மதுரை மக்களை மலைக்க வைத்த ‘மங்காத்தா’ போஸ்டர்

தனுஷ் தயாரிக்கும் படத்தில் ரஜினிக்கு ஜோடி அமலாபால்?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கபாலி படத்தை தொடர்ந்து எவரும் எதிர்பாராத வகையில் மீண்டும் ரஜினி-ரஞ்சித் கூட்டணி இணைந்துள்ளது.

இப்படத்தை தன் வுண்டர்பார் பிலிம்ஸ் நிறுவனம் சார்பாக தனுஷ் தயாரிக்கவுள்ளார்.

இது கபாலியின் தொடர்ச்சியும் அல்ல. முன் கதையும் அல்ல என்று உறுதியாகிவிட்டது.

இக்கதை முற்றிலும் புதியது எனவும் ரஞ்சித் தெரிவித்து விட்டார்.

இந்நிலையில் ரஜினி ஜோடி யார்? என கேள்விகள் கோலிவுட்டில் வலம் வர ஆரம்பித்துவிட்டன.

இதில் நாயகியாக அமலாபால் நடிக்க வாய்ப்புள்ளதாக சொல்லப்படுகிறது.

தனுஷின் வுண்டர்பார் தயாரித்த விஜபி, அம்மா கணக்கு மற்றும் தற்போது தயாராகி வரும் வட சென்னை படங்களில் அமலா பால் தவறாமல் இடம் பெறுகிறார்.

எனவே இதிலும் அவருக்கு வாய்ப்பு வழங்கப்படலாம் என கோலிவுட்டில் கிசுகிசுக்கப்படுகிறது.

அட.. கொஞ்சம் வெயிட் பன்னுங்க சார்.. எதுவாக இருந்தாலும் தனுஷ் ட்விட்டரில் அறிவிக்கும் வரை

கமல் மலையாளியா? முதல்வருக்கு எழுதிய லெட்டரால் வந்த குழப்பம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஃபிரான்ஸ் நாட்டு அரசின் ‘செவாலியே’ விருதுக்கு கமல்ஹாசன் தேர்ந்தெடுக்கப்பட்டுள்ளார் என்பதை நாம் செய்திகளில் படித்தோம்.

இதற்காக ரஜினிகாந்த் உள்ளிட்ட பலரும் கமலுக்கு வாழ்த்துக்களை தெரிவித்தனர்.

ஆனால் தமிழக அரசு சார்பாக எந்தவித வாழ்த்தும் வரவில்லை.

இந்நிலையில், கேரள முதல்வர் பினராயி விஜயன் கமலை வாழ்த்தி கடிதம் அனுப்பியுள்ளார்.

அதில்… ‘‘உங்களுக்குத் தகுதியான விருது செவாலியர். இந்திய சினிமாவை உலகத் தரத்துக்குக் கொண்டு போனதற்குச் சாட்சியாக உங்களைத் தவிர சரியான ஆள் வேறு ஒருவரில்லை என்று தெரிகிறது’’ என்று குறிப்பிட்டுள்ளார்.

இதற்கு பதிலளித்து கமல் எழுதிய கடிதத்தில் கூறியுள்ளதாவது…

‘‘உங்களின் அன்பான வார்த்தைகளுக்கு என் சிரம் தாழ்ந்த நன்றி!

‘வேற்று மாநில முதல்வர், தமிழக நடிகரை பாராட்டுவது எவ்வளவு அழகு’ என்பதாகச் சிலர் சொல்கிறார்கள் என்று கேள்விப்படுகிறேன்.

இதில் எனக்கு மாற்றுக் கருத்து உள்ளது என்பதை சொல்லிக் கொள்கிறேன்.

திரு.பினராயி விஜயன், வேற்று மாநில முதல்வர் அல்ல; அவர் என் மாநிலத்தைச் சேர்ந்த முதல்வர்.

நீங்கள் மலையாள சினிமா பார்க்கும் எந்த ஒரு மலையாளியையும் கேட்டுப் பாருங்கள் – கமல் எந்த மாநிலத்தைச் சேர்ந்தவன் என்று தெரியும்’’ என்று எழுதியுள்ளார்.

தற்போது கமலின் இக்கடிதம் சர்ச்சைக்குள்ளாகியுள்ளது.

