தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
இப்படம் நாளை (ஆகஸ்ட் 24-ஆம் தேதி) உலகமெங்கும் கிட்டதட்ட 2900க்கும் மேற்பட்ட தியேட்டர்களில் ரிலீஸ் ஆகிறது.
தமிழ்நாட்டில் மட்டும் சுமார் 850க்கும் தியேட்டர்களில் வெளியாகவுள்ளதால் கடந்த இரண்டு தினங்களாக ரிசர்வேசன் களை கட்டத் தொடங்கியுள்ளது.
முன்பதிவு தொடங்கிய சில மணி நேரங்களிலேயே டிக்கெட்கள் விற்று தீர்ந்துவிட்டதாக சொல்லப்படுகிறது.
இதில் சென்னையில் உள்ள பெரும்பாலான தியேட்டர்களில் முதல்நாள் முதல் காட்சிக்கு டிக்கெட் விலைகள் ரூ. 500, 600, 800, 900 என விற்கப்பட்டு வருகிறது.
அண்மையில் அமலான ஜிஎஸ்டி வரியுடன் சேர்த்தால் ரூ. 153.60 மட்டுமே டிக்கெட் கட்டணமாக இருக்கவேண்டும்.
ஆனால் அதைவிட 4-5 மடங்கு அதிகமாக டிக்கெட் விற்கப்பட்டு வருவது குறிப்பிடத்தக்கது.
இப்படத்தின் தமிழக உரிமை மட்டும் ரூ. 55 கோடிக்கு விற்கப்பட்டுள்ளது.
எனவே, மிகப்பெரிய தொகையைக் கொடுத்து படத்தை வாங்கியிருப்பதால் அரசு நிர்ணயித்த கட்டணத்தை மட்டுமே வசூலிக்க முடியவில்லை என சில உரிமையாளர்கள் கூறிவருவதும் இங்கே கவனிக்கத்தக்கது.
அண்மையில் சில தினங்களுக்கு முன், அஜித் சார்பாக அவரது சட்ட ஆலோசகர் ஓர் அறிக்கை வெளியிட்டு இருந்தார்.
அதில்… நாட்டின் சட்டதிட்டங்களுக்கு கட்டுப்பட்டு நடப்பவர் அஜித் என தெரிவித்து இருந்தார்.
மேலும் அவர் பெயரில் நடைபெறும் சம்பவங்களுக்கு அவர் பொறுப்பு இல்லை எனவும், யாரேனும் பாதிக்கப்பட்டு இருந்தாலும் வருத்தம் தெரிவிப்பதாக தெரிவித்து இருந்தார்.
ஆனால் இது அஜித் படத்துக்கான வியாபாரம். அதை அப்படி கண்டுக் கொள்ளாமல் விட்டுவிட முடியுமா..?
சட்ட ஆலோசகரின் கவனத்திற்கு… இதுபோன்ற நடைபெறும் பகல் கொள்ளையை கவனத்தில் எடுத்து தக்க நடவடிக்கையை எடுத்தால் நன்றாக இருக்கும் என்பதே ரசிகர்களே எதிர்பார்ப்பாகும்.
Ajiths Vivegam release and Ticket rates reaches Rs 900
