JUST IN நடிகர் பாண்டு திடீர் மரணம்..; அதிமுக கொடி & தமிழ்நாடு டூரிஸம் லோகோ டிசைன் செய்தவர் இவரே.!

‘சின்னத் தம்பி’, ‘திருமதி பழனிசாமி’, ‘உள்ளத்தை அள்ளித்தா’, ‘காதல் கோட்டை’ உள்ளிட்ட பல படங்களில் நடித்த பிரபல நகைச்சுவை-குணச்சித்திர நடிகர் பாண்டு இன்று அதிகாலை காலமானர். அவருக்கு வயது 74.

கொவிட் பாதிப்பின் காரணமாக பாண்டு மற்றும் அவரது மனைவி குமுதா சென்னையில் உள்ள தனியார் மருத்துவமனை ஒன்றில் சிகிச்சை பெற்று வந்த நிலையில், இன்று அதிகாலை பாண்டுவின் உயிர் பிரிந்தது.

அவரது மனைவி தீவிர சிகிச்சை பிரிவில் மருத்துவர்களின் கண்காணிப்பில் உள்ளார்.

பாண்டு-குமுதா தம்பதியினருக்கு பிரபு, பஞ்சு மற்றும் பின்டு ஆகிய மூன்று மகன்கள் உள்ளனர்.

பாண்டுவின் பயணம் ஒரு பார்வை..

இடிச்சபுளி செல்வராஜ் இவரின் அண்ணன்.

இவர் ‘கரையெல்லாம் செண்பகப் பூ’ படத்தின் மூலம் திரையுலகில் அறிமுகமானார்.

சென்னை ஓவியக் கல்லூரியின் முன்னாள் மாணவர். இவர் நல்ல ஓவியரும்கூட. பிசினஸ்மேன், நடிகர், நகைச்சுவைப் பேச்சாளர் என பன்முகம் கொண்டவர்.

கேப்பிடல் லெட்டர்ஸ் எனும் நிறுவனத்தை வெற்றிகரமாக நடத்தி வந்த பாண்டு, பல்வேறு திரையுலக பிரபலங்களின் இல்லங்கள் மற்றும் நிறுவனங்களின் பெயர் பலகைகளை அழகுற வடிவமைத்து வந்தார்.

அனைத்திந்திய அண்ணா திராவிட முன்னேற்றக் கழகத்தின் கொடி மற்றும் இரட்டை இலை சின்னம் ஆகியவற்றை வடிவமைத்ததும் பாண்டு தான் என்பது குறிப்பிடத்தக்கது. இதை பார்த்த எம்ஜிஆர் அவரை கட்டிபிடித்து பாராட்டி இருக்கிறார்.

இவர் மிகப்பெரிய ஆர்ட்டிஸ்ட் என்பது பலர் அறிந்திராத விசயம். தமிழ்நாடு டூரிஸம் டிபார்ட்மெண்ட் லோகோவும் இவரின் கைவண்ணமே.

மெட்டல்ல லெட்டரிங் போர்டு வைக்கிறதை முதன்முதலா சென்னையில அறிமுகம் செய்தவரும் இவரே.

ADMK flag designer Cum Actor Pandu passes away

Overall Rating : Not available

Latest Post