ரஜினிக்கு தெலுங்கு-கன்னடம்; விஜய்சேதுபதிக்கு இந்தி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சீனுராமசாமி இயக்கத்தில் விஜய்சேதுபதி, தமன்னா, ஐஸ்வர்யா ராஜேஷ் உள்ளிட்டோர் நடித்த ‘தர்மதுரை’ அண்மையில் வெளியானது.

யுவன் இசையமைத்திருந்த இப்படத்தை பிரபல வில்லன் நடிகன் ஆர்.கே. சுரேஷ் தயாரித்திருந்தார்.

இப்படத்தை பார்த்த கோலிவுட் பிரபலங்கள், அரசியல்வாதிகள் பலரும் பாராட்டி வருகின்றனர்.

மேலும் பிரபல இயக்குனர் கே.வி.ஆனந்த்தும் தனது பாராட்டுக்களை சமூக வலைத்தளத்தில் தெரிவித்துள்ளார்.

இந்நிலையில் இப்படத்தின் இந்தி ரீமேக்கை சீனுராமசாமியே இயக்க உள்ளதாக கூறப்படுகிறது.

கடந்த 1991ஆம் ஆண்டு ராஜசேகர் இயக்கத்தில் ரஜினி நடித்த தர்மதுரை வெளியாகி மாபெரும் வெற்றி பெற்றது.

இப்படம் கன்னடம் மற்றும் தெலுங்கில் ரீமேக் செய்யப்பட்டது குறிப்பிடத்தக்கது.

இதுவரை ஏற்காத வேடத்தில் விஜய் – ரசிகர்கள் ஹாப்பி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

என்னதான் ஆயிரம் வேலை இருந்தாலும், நம்மள பெத்தவங்க நம்மள ஒரு போலீஸாகவோ, டாக்டராகவோ, வக்கீலாவோ, கலெக்டராகாவோ பார்க்க ஆசைப்படுவாங்க.

இதெல்லாம் நடக்கிற காரியமா? பாஸ்.. அப்படின்னு நாம சினிமா பாக்க கிளம்பிடுவோம்.

ஆனா அதுல நம்ம ஹீரோ இதுல ஏதாச்சும் ஒரு கேரக்டரா வந்து சும்மா பறந்து பறந்து விசிலடிப்போம்.

இதுபோல நம்ம விஜய், நிறைய கேரக்டர் பண்ணிட்டாரு. மதுர படத்துல கலெக்டர், தெறி படத்துல போலீஸ், தமிழன் படத்துல வக்கீல் அப்படின்னு எல்லாம் பண்ணிட்டாரு.

ஆனால் இதுவரைக்கும் அவரு டாக்டராக நடிக்கல. இப்போ அந்த குறையையும் தன் ரசிகர்களுக்கு தீர்த்து வைக்கப் போறாராம்.

பரதன் இயக்கி வரும் ‘விஜய் 60’ படத்துல கீர்த்தி சுரேஷும் மருத்துவ கல்லுரி மாணவியாக நடிக்கிறார்.

இதுல விஜய்யும் ஒரு டாக்டராக நடிக்கிறாராம்.

ரஜினி-தனுஷ் கூட்டணியில் இணைந்தது பற்றி ரஞ்சித் கருத்து

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இந்திய திரையுலகமே எதிர்பாராத வண்ணம் நேற்று நள்ளிரவு பெரும் இன்ப அதிர்ச்சி ரசிகர்களுக்கு வந்தது.

கபாலியை தொடர்ந்து, மீண்டும் ரஜினி படத்தை ரஞ்சித் இயக்குகிறார்.

இப்படத்தை தனுஷ் தன் வுண்டர்பார் பேனரில் தயாரிக்கிறார் என்ற தகவல்கள் காட்டுத் தீயாய் பரவியது.

இதுகுறித்து ரஞ்சித் சமீபத்திய பேட்டியில் கூறியதாவது…

“ரஜினி சாரிடம் ஒன்லைன் கதை சொன்னேன். அவருக்கு அது மகிழ்ச்சியை கொடுத்தது.

இது வேறு ஒரு ஜேனர் கதை. நிச்சயமாக இது கபாலி 2 இல்லை. விரைவில் எல்லாம் தகவல்களும் வரும்” என்றார்.