தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நாயகன், பெண் சிங்கம், சமீபத்தில் வெளியான எல்கேஜி போன்ற படங்களில் நடித்தவர் ரித்திஷ்.
ரித்திஷ். இவரது இயற்பெயர் முகவை குமார்.
1973ம் ஆண்டு மார்ச் 5ம் தேதி, இலங்கையில் பிறந்து, பின்னர் ராமநாதபுரம் மாவட்டத்தில் வளர்ந்தவர் இவர்
சினிமாவில் நடித்துக்கொண்டே அரசியலிலும் ஈடுபட்டார். அதன் முமூலம் படு பிரபலமானார்.
இந்நிலையில் திடீரென சற்றுமுன் ஜே.கே.ரித்திஷ் மாரடைப்பால் காலமானார். அவருக்கு வயது 46.
ராமநாதபுரம் மாவட்டம் போகளூரில் பிரச்சாரத்தில் ஈடுபட்டபோது அவருக்கு திடீரென மாரடைப்பு ஏற்பட்டு உயிர் பிரிந்தது.
சில தகவல்கள்…
கடந்த 2009ம் ஆண்டு நடந்த லோக்சபா தேர்தலில் திமுக., கட்சியின் சார்பில் ராமநாதபுரம் தொகுதியில் போட்டியிட்டார். அதில் வெற்றிப்பெற்று அதன்பின் எம்.பி.ஆனார்.
பின்னர் பதவிக்காலத்தை முடித்துவிட்டு அதிமுக.,வில் இணைந்தார்.
நடிகர் சங்கம் சார்பில் விஷால் அணி களமிறங்கிய போது, அவரை வெற்றி பெறச் செய்ய உறுதுணையாக இருந்தார். பின்னர் விஷால் தயாரிப்பாளர்கள் சங்கத்தில் போட்டியிட்ட போது அதில் ஏற்பட்ட மனகசப்பால் விஷாலுக்கு எதிராக தொடர்ந்து குரல் கொடுத்து வந்தார்.
ரித்திஷிற்கு ஜோதிஸ்வரி என்ற மனைவியும், ஆரிக் ரோஷன் என்ற 11 வயது மகனும் உள்ளனர்.
ஜே.கே.ரித்திஷின் திடீர் மரணம், திரையுலகினர் மற்றும் அரசியல் வட்டாரத்தில் பெரும் சோகத்தை ஏற்படுத்தியுள்ளது.
Actor cum Politician J K Rithesh passed away