பலருக்கும் பசியாற்ற உதவியாக கஞ்சா கருப்பு பரிசளித்த ஆட்டோ

ரசிகர்கள் சந்திப்பு நிகழ்ச்சியில் மொபைல் ஆப் வெளியிட ரஜினி திட்டம்..?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சூப்பர்ஸ்டார் ரஜினிகாந்த், இன்று தன் பிறந்தநாளை கொண்டாடி வருகிறார்.

இன்று தன் ரசிகர்களை சந்திப்பார் என பலரும் எதிர்பார்த்தனர். ஆனால் அவர் இன்று சென்னையில் இல்லை என்பது குறிப்பிடத்தக்கது.

ஆனால் விரைவில் அவர் ரசிகர்களை சந்திக்கவுள்ளார். அப்போது கடந்த முறை போல ரசிகர்களுடன் போட்டோ எடுத்துக் கொள்வார் என கூறப்படுகிறது.

அச்சமயம் தன்னையும் பொதுமக்களையும் நேரடியாக இணைக்கும் ஒரு செயலி ஒன்றை அறிமுகப்படுத்த உள்ளாராம்.

அந்த மொபைல் ஆப் மூலம் ரசிகர்கள் மற்றும் பொதுமக்களிடம் அவர் நேரிடை தொடர்பில் இருப்பார் என கூறப்படுகிறது.

மேலும் இது ரஜினிகாந்தின் அரசியல் பிரவேசத்துக்கான ஆரம்பப் பணி என தகவல்கள் வந்துள்ளன.

பாதியில் நின்ற சூட்டிங்கை ரஜினி பிறந்தநாளில் தொடங்கினார் தனுஷ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சிம்பு நடித்த அச்சம் என்பது மடமையடா படத்தை இயக்கினார் கௌதம்மேனன்.

இப்படம் முடிவதற்குள் தனுஷை வைத்து ‘எனை நோக்கி பாயும் தோட்டா’ படத்தை இயக்க ஆரம்பித்தார்.

இதில் தனுஷ் ஜோடியாக மேகா ஆகாஷ் நடித்து வருகிறார்.

இப்படம் முடிவதற்குள் சில பிரச்சினைகள் எழ, விக்ரம் நடிக்க துருவ நட்சத்திரம் என்ற படத்தை இயக்க ஆரம்பித்துவிட்டார்.

அதற்குள் தனுஷ், வடசென்னை படத்திற்காக தாடி வளர்க்க சென்றுவிட்டார்.

இதனால் எனை நோக்கி பாயும் தோட்டா படத்திற்காக மீசையில்லாத தனுஷ் வேண்டும் என காத்திருந்தார் கௌதம்.

இப்போது தனுஷ் பக்கா ஷேவிங் செய்துவிட்டு சக்க போடு போடு ராஜா பட இசை விழாவில் சிம்பு உடன் கலந்துக் கொண்டார்.

இனி இந்த சான்ஸை மிஸ் செய்யக்கூடாது என மீண்டும் விக்ரமை டீலில் விட்டுவிட்டு தனுஷை இயக்க வந்துவிட்டார் கௌதம்மேனன்.

இந்நிலையில் இன்று (ரஜினி பிறந்தநாள் 12.12.2017) சென்னை ஓஎம்ஆரில் இன்று இந்த சூட்டிங் தொடங்கியுள்ளது.

இப்படத்திற்கு தர்புகா சிவா இசையமைக்கிறார் என கூறப்படுகிறது.

சூப்பர் ஸ்டார் ரஜினியை வாழ்த்த வந்த ரசிகர்கள் ஏமாற்றம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இந்தியா முழுவதும் ரஜினிக்கு கோடிக்கணக்கான ரசிகர்கள் உள்ளனர். அவர்கள் ரஜினியை பார்க்க நாள் முழுவதும் காத்திருப்பது வழக்கம்.

அதுவும் ரஜினியின் பிறந்தநாள் வந்தால், அன்று தலைவரின் தரிசனம் கிடைப்பது தாங்கள் செய்த பாக்கியம் என்பர்.

