தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நடிகர் ரஜினிகாந்த் பற்றிய செய்திகள் என்றால் மீடியாக்களுக்கு அல்வா சாப்பிடுவது மாதிரிதான்.
அதுவும் அவர் அரசியலுக்கு வருகிறார் என்ற அறிவித்தவுடன் அவரின் கருத்துக்கள்பற்றிய விவாதங்களை வாரத்திற்கு 2 முறையாவது அரங்கேற்றி வருகின்றனர்.
ஆன்மிக அரசியலே தன் பாதை என்ற அறிவித்திருந்தார்.
அண்மையில் ஒரு நிகழ்ச்சியில் எம்ஜிஆர் போன்ற நல்லாட்சியை கொடுப்பேன் என்றார்.
இதனிடையில் இயக்குனர் கரு. பழனியப்பன் ஒரு பேட்டியில் ரஜினியை கடுமையாக விமர்சித்திருந்தார்.
அதற்கு பல்வேறு ரஜினி ரசிகர்கள் தங்கள் பதிலடிகளை பதிவிட்டு வந்த வண்ணம் உள்ளனர்.
இந்நிலையில் கடந்த இரண்டு வாரங்களாக அவர் தன் ஆன்மிக பயணத்திற்காக இமயமலை சென்றிருந்தார்.
இன்று சற்றுமுன் அவர் சென்னை திரும்பினார். அவர் வருகை அறிந்த செய்தியாளர்கள் அவர் வீட்டின் முன்பு கூடியிருந்தனர்.
அப்போது நிருபர்கள் கேட்ட பல்வேறு கேள்விகளுக்கு ரஜினிகாந்த் பதிலளித்தார்.
அவற்றை இங்கே தொகுத்துள்ளோம்..
- ஆன்மிக பயணம் சென்று வந்த பிறகு மனது புத்துணர்ச்சியுடன் இருக்கிறது.
- புதுக்கோட்டை ஆலங்குடியில் பெரியார் சிலை உடைக்கப்பட்டது காட்டுமிராண்டித்தனமானது
- ரத யாத்திரை என்பது மத கலவரத்திற்கு இடம் கொடுக்காமல் பார்த்துக்கொள்ள வேண்டும். மத கலவரம் எந்த வடிவில் வந்தாலும் அதனை அரசு தடுக்கும் என்ற நம்பிக்கை உள்ளது
- சினிமாத்துறையில் வேலைநிறுத்தம் செய்யக்கூடாது என்பதை நான் எப்போதுமே சொல்வேன்.
- ஏப்ரல் 14ம் தேதி கட்சிக் கொடி அறிமுகப்படுத்தப் போவதாக வரும் செய்தியில் உண்மையில்லை.
- என் பின்னால் பாஜக இல்லை. என் பின்னால் கடவுளும் மக்களும் தான் உள்ளனர். இதனை பலமுறை சொல்லிவிட்டேன்.
- மீதமுள்ள 16 மாவட்ட நிர்வாகிகள் தேர்வுக்கு பிறகு அடுத்தக்கட்ட நடவடிக்கை எடுக்கப்படும்.
- காவிரி மேலாண்மை வாரியம் அமைக்க வேண்டும். மத்திய அரசுக்கு தமிழக அரசு அழுத்தம் தர வேண்டும்.
- பல விஷயங்களில் பதிலளிக்காமல் ரஜினி நழுவுகிறாரோ என்ற கமல் பேசிய பேச்சுக்கு ரஜினி பதிலளிக்க மறுத்துவிட்டார்.
After Spiritual tour Rajini met Media and answered for questions