தமிழ் சினிமா அப்டேட்ஸ் களை உடனுக்குடன் தெரிந்து கொள்ள
தமிழில் டி.ராஜேந்தரின் ‘ஒரு தலை ராகம்’படத்தில் தம்பு என்ற கேரக்டரில் நடித்தவர் நடிகர் கைலாஷ் நாத்.
மலையாள நடிகரான கைலாஷ் நாத், கேரள மாநிலம் மன்னார் பகுதியைச் சேர்ந்தவர்.
மிமிக்ரி கலைஞராகவும், நாடக நடிகராகவும் இருந்து இவர், 1977-ம் ஆண்டு மலையாளத்தில் வெளியான, ‘சங்கம்’ என்ற படம் மூலம் சினிமாவில் அறிமுகமானார்.
இதை தொடர்ந்து மலையாளத்தில் ‘ஏதோ ஒரு ஸ்வப்னம்’, ‘சேதுராமய்யர் சிபிஐ’, ‘சீதா கல்யாணம்’, ‘யுகபுருஷன்’ உட்பட 163 படங்களில் நடித்துள்ளார்.
மேலும், ‘பாலைவனச்சோலை’, ‘வள்ளி’ உள்பட 90 தமிழ் படங்களில் நடித்துள்ளார்.
சின்னத்திரை தொடர்களிலும் நடித்து வந்தார்.
கடந்த சில மாதங்களாக, கல்லீரல் அழற்சிக்காக கொச்சியில் உள்ள தனியார் மருத்துவமனையில் சிகிச்சைப் பெற்றுவந்தார்.
இந்நிலையில், டாக்டர்கள் தீவிர சிகிச்சை அளித்தும் சிகிச்சைப் பலனின்றி நேற்று முன் தினம் காலமானார். அவருக்கு வயது 65.
அவரின் மறைவுக்கு திரைத்துறையினர் பலரும் தங்கள் இரங்கல் தெரிவித்துள்ளனர்.
Actor kailash nath passes away