

மேலும் ராம் மற்றும் ஆதி இருவரும் சிறந்த நடிப்பை வழங்குவதில் வல்லவர்கள்.

இப்படத்தில் கீர்த்தி ஷெட்டி கதாநாயகியாக நடிக்க உடன் ஒரு பெரிய நட்சத்திர பட்டாளமே உள்ளது.

ஸ்ரீனிவாசா சில்வர் ஸ்க்ரீன் சார்பில் ஸ்ரீனிவாசா சிட்தூரி தயாரிக்க, பவன்குமார் வழங்கும் ‘தி வாரியர்’ வரும் ஜூலை 14 ஆம் தேதி திரையரங்குகளில் வெளியாக உள்ளது.

Lingusamy’s ‘The Warrior’ rages at bullet speed