தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
ஆனால் சமீபகாலமாக திமுக மேடைகளில் தலைகாட்டி வருகிறார்.
அக்கட்சியின் செயல் தலைவர் ஸ்டாலினால் பங்கேற்க முடியாத சில நிகழ்ச்சிகள் உதயநிதி ஸ்டாலின் தலைமையில் நடைபெறத் துவங்கியுள்ளதும் இங்கே கவனிக்கத்தக்கது.
இந்நிலையில் தமிழக சட்டப்பேரவையில் நடைபெற்று வரும் மானியக்கோரிக்கை மீதான விவாதத்தில் திமுக எம்எல்ஏ-வும், உதயநிதியின் நண்பருமான அன்பில் மகேஷ் இன்று பேசவிருந்தார்.
இதைக் காண்பதற்காக உதயநிதி ஸ்டாலின் சட்டப் பேரவைக்கு வந்தார். பின்னர், அவர் பார்வையாளர்கள் மத்தியில் அவர் அமர்ந்தார்.
இதையடுத்து பேரவையில் மானியக்கோரிக்கை மீதான விவாதத்தை தொடங்கி வைத்து பேசிய அன்பில் மகேஷ், எதிர்வரிசையில் அமர்ந்திருக்கும் அமைச்சர்களில் எனக்கு மிகவும் பிடித்தது பாலகிருஷ்ணா ரெட்டியும், பாஸ்கரனும் தான் என்று கூறினார்.
அவர்களில் ஒருவர் சிரித்துக் கொண்டே இருப்பார், ஒருவர் மிக அமைதியாக இருப்பார். இதே நிலையை அனைவரும் பின்பற்ற வேண்டும் எனக் கூறினார்.
இதற்கு பதிலளித்த தமிழக துணை முதல்வர் ஓ.பி.எஸ் அவர்கள் பாரம்பரிய அரசியல் குடும்பத்திலிருந்து சட்டப்பேரவை உறுப்பினராக வந்திருக்கும் மகேஷ் வருவதும் தெரியாமல், போவதும் தெரியாமல் அமைதியாக வந்து செல்கிறார்.
அதுபோல, அனைத்து எதிர்க்கட்சி உறுப்பினர்களும் அதிகம் பேசாமல் வந்து செல்ல வேண்டும் எனக் கூறினார்.
இதுபோன்ற நிகழ்வுகளை கண்டு சுமார் ஒன்றரை மணி நேரத்திற்கு பின்னர் உதயநிதி ஸ்டாலின் சட்டப்பேரவையிலிருந்து புறப்பட்டுச் சென்றார்.
Actor Udhayanidhi stalin visits legislative assembly today
