தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஷாஜி கைலாஷ் இயக்கத்தில், பிரபாகர் வசனம் எழுத, ஆர்கே, நீது சந்திரா, இனியா, கோமல் ஷர்மா, சுஜா வாருணி, ஆர் கே செல்வமணி, எம் எஸ் பாஸ்கர், ரமேஷ் கண்ணா ஆகியோர் நடித்திருக்கும் ‘வைகை எக்ஸ்பிரஸ்’ அடுத்த மாதம் திரைக்கு வரவிருக்கிறது.
கிட்டத்தட்ட இருநூறு திரையரங்குகளில் மிகப் பிரம்மாண்டமாக வெளியாகிறது வைகை எக்ஸ்பிரஸ்.
அப்படம் வெளியாகும் முன்னமே தனது தயாரிப்பில் அடுத்த படத்தை தொடங்குகிறார் ஆர்கே.
மக்கள் பாசறை வழங்கும் அடுத்த படத்தை ஆர் கே நடிக்க ‘தண்ணில கண்டம்’ படத்தின் இயக்குனர் எஸ் என் சக்திவேல் இயக்குகிறார்.
எல்லாம் அவன் செயல், அழகர் மலை ஆகிய படங்களில் ஆர் கே-வடிவேலு காம்பினேஷன் கலக்கியெடுத்தது.
அதிலும் வடிவேலு ஏற்ற வண்டு முருகன் கேரக்டர் படுபிரபலம். அதனை யாரும் எளிதில் மறக்க முடியாது.
தற்போது இந்த கூட்டணி மீண்டும் “நீயும் நானும் நடுவுல பேயும்” படத்துக்காக இணைகிறது.
வடிவேலு முழுக்க முழுக்க காமெடியில் கலக்கி எடுக்கவிருக்கிறாராம்.
கதாநாயகியாக நடிக்க பேச்சு வார்த்தை நடைபெற்று வருகிறது.
ராஜரத்தினம் ஒளிப்பதிவு செய்ய, சென்னை, கேரளா, மற்றும் வெளிநாடுகளில் படப்பிடிப்பு நடைபெற உள்ளது.