தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
டிராபிக் ராமசாமி… இவர் பெயரைக் கேட்டாலே தமிழக காவல்துறை சும்மா அதிரும்ல என்றே சொல்லலாம்.
மக்களுக்கு தொந்தரவாக உள்ள நடைபாதை பேனர்கள் மற்றும் இதர விஷயங்களில் ஆர்வம் காட்டி கோர்ட்டில் வழக்கு தொடர்வதை வாடிக்கையாக கொண்டு இருக்கிறார்.
சமூக ஆர்வலரான இவரது பெயரில் ஒரு படம் உருவாக அந்த கேரக்டரில் விஜய் தந்தை டைரக்டர் எஸ்ஏ. சந்திரசேகர் நடித்து வருகிறார்.
விஜய் விக்ரம் என்பவர் இயக்கும் இப்படத்தில் முக்கிய வேடத்தில் அம்பிகா நடிக்கிறார். அதுபற்றி அவர் கூறியதாவது…
“நான் கடந்த முப்பது ஆண்டுகளாகத் தமிழ், தெலுங்கு, கன்னடம், மலையாளம் ஆகிய மொழிகளில் 250க்கும் மேற்பட்ட படங்களில் நடித்து இருக்கிறேன்.
பல்வேறு பட்ட மொழிகளில் எவ்வளவோ பாத்திரங்களில் நடித்திருக்கிறேன். ஆனால், செண்டிமெண்டோடு கலந்த நகைச்சுவையான ஒரு கதாபாத்திரத்தில் நடிக்க வேண்டுமென்பது என் நீண்ட நாள் ஆசையாக, கனவாக இருந்து கொண்டிருந்தது .
‘டிராபிக்ராமசாமி’ என்கிற படத்தின் மூலம் அந்தக்கனவு நிறைவேறி இருக்கிறது.
‘நான் சிகப்பு மனிதன்’என்ற படத்தில் ஒரு வக்கீல் வேடத்தில் நடித்தேன். அதை எஸ் .ஏ.சந்திரசேகர் இயக்கி இருந்தார். சுமார் முப்பது ஆண்டுகள் கழித்து அவர் நடிக்கும் ‘டிராபிக் ராமசாமி’ என்கிற படத்தில் பதவி உயர்வு பெற்று நீதிபதியாக நடிக்கிறேன்.
அது கதையோடு கலந்த நகைச்சுவை பாத்திரம். எனக்கு இது மிகவும் புதுமையான பாத்திரமாக மாறுபட்ட நடிப்பு அனுபவமாக இருந்தது. ஒரு வகையில் என் நீண்ட நாள் கனவு நிறைவேறிய திருப்தி வந்துள்ளது.” இவ்வாறு அம்பிகா கூறியிருக்கிறார்.
Ambikas 30 years of dream fulfilled by Traffic Ramasamy