இன்று ரஜினி தன் 67வது பிறந்தநாளை கொண்டாடி வருகிறார்.

எனவே, அவரை அவரது போயஸ் கார்டன் இல்லத்தில் சந்திக்க வேண்டும் என திரண்டுள்ளனர்.

இதனால் அங்கு பலத்த போலீஸ் பாதுகாப்பு போடப்பட்டுள்ளது.

ஆனால் ரசிகர்களின் சந்திப்பை தவிர்க்க இன்று ரஜினிகாந்த் பெங்களுர் சென்றுவிட்டதாக கூறப்படுகிறது.

எனவே ரஜினியை சந்திக்கவும் வாழ்த்தவும் முடியாமல் ரசிகர்கள் ஏமாற்றத்துடன் திரும்பினர்.

ரஜினியை அவமதிக்கும் கஜினிகாந்த்; ஆர்யா-ஞானவேல்ராஜாவுக்கு கண்டனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இந்திய சினிமா என்ற எல்லைகளைக் கடந்து உலக சினிமாவின் சூப்பர் ஸ்டாராகத் திகழும் ரஜினிகாந்த் பிறந்த நாள் கொண்டாடும் இந்த நாளில் அவரை அவமதிக்கும் வகையில், கஜினிகாந்த் என்ற

தலைப்பில் போஸ்டர் வெளியிட்டுள்ள தயாரிப்பாளர் ஞானவேல் ராஜாவை வன்மையாகக் கண்டிப்பதாக தயாரிப்பாளர் சங்கத்தின் முன்னாள் செயலாளர் ராதாகிருஷ்ணன் அறிக்கை வெளியிட்டுள்ளார்.

அந்த அறிக்கையில் கூறப்பட்டுள்ளதாவது…

முதலில் இன்று பிறந்த நாள் காணும் தமிழ் சினிமாவின் பெருமை, இந்திய சினிமாவின் உச்சம், உலகளவில் சூப்பர் ஸ்டார் எனக் கொண்டாடப்படும் ரஜினிகாந்துக்கு எங்கள் மனமார்ந்த பிறந்த நாள் வாழ்த்துகளைத்

தெரிவித்துக் கொள்கிறோம்.

அதே நேரம் இத்தனை பெருமைக்கும் புகழுக்கும் சொந்தக்காரரான அந்த மாபெரும் கலைஞரை அவமதிக்கும் விதமாக கஜினிகாந்த் என்ற தலைப்பில் விளம்பரம் வெளியிட்டுள்ள தயாரிப்பாளர் சங்க முன்னாள் நிர்வாகி

ஞானவேல் ராஜாவுக்கு ஒட்டுமொத்த திரைத் துறையின் சார்பில் வன்மையான கண்டனங்களைத் தெரிவித்துக் கொள்கிறோம்.

ரஜினிகாந்த் என்பது வெறும் பெயரல்ல. நான்கு தலைமுறையத் தாண்டிய தமிழ் சினிமாவின் உழைப்பு. அடையாளம். இந்திய சினிமாவை, குறிப்பாக தமிழ் சினிமாவையும் அதன் வர்த்தகத்தையும் உலகளாவிய

நிலைக்குக் கொண்டு சென்ற உச்ச நட்சத்திரம் அவர்.

இன்று பிறந்த நாள் காணும் சூப்பர் ஸ்டார் ரஜினிகாந்தை, இந்திய சினிமா தாண்டி, உலக அளவில் கலைஞர்களும் தலைவர்களும் வாழ்த்தியும் கொண்டாடியும் மகிழும் இந்தத் தருணத்தை அசிங்கப்படுத்தும்

நோக்கில், அவர் பெயரின் முதல் எழுத்தைத் திரித்து ‘கஜினிகாந்த்’ என தான் தயாரிக்கும் ஆபாசப் படத்துக்கு

தலைப்பிட்டுள்ள தயாரிப்பாளர் ஞானவேல்ராஜாவுக்கு கடும் கண்டனங்களைத் தெரிவித்துக் கொள்கிறோம்.

தென்னிந்திய நடிகர் சங்கத்தின் ஆயுள்கால உறுப்பினர் திரு ரஜினிகாந்த். அவரை அவமதிக்கும் இந்தத் தலைப்பை நடிகர் சங்கம் எப்படி மௌனமான அனுமதிக்கிறது? ரஜினி ரசிகன் என்று தன்னைச் சொல்லிக்

கொள்ளும் ஆர்யா இந்தப் படத்தில் நடிப்பது எத்தனை கபடமான செயல்!

சமூக அக்கறையும் இளைய தலைமுறையினரை நெறிப்படுத்துவதில் ஆர்வமும் காட்டும் மூத்த கலைஞர் சிவகுமார் போன்றவர்கள் இதனை எப்படி அனுமதிக்கிறார்கள்? இந்த நடிகர் சங்கத்தின் அறக்கட்டளை

உறுப்பினரான உலகநாயகன் கமல் ஹாஸன் இந்த விஷயத்தில் மௌனம் சாதிப்பது ஏன்?

மேலும் ஹரஹர மகாதேவகி, இருட்டு அறையில் முரட்டுக்குத்து, பல்லு படாம பாத்துக்கணும், பஜனைக்கு வாங்க போன்ற கேவலமான தலைப்புகளை வைத்து மூன்றாம்தர செக்ஸ் படங்களைத் தயாரித்து வரும்

ஞானவேல் ராஜாவை தயாரிப்பாளர் சங்கம் கண்டிக்காமல் அனுமதிப்பது வேதனை அளிக்கிறது.

இனி இதுபோன்ற தலைப்புகளை தமிழ் சினிமாவில் யாருக்கும் அனுமதிக்கக் கூடாது என்றும் கேட்டுக் கொள்கிறோம்.

-இவ்வாறு அந்த அறிக்கையில் தமிழ் திரையுலகினர் அனைவரின் கொந்தளிப்பையும் ஆர் ராதாகிருஷ்ணன் தெரிவித்துள்ளார்.

மீனவர்களுக்கு GPS-Radar-Satellite phone வழங்க ஜிவி.பிரகாஷ் வலியுறுத்தல்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒகி புயலால் கன்னியாகுமரி மாவட்டம் பெருமளவில் பாதிக்கப்பட்டுள்ளது.

புயலுக்கு முன்பு கடலுக்கு மீன் பிடிக்க சென்ற பலரும் இதுவரை கரை திரும்பவில்லை.

ஒரு சில மீனர்வர்கள் சில தீவுகளில் இருந்து மீட்கப்பட்டுள்ளனர். சிலர் கடலில் அடித்து செல்லப்பட்டு சடங்களாக மீட்கப்பட்டு வருகின்றனர்.

ஆனால் இன்னும் பல மீனவர்கள் என்ன ஆனார்கள்? என்பதே தெரியவில்லை என அந்த பகுதி மக்கள் கண்ணீருடன் காத்திருக்கின்றனர்.

இந்நிலையில் இந்த பகுதிக்கு நேரடியாக சென்றார் ஜிவி. பிரகாஷ் என்பதை பார்த்தோம்.

தற்போது அவர் ட்விட்டரில் மீனவர்களுக்கு தேவையான உதவிகளை அரசு செய்ய வேண்டும் என கோரிக்கை விடுத்துள்ளார். அதில் அவர் பதிவிட்டுள்ளதாவது..

நம் தமிழ் மீனவர்களுக்கு GPS, Radar, Satellite phone போன்ற கருவிகள் மானியத்திலும் தவனை முறையிலும் அரசு வழங்க வேண்டும். இதை பொருத்துவது கட்டாயமாக்கப்பட வேண்டும் என்று அரசிடம் சிரம் தாழ்த்தி கேட்டுக்கொள்கிறேன். இதில் அனைத்து மீனவ கூட்டமைப்புகளும் ஒத்துழைப்பு கொடுக்க வேண்டும்.” என்று பதிவிட்டுள்ளார